چیروكا ئێكه‌م نوژدارا ددانا یا مسری یا كه‌ڕ و لال
وه‌رگێران : ره‌ڤین سالح
به‌رده‌وام هه‌سته‌ك بو هه‌موو كه‌سێن ده‌وروبه‌ر دروست دبو ژ رۆژا دایك بونا ئیسرایێ ، كو ئه‌ف زارۆكه شتی هه‌موو زارۆكێن دی نابت ، به‌لێ ب هه‌موو شیانێت خوه وێ ئه‌ف گوتگوت كه ره‌تكرن ، و بهاریكاریا خێزانا خوه كو وان هه‌ڤركی دناخێ وێ دا چاند ، هه‌تا گه‌هشتی یه ئارمانجا خوه ، ب ڤان په‌یڤان ئیسرا بابلی ده‌ست ب ئاخفتنا خوه كر و بو(mbc) ئاشكرا كر كو چه‌وا بویه ئێكه‌م نوژدارا ددانان ل مسرێ و یا كه ڕبیت ، وێ ته‌حدیا كه‌تواری كر و فێری وانێت رۆژانه بوه ، هه‌روه‌سان رابویه چاندنا قه‌و قه‌عا گوهی داكو بشێت گوه ل ده‌وروبه‌رێن خوه ببیت .
خێزانا من وێره‌كی یه‌كا زێده هه‌بو ژ رۆژا هاتینه ئاگه‌هداركرن كوئه‌ز یا كه‌ڕم ژیێ من چار هه‌یڤ بون ، ئه‌ڤێ چه‌ندێ ژیانا ده‌یكو بابێن نه‌چاركر من ببه‌نه روینشتنێن نوژداری دا كو رۆژانه خاندنا وان په‌یڤان بم یێن كو ژ ده‌ڤێ خه‌لكی ده‌ردكه‌ڤن.
ده‌یك و بابێن من به‌ره‌ف په‌یمانگه‌ه و ده‌زگه‌هێن ده‌نگی یێن حكومی و یێن تایبه‌ت و دیسان ئه‌و سه‌ندیكایێن ڤی بواری دا كاردكه‌ن دچون ، ئه‌ز شیام دگه‌ل ئێك ژ قوتابخانێت تایبه‌ت خو بگونجینم هه‌تا كو ئه‌ز ژی وه‌كو هه‌موو قوتابی یێن دی بگه‌هه‌مه مافێ خوه یێ خاندنێ .
ژیانا من یا به‌رده‌وام بو دناڤبه‌را خاندنێ و راهێنانان دا ومن راوه‌ستیان نه‌بو ، گه‌له‌ك هه‌ڤال ژی من نه‌بون ، من نشته‌رگه‌ریا چاندنا قه‌و قه‌عا گوهی ل با ژێرێ ئه‌سكه‌نده‌ریه كر ، ئامیره‌كێ ئه‌لكترونی كره ناف گوهێ من دا هاریكاربو بشێم گوه ل ده‌نگا ن بم ، ئه‌ڤێ نشته‌رگه‌ریێ گه‌له‌ك هاریكاریا من كر .
رێكا هه‌ڤركی یا ئیسرایێ یا به‌رده‌وام بو هه‌تاكو گه‌هشتیه كولیا نوژداری یا نشته‌رگه‌ریێن ده‌ڤ و ددانان، ئیسرایێ سێ سالان هاڤین و زڤستانێ خاند ، كو رۆژانه حه‌فت ده‌مژمێران شیاباخڤیت ، سه‌ركه‌فتن ئینا ب رێژا 94.4%، دبیته ئێكه‌م كه‌سا خودان پێدڤی یا تایبه‌ت كو شیا ڤێ رێژا بلند ل سه‌ر ئاستێ زانستی ده‌ست خوڤه بێخیت ، ل سالا 2008 فورما خوه پێشكێشی كولیژا نوژداری یا نشته‌رگه‌ریا ده‌ڤ و ددانا كر ل كولیژه‌كا تایبه‌ت ، پشتی تاقیكرنێ دهێته وه‌رگرتن و سه‌ركه‌فتنه‌كا مه‌زن ده‌ست خوڤه دئینت ، پاشان به‌ره‌ڤ خاندنا بلند ڤه دچیت ، داكو ماجستێرێ بده‌ست خوڤه بینت .
كارێن وێ ل خاندنا بلند نه‌راوه‌ستیان ، به‌لكو حه‌زدكر زمانێ خوه پێشبَیخیت و به‌ره‌ف خاندنا زمانێ ئینگلیزی چوو داكو بشێت ب وی زمانی ژی باخڤیت ، هه‌روه‌سان زڤری كاری و ئیسرایێ كلینیكه‌كا تایبه‌ت بو خو ڤه‌كر ، دیت كارێن وێ گه‌له‌ك باش برێڤه دچن ژیا وێ هزرتێداكری ، نوكه ئه‌و دشێت دگه‌ل كه‌سێن ده‌وروبه‌رێ خوه بشێوه‌یه‌كێ نورمال باخڤیت ، پشتی چه‌ند سالێن رونشتنێن نوژداری و خاندنێ ، شیا بیته ئێكه‌م كه‌سا كه‌ر كو ڤێ پێنگاڤا وێره‌ك بهاڤێژیت .
تُتاح هذه الصورة أيضا في: کوردی
