مەحمود ئێزدی بوو عەرشێ شاهێ غەدرێ و خوینرێژێ بەغدا هەژاندی و پیلانا وان لێ ڤەگەراندی
مەھدی حەسه‌ن موراد 
ب ھەلكەفتا وەغەرا شەھید مەحمود ئێزدی ل شەڤا (١٨لسەر ١٩ی تەباخا سالا (١٩٧٩) ل بەرێ گارەی گیانێ خۆ گۆری پێناڤێ كورد و كوردستانێ كری وەك وەفادارییەك بۆ شەھیدێ قارەمان ، ئەڤێ گۆتنێ دكەم دیاری بۆ ھەمی كوردێن دلشۆز و مریدێن رێبازا پارتی و بارزانی وحەژێكەرێن رێبازا شەھید مەحمود ئێزدی …..
د وێ شەڤا رەش و تاریا ئادارا ۱۹۷۵ێ ب خوه ره ئانی دا مەحمود ئێزدی ئەو چریسک بوو یا مزگینیا رۆژەکا گەش و ئازاد هەلگرتێ ، هەر د وێ شەڤا دڕێژا ترس و سەهم و بێهیڤی بوون و دەست داهێلانێ هەمی ئەسمانێ مه ڤەگرتی دا ، مەحمود ئێزدی و هەڤالێن خۆ ل سەر رێبازا بارزانیێ نەمر ، بوهارەک بوون تۆڤێ خۆراگرتن و سەرهلدانێ د دلێ مە دا شین دکرن ، و ئەڤ تۆڤێ ڕۆژ بۆ رۆژێ رەهێن خۆ کوور داهێلاینه د جەرگێ ڤێ ئاخا بریندار دا و شاگێن خۆ دوور بەر ب هەمبێزا رۆژێ هلداین وسەرهلدان پێڤه هانی.
مەحمود ئێزدی د وێ شەڤێ دا بانگێ وێ پێڤلەرزێ بوو یا عەرشێ شاهێ غەدرێ و خوینرێژێ بەغدا هەژاندی و پیلانا وان لێ ڤەگەراندی ،محمود ئێزدی د ژیانا خۆ دا ، بوو ئەفسانەیەکا قارەمانیا گەلێری و شەهیدبوونا خۆ ژی ئەو ئەفسانه هەتا هەتایێ د دل و وژدانا مه دا زیندی هێلا ….
ئەڤ گۆتن موید تەیب دەرهەقی شەهید مەحمود ئێزدی گۆتیه
تُتاح هذه الصورة أيضا في: کوردی
