وەرزێ ژ دایکبوونێ کار ل کەسايه‌تيێ دکت
رووداو-سلێمانی
ماڵپەڕی تایم راپۆرتێکی بڵاوکردووەتەوە، کە تێیدا باس لە توێژینەوەیەک دەکات کە ساڵی 2010 ئەنجامدراوە و گەیشتووەتە ئەو ئەنجامەی ئەو مشکانەی لە وەرزی زستان لەدایکبوون، توانای خۆگونجاندنیان کەمترە بەروارد بە لەدایکبووانی وەرزەکانی دیکە. جگە لەوە ئارەزووی خواردنیان کەمترە و کەمتر جموجووڵ دەکەن.
چەند ساڵی رابردووش توێژینەوەی جۆراوجۆر ئەنجامدراون بۆ بینینەوەی پەیوەندی نێوان کەشوهەوا و جیاکەرەوەکانی سرووشتی مرۆڤ. وەکوو گۆڤاری “تایم” روونیکردووەتەوە، ئەنجامە بەدەستهاتووەکان پشتراستیان کردووەتەوە کە وەرزی لەدایکبوونی کەسێک، کار لە سرووشت و هەڵسوکەوتی دەکات.
ئەمەش ئەو جیاکەرەوانەن کە توێژەران پێیان گەیشتوون:
بەهار:
لەدایکبووانی مانگەکانی سێ و چوار و پێنج میزاجیان باشترینە بەروارد بە لەدایکبووانی وەرزەکانی دیکە. بە گشتی گەشبینن و زۆرتر ئارەزووی پشتبەخۆبەستن دەکەن. بەڵام گەشبینییە زیاد لە پێویستەکەیان، زۆرکات بە نائومێدی کۆتایی دێت. توێژینەوەیەکی بەریتانیش دەریخستووە زۆربەی کەسانی نائومێدبوو، لە مانگی پێنج لەدایکبوون.
هاوین:
ئەمانیش میزاجیان باشە، بەڵام هاوشێوەی ئەوانەی بەهار نا! گرفتێکی سەرەکییان ئەوەیە بە خێرایی میزاجیان قڵپدەبێتەوە. هەروەک زستانان ئارەزووی چوونە دەرەوەی زیاتر دەکەن بەراورد بە لەدایکبووانی وەرزەکانی دیکە.
پاییز:
لەدایکبووانی ئەم وەرزە هاوسەنگن، کەمتر تووشی خەمۆکی و دەروونی دوو جەمسەرە دەبن، میزاجیان بە خێرایی ناگۆڕێ و بەزۆری لە بارێکی هاوسەنگیدان لەنێوان خەمۆکی و دڵخۆشی. بەڵام لە هەندێک هەڵوێستدا توندن و تووڕەن.
زستان:
بەدبەختترینن لەڕووی دەروونییەوە، زۆرتر تووشی شیزۆفرینیا دەبن، تووشبوون بە دەروونی دوو جەمسەرە تێیاندا بڵاوترە و مەیلی خەمۆکی و گۆشەگیرییان هەیە. بەڵام ئەوەیان باشە تووڕەییان کەمە و توێژینەوەیەک لەسەر کەسانی بەنێوبانگیش دەریخستووە ئەوان زۆرتر لە لەدایکبووانی مانگی یەک و دوون، بۆیە لەدایکبووانی وەرزی زستان هەلی ئەوەیان زۆرتر لە بەردەمنە ببەن کەسانی بەنێوبانگ.
تُتاح هذه الصورة أيضا في: کوردی
