سترانەك لسەر شنگالێ دئێتە چێكرن
تۆرا لالش یا راگەهاندنێ
سترانبێژێ گەنج(خالد سەلیم) ئاشكەراكر كو وی و هۆنەرمەند دەخیل ئۆسمان سترانەك لسەر شنگالێ را چێكریە،ل ڤان نێزیكان دێ ئێتە بەلاڤكرن.
ناڤهاتی بۆ رۆژناما دەنگێ لالش خویاكر،ژ بچووكاتیا خۆ دا من حەزا ستران گۆتنێ هەبوو و هەردەم ل مال ستران دگۆتن و ل دەستپێكێ بابێ من پشتەڤانێ من بوو كو ب هاریكاریا وی كاری ل سالا (2004)ێ بەرهەمەكی ل مووسل چێكەم و ئەو بەرهەمە ژ( 12) سترانا پێكهات بوو ، هەموو ستران ژ پەیڤ و ئاوازێن من بوون،پشتی وی دەمی ژبەر رەوشا مادی یا نەباش بۆ دەمەكێ كارێ ستران گۆتنێ هێلا،لێ ب هاریكاری و پشتەڤانیا هەڤالان جارەكا دن دیسا دەست ب گۆتنا سترانێ كر و هێز دانا من دەست ژ كارێ هۆنەرمەندیێ بەرنەدەم،ژ وی دەمی و پاشڤە پشكداری گەلەك هەلكەفت و داوەتان بووم ب رێیا گۆتنا سترانێ،ئەو چەندە ژی راگەهاند نهۆ وی و هۆنەرمەند دەخیل ئۆسمان سترانەك لسەر شنگالێ را چێكریە و ل ڤان نێزیكان دێ ئێتە بەلاڤكرن.
سترانبێژی خویاكرژی ژبەر مرنا هەڤژینا خۆ وی بۆ دەمێ سالەكێ ستران نەگۆتن،پشتی هنگێ دیسان بەرهەمەك چێكر كو ژ (10)سترانان پێكهات بوو.
تُتاح هذه الصورة أيضا في: کوردی
