شنگال و ئاڤەدانكرن
ناڤین لەتیف
شنگال ئێكە ژ مەزنترین قەزایە ل هەرێما كوردستێ وچەند ئایینێن جێواز وەك ئێزدی،كرستیان،موسلمان تێدا دژین ، هەروەسا ژلایێ نەتەوی ڤە كورد و ئەرەب تێدا دژین،دەرگەهەكێ وێ دكەفتە دناڤبەرا باشوورێ كوردستانێ دە و ئێكێ دی دكەفتە رۆژئاڤایێ سووریا،جوگرافیا وێ گرنگیەكا مەزن هەیە بۆ هەرێمێ وەك ژێدەرێن ئابووری.
پشتی هاتنا داعش بۆناڤ ئاخا شنگالێ ل 3/8/2014ێ شنگال ژلایێ درەدەنترین رێخكراوا تیرۆرستی یا ب ناڤێ داعشێ ڤە هاتە داگیركرن،پشتی بۆرینا دوو سالا ب سەر كارەساتێ دا،چەند دەڤەرێن وێ هاتنە رزگاركرن ل سەر دەستێ هێزێن پێشمەرگەیێ كوردستانێ و شەرڤانێن ئێزدی ب هاریكاریا فرۆكێن هەڤپەیمانان ،لێ هێشتا هندەك گوند و كۆمەلگەهێن وێ ددەستێ تیرۆرستان دانە و نەهاتینە ئازادكرن،ل وی دەمێ داعش د ناڤ دە گەلەك كارێن خراب ودرندانە ئە نجامدان،ب سەدەها كەس بوونە قوربانی و بێ سەرو شونن و بوونە قوربانیێن دەستێ داعش،هەروەسا ژی گەلەك گەنجێن مە هاتنە سەربرین و پیر و كەوال دەهێ وان دناڤ خویندا شلبون بۆ نەهێلانا گهۆرینا ئاینێ وان و چ خزمەتكاری یێن دروست نەهێلانە و چەند شێوازێن دێرین یێن جهێ پیرۆزێن ئێزدی و مەسیحی و موسلمانا هاتینە هەرفاندن،بۆنموونە كەلها شنگال كو پێ دهاتە ناسین ،دیسان ،چەند گۆرێن ب كۆم لێ هاتنە دیتن،وەك دەڤەرا حەردان و هندەك جهێن دی،هێشتا چەند گۆرێن بكۆم دی یێن كوردێن ئێزدی تێدا هاتینە جینۆسایدكرن ل قەزایێ نەهاتینە دیتن.
هەروەسا پشتی قەزا هاتیە ئازادكرن چ پێتڤیێن ژیانێ ل ناڤ دانەماینە ،وەكی رێ و خزمەتكاری دروست نەماینە، ژبەر هندێ خەلكێ شنگالێ دلگرانە بۆ زڤرینێ ل سەر مال و حالێ خۆ ،هندەك ژێ زڤرین چنكو ژیانا وان دناڤ كەمپان ب زەحمەت بوو،ژبەر هندێ دڤێت پێتڤیێن ژیانێ بۆ وان بێنە دابینكرن،دا خەلكێ شنگال پشتی ب زڤرن سەر مال و حالێ خۆ ،ژیانا وان ب رێڤە بچت وەكی وان بڤێت،هەروەسا ئاڤاكرنا وێ پێتڤی ب دراڤی هەیە هەتا جارەكادی بێتە ئاڤاكرن وحەموو خزمەتكاری بێنە دابینكرن و ژ ئاوارەیێ قورتالببن،وەكی یا دیار ڤێ قەیرانا دارایی یا هەرێما كوردستانێ ڤەگرتی،ناهێلت ب زووترین دەم شنگال بێتە ئاڤاكرن،لەوما بۆ ئاڤاكرنا وێ پێتڤیی ب هاریكاریا نێڤ دەولەتی ژی هەیە و بەری پارێزگەهبوونا وێ ئاڤەدانكرن گەلەك یا گرنگە بۆ خەلكێ وێ.
تُتاح هذه الصورة أيضا في: کوردی
