چەند زانیاریێن گرنگ ژ مفايێن فسته‌قێ
هه‌ولێر – ZNA
ھەندێک کەس وادەزانێت ئەم چەرەسە کێش زیاد دەکات بەڵام لە ڕاستیدا دەرکەوتووە یارمەتیدەرێکی باشە بۆ تواندنەوەی چەوری ورگ.
لە ڕاستیدا ھەموو چەرەسەکان سوودبەخش و پڕ پێکھاتەی کانزایین بۆ جەستەی مرۆڤ بەڵام پێکھاتەی تایبەتی فستق وای لێدەکات باشترین و بەتامترین بێت، توێژینەوە نوێیەکان دەریان خستووە کە فستق زۆر گرنگە بۆ گەشەکردن و تەندروستی ئەندامەکانی ناوەوەی جەستە.
فستق لە پێکھاتەکەیدا کانزاکانی وەکو مس و فۆسفۆر و مەنگەنیزی تێدایە کە مس ئەو ئەنزایمانەی تێدایە یارمەتی کارلێکە کیمیاوییەکانی لەش دەدەن و فۆسفۆر بۆ بەھێزکردنی ئێسکەکان و مەنگەنیز بۆ چڕکردن و باشکردنی شانەکانی ئێسک و گەشەسەندنیان, ھەروەھا فستق دەوڵەمەندە بە ڤیتامینەکانی B کە بۆ دەمار و ماسولکە و زیادکردنی ووزەی جەستەو باشکردنی میزاج بەسوودە و وەک ھێزێکی شەڕکەر وایە دژی پیس بوون یان ھەوکردنی جەستە, لەگەڵ ئەمەشدا دەوڵەمەندە بە ڕیشاڵەکان.
ھەرچەندە فستق کالۆری زۆری تێدایە بەڵام خۆشبەختانە ئەم ڕێژەیە دەوڵەمەندە بە پرۆتین و چەورییە سوودبەخشەکان و ڕیشاڵەکان کە زۆربەی خۆراکی پێویست بۆ جەستە دابین دەکات.
خواردنی ئەم جۆرە چەرەسانەو لێکردنەوەی توێکڵەکەی وات لێدەکات کاتێکی زیاتری پێوە بەسەربەریت و ئەمەش نامەیەک بۆ مێشک دەنێرێت و ھەستی تێریت لەلا دروست دەکات.
تُتاح هذه الصورة أيضا في: کوردی
