ژ كەلەپۆرێ باب وكالا
ئلیاس نەعمو خەتاری
پشكا پێنجێ
چاندنی لسەر دەمێ باب وكالا گەلەك جێوازی هەبوو دگەل چاندنیا ئیرۆ ئەم دبینین وئەم پێ رادبین،لەوا دڤیا ئیرۆ ئەم خۆ پاڤێژینە دناڤ شۆف وبەیارێن بەریدا و بەرێ خۆ باش بدەینێ كا ل وی سەردەمی ئەڤ شۆف و بەیارێن هەنێ چاوا دهاتنە چاندن و كا چاوا تۆڤدكرن و جۆت لێ دگێران.
وەكی دیار هەر گاڤا ئەم بكەینە بەحسێن بەرێ وچیرۆكێن باب وباپیرا بۆ ئێك و دوو بێژین دێ وەسا بۆمە دیاربت كو ژیانا بەرێ ب تەمامی ب سروشتیا دەشت و چیا وچاندنێ ڤە یە گرێدای بوو دگەل خودانكرنا گیانەوەران و دەوارێن مفادار،هەر وەكی بەری نهۆ مە كریە بەحسا دروونا دەخلا وچنینێ وپاقشكرنا نافكێن وان ژ قرشی دڤیا ئەو تۆڤێ هاتییە جوداكرن بۆ چاندنیێ باش هاتبا هەلگرتن وهاتبا پاراستن ژ هەر زەرەرەكێ یان خرابوونێ ئانكو ل جیێن تایبەت هەبوون دگۆتنێ جیێن تۆڤی ئانكو هەر تۆڤەك وەكی گەنم جەه نەهك باقلك نیسك درا تۆڤێ ترۆزیا تۆڤێ گندۆرا وهتد…دگۆتنێ تۆڤێ تۆڤی داكو نەهاتبا شكاندن وخرابكرن هەلبەت هەر چی تۆڤی باش ب دەستكەفتبا ئەوو تۆڤ دێ هاتبا هەلگرتن ل دەمێ چاندنێ ل پێشیا بارانان دێ شۆفێن خۆ راكربان قلیبكربان دا باران باش ڤەخۆاربا بۆ ڤێ چەندێ هەڤجار بكاردئینان ژداری پێكدهات سەرێ وی لسەر مللێن دەواران داتنان دا بكێشن و تالیا وێ د دەستێ جۆتیاری دابوو ونیڤا وی ئاسن بوو دكەفتە بن ئەردی لدەمێ دەوار دهاتنە هاژۆتن هەڤجاری قالكێ ئەردی رادكر وقلیب دكر ئانكو گێسن بوو ول جیێ تەرەكترا نهۆ بكاردئینان وب كایا یان ب مەهینان یا ب كەران جۆت دهاتە كرن،ل هێرە دێ كەینە بەحسێ چاندنا گندۆران تایبەت گوندۆرێن خەتارێ و بن كندی ژبەركو باشترین جۆرێن گندۆرانە تا ڤێ گاڤێ، ل دەست پێكێ دێ تۆڤێ تۆڤی ئینابا و چووبانە ناڤ ئەردێ خۆ وبلۆ بلۆ ئەوو تۆڤ دێ لسەر ئەردێ بەلاڤكربا دیسان دێ تۆڤێ گول بەرۆژا ئینابا وئەرد بێ كربا لاتە ئانكو مالكێن درێژ پاشی دێ ب هەڤجاری راكربا و ل هیڤیا خودێ هێلابا تا باران باش دباری،چنكو گندۆر نائیتە ئاڤدان بلكو ئی دێمیە لبەر بارانێ شیندبن و پشتی مەهەكی دێ زیل دابا ودێ وەرز دوو پەلگی با ل دەمێ سێ پەلگیێ دێ دەست ب خەپارێ كربا ئانكو دێ هاتبانە ئەو ئەرد هەموو ب تەفشیكا جۆرەكی تەڤەركیە ئەرد پێ دئێنە كۆلان هەموو دێ كۆلابا وچوو جۆرێن زەغەلییێ روەكێن سرووشتی دناڤ بنێن وەرزیدا نەدهێلان بتنێ بنێن گندۆران دمان خەبار دوو جۆربوون ئێكی ب بەرامبەر بوو دوو قەبالەبوو ئانكو هەر مالەكە گەلەك پالە هەبانە ژ ژن و كور وكچ دێ بۆ مالەكێ چووبانە ل دەمێ خەپارا وان ب رۆزا دهاتە حسابكرن پاشی كەسێن مالا دی دێ بۆ وان هاتبانە خەپارێ ئا ئەڤە بوو قەبالە،هەلبەت قەبالا دهەر تشتەكی دا هەبوو پاشی دێ كەبرۆك لبەر ئاڤاكربانا ژبۆ سیبەرێ و زێرەڤانیێ وكارێ وەرزی هێدی هێدی دێ بنێن گندۆرا مەزنبان و شەخەل دابان تا كولیلك دگرتن ئەو كولیك دێ بانە گندۆری هەری بچووك دگۆتنێ رصاصۆك پاشی دێ مەزنبا دگۆتنێ تەعلك مەزنتر لێ دبوو وهیل دكەفتنێ خەتێن سپی دگۆتنێ گندۆرێ كرنوزی پاشی دێ بچەكێ زەربا دگۆتنێ گندۆرێ باب زەر ل رۆژا دی دێ تەمام زەربا گندۆرێ زەر و گەهشتی ودێ هاتبا چنینێ ل دەمێ چنینا گندۆرا خەلك بەرێ سبێ ژ خەوێ رادبوون ودچوونە ناڤ وەرزا ئانكو شەبەقێ ژبەركو دونیا یا ساربوو حەموو گندۆرێن زەر دهاتنە چنین ئەوو لاتین گولێن بەرۆژ ئەردێ وەرزی دابەشدكر و مرۆڤ دلاتا ئێكێ را دچوون هەتا سەری وهەر گندۆرەكی زەربا دێ ژبنێ ڤەكربا ول جیەكی تایبەت لبن كەبرۆكا وەرزی كۆمكربانا وەسا ژلاتەكێ بۆ لاتەكە دن تا هەموو وەرز دچنی ئانكو گندۆرێن زەر هەموو ژبنا ڤەدكرن وژێك جواد دكرن هنەك دبرنە فرۆتنێ د تێركاندا ولسەر پشتا دەوارا دبرنە باژێران و ژ وێڤە تشتێن پێتڤی بانە دئینان چی ئێت خوارنێ بانە یان ئێت ناڤ مالێ بان وهنەكێن دن دئینان مال.
دیسان گندۆرێ هەری باش وجوان جارەكە دن بۆ تۆڤی هەلدگرتن بۆ سالا بێتن و دگۆتنێ گندۆرێ تۆڤی ئوو وەسا وەرز دهاتنە بكار ئینان ل وەرزێ هاڤینێ تا ئەڤ وەرز خەرت دبوو ئانكو ب داوی دهات،لێ ل داویێ پشتی گندۆر پێڤە نەتمان و گولێن بەرۆژ دگەهشتن وسەرێ وان شۆردبوو بۆ خوارێ سەرێ گولان دهاتە ژێكرن هشك دكرن وداتقوتان و تۆڤێ وان دئینانە دەر و وەرز بۆ چێراندنا پەزی دهاتە بكارئینان و بڤی رەنگی چاندن و چنینا گندۆران ب داوی دهات ئەڤە نموونەك بوو بۆ چاندن و چنینا لسەر دەمێ باب وكالا.
تُتاح هذه الصورة أيضا في: کوردی
