موزیك ب زەحمەترین وانەیە د سیستەمێ پەروەردێ دا
چنار ئەحمەد
زارۆك دەمێ مەزن دبت و بەر ب تەمەنێ قوتابخانێ ڤە دچت ، نزانت دێ كەنگی خۆ تۆماركت و قوتابخانە دەست پێ كت و بۆ ئێكەم جار بەر ب دەرگەهێ قوتابخانێ ڤە چت و بتە خودان پەرتۆك و هەڤال و مامۆستا و لسەر كورسیا خۆ روونتە خوار لاپەرێن پەرتۆكێ ڤەكت،هەموو كەیفا وان ئەوە هەموو پێتڤیێن قوتابخانێ دچانتا وی دابن ب تایبەت رەنگ ،رۆژا دهژمێرن هەتا ببتە دەمێ وانێن (ترفیهی) هۆنەر و میوزیك و وەرزش ،داكو ب لەیزن و وێنا چێكن و یاریا ب رەنگا بكن و دەمێ خۆ پێڤە بۆرینن داكو خۆشیەكێ ژێ ببینن.
وەكی یا دیار دسیستەمێ پەروەردێ دا چەندین وانە هەنە كو رۆژانە دئێنە خووندن و موزیك ژی ئێك ژوان وانایە كو ژبلی هۆنەرە زانستە ژی ،دڤێت ب زانستیانە سەرەدەریێ دگەل بكن و بۆ قوتابیا بێنە خووندن و شرۆڤەكرن هەر ل ئێكەم قۆناغ هەتا داویێ ب رەنگەكی وەسا كو پشتی تەمامكرنا پۆلا نەهێ ئەگەر قوتابیەكی حەز لسەر پەیمانگەها هۆنەرێن جوان هەبت یێ بەرهەڤ بت هەر چ نەبت هندەك تشتێ گرنگ و بنەرەت و موزیكژەن و هۆنەرمەندێن بەرنیاس بۆ بدەنە شرۆڤەكرن،لێ ل دووڤ سیستەمێ نهۆ یێ پەروەردێ وەكی دئێتە دیتن ل پتریا قوتابخانا موزیكێ ب وانا هۆنەری ڤە گرێددەن و دەمێ وێ بۆ چێكرنا وێنا یان وانەكا دی تەرخان دكن ب تایبەت د قۆناغێن دەسپێكی دا قوتابی چ مفای ژ ڤان وانان نا بینت و ئەگەر پسیارا قوتابیێن پۆلا ئێكێ بكەی مامۆستایێ تەیێ موزیكێ كیە؟ دێ بێژت موزیك چیە.
ل دووڤ ئاخفتنا مامۆستایێن تایبەتمەند پتریا جاران ل پتریا قوتابخانان گرنگی بڤێ وانێ نائێتە دان و مامۆستا نمرا وی ل دووڤ دلێ خۆ یان ل دووڤ زیرەكیا قوتابی د وانێن دی دا ددانێت و پشتی قوتابیان نمرێن خۆ یێن نیڤا سالێ وەرگرتین گەلەك حالەت ب بەرچاڤێت مە كەفتن كو نمرا موزیكێ ژ نمرا هەموو وانێن دی كێمترە سەرەرای هندێ كو نائێتە كرن،ئەرێ ئەڤ وانە تا وی رادێ یا ب زەحمەتە كو نمرا وێ بڤی شێوەی بت یان زەوقا مامۆستایی كارتا قوتابی كرێت كریە و بڤێ نمرا كێم هەر دئێكەم قۆناغ دا قوتابخانە لبەر قوتابی رەش كریە.
تُتاح هذه الصورة أيضا في: کوردی
