دابەشكرنا مووچەی ودادپەروەری وپلێن تایبەت؟؟؟
فەهمی بابێ رۆژانێ
نێزیكی (3)هەزار كەسی پلێن تایبەت هەنە لكوردستانێ وهەر ئێك ژوان دناڤبەرا -2-تا -15- مەلیۆن دیناری وەردگرن وهەكە تێكرایێ مووچێ هەر ئێك ژوان ببیتە (4) مەلیۆن دینار هەیڤانە دێ بتنێ موچێ وانێ هەیڤەكێ ببیتە(12) ملیار دینار هەیڤانە ودسالەكێ دا دێ ببیتە (144) ملیار دینار وددەمەكی دا مووچێ هندەك فەرمانبەران ژ (300) هەزاری نابۆریت وئەوژی خودان خێزان ومەزاختنن دڤی بازارێ هار ودین وبێ كۆنترۆل وكۆمپانیێن زەبەلاح وكەس نزانیت یێن كێنە وكی ل پشتە وبدلێ خۆ بەهایان دادنێن ویێ بڤێت بلا بكریت ویێ نەڤێت بلا نەكریت ئاریشا وی یە وتا نۆكە هندەك پێشمەرگە دۆرێن (90)هەزاری وەردگرن.ئەڤە ژلایەكی ڤە وژلایێ دی كارەساتە دەمێ ئەو خودانێن پلێن تایبەت دئێنە خانەنشینكرن ب 80% ژمووچێ خوە وەردگرن وبتنێ -4-5-سالان خزمەت هەیە ونیڤەكا وی دەمی ل گەشت وگوزارا دەرڤەی وەلاتی بۆراندینە ولدەمێ كاری ژی بتنێ ئیمزایان دكەت ئەڤە ژبلی دوو سێ سكرتێران وئمتیازات وترومبیل وشوفێر وپاسەوان لدۆرا وی دمشەبوون وپلا هەفتێ ژ خزم وكەس وكار ونیاس ودۆستێن خوە بناڤ دامەزراندینە وئەو فەرمانبەرێ -20-تا30-سالا خزمەتكری وماندی بوی وهێزوشیانێن خوە مەزاختی ئەوژی دێ ب 80% ژمووچێ خوە ئێتە خانەنشینكرن بەلێ هندی ئەرد وئاسمانی جیاوازی دناڤبەرا مووچێن واندا هەیە ڤیجا كانێ 80% بكەت نێزیكی (300) تا(400) هەزاری یێ فەرمانبەران هەیڤانە وەك مووچێ خانەنشینیێ ومووچی پلێن تایبەت كو دێ بیتە نێزیكی (4) تا (5) مەلیۆن دیناری هەیڤانە ؟؟ پا گەندەلی یا چاوایە ؟؟.
ئابورناس (د.سەلاحەدین ئوسمان )مامۆستایێ زانكۆیا سلاحەدین دبێژیت وەزیر كادرێ پارتەكێ یە هاتیە هەلبژارتن بۆ پۆستێ وەزارەتێ یان پەرلەمانی یان پلا تایبەت یان ئەندامێ ئەنجومەنێ پارێزگەهێ وپشتی خۆلا وان بداوی دئێت ب وی مووچێ زەبەلاح دئێنە خانەنشینكرن هەر چەندە ژیێ وان نەیێ خانەنشینیێ یە وزۆربەی وان نە دگونجیان بۆ وان جهێن لێ هاتینە دامەزراندن ولسەر بنیاتێ واستە وناسین وخزماتیێ هاتبوون دامەزراندن وپشتی خۆلێن وان بداوی دئێن دشێن كارێ خوە یێ بەرێ بكەن ومفای بگەهینن وەلاتێ خوە بەلێ ژبلی وی مفایێ وان كری ژپۆستێ خوە دئێنە خانە نشینكرن ویا باش ئەوبو بەر پرسیاربان ژ ئەنجامدانا كارێن وەزارەت وفەرمانگەهێن خوە كانێ چ ئەنجامداینە وچ كێماسی هەبوون وچ خزمەت بۆ گەل وەلاتێ خوە كرینە ؟؟ ئەو ئابورناسە دبێژیت دڤیا لێپرسین لوان هاتبا كرن لدۆر كارێ وان ومال ملكێن وان یێ پشتی وەرگرتنا پۆستێ جنكی ئەڤ شێوازە وبێ لێپرسینێ تێكدانا ملكێ گشتی وسامانێ نەتەوەیێ یە وهەكە رێكخستنەك ودیفچۆنەك هەبیت دێ رێكێ لوان سەرپێچیا ئێتەگرتن وئەو پارێ ب هەدەر وبێ دادی دچیت دێ مفای گەهینیت بەرژوەندا گشتی وئەو مەزاختنا بێ كۆنترۆل دێ بۆ هندەك بەلەنگازان ئێتە مەزاختن،و(د.سەلاحەدین ) ب پێتڤی دبینە كو جێوازی دناڤبەرا موچێن زەبەلاح ویێن لاواز نەمینیت وئاستێ مووچەی لگۆر گرانیا بازاری وخەرجیێن ژیانێ بێنە دانان ولگۆر گۆتنا ئەندامێ لیژنا دارایی ل پەرلەمانێ كوردستانێ (عومەر هەورامی ) كودبێژە ئەو بڕە پارێ دئێتە كێمكرن ژ مووچێ پلێن تایبەت كو ژ 10% تا30% بێتە زێدەكرن لسەر مووچێ پلێن نزم (هەلبەت ئەز نە ئێك ژوانم) داكو دادپەروەریا كۆمەلایەتی بێتە چەسپاندن ،وبۆ زانین مووچێن خانەنشینی یێ (333) پەرلەمانتارێن سێ خۆلێن پەرلەمانی دهەیڤەكێ دا دبیتە (2)ملیار و(131)مەلیۆن (200)هەزار دینارو دسالەكێ دا دبیتە (25) ملیار و(574ملیۆن دینار بلنددبیت وبڤی مووچێ دیاركری دێ (6)هەزار كارمەند پێ ئێنە دامەزراندن.
براستی دادپەروەری وەسا دخوازیت هەر وەزیرەك یان پەرلەمانتارەك یان رێڤەرێ گشتی دەمێ خۆلا وان بداوی دئێت ولوان پیرۆزبیت ئەو هەمی خوە چێكرنە وپارێ وەرگرتی وخێرا خوە كری ووەلات ئاڤاكری وسەفەرێن وان كری دڤیا لسەر باوەرناما خوە وكارێ خوە یێ بەرێ مووچەی وەرگریت وخزمەتێ بكەت،چنكو هەر چار سالان خۆلەك خانەنشین ببیت وبڤی بڕە پارێ زەبەلاح دێ بودجێ هەرێمێ ژناڤ بەت نەخاسمە كو بتر ژ (70%) مووچێ هەرێمێ بۆ مووچێن فەرمانبەران دچیت ،ولسیمینارا (د.ئەحمەد سەفار )مامۆستایێ زانكۆ یا دهۆك دیار بوو وەكی جەنابێ وی گۆتی كو ژ بودجێ ئیراقا فیدرال هەر كەسەكی رۆژانە (85) دۆلار دڤیا بگەهنێ وەك بەهرا وی ژبودجێ گشتی ژبلی وان مەزاختیێن ل خزمەتگوزاریان دئێنە كرن بەلێ لدۆر گۆتنا رێزدارێ ناڤبری هەكە مووچێ (نوری المالكی ) یێ هەیڤەكێ هندی مووچێ (باراك ئۆباما)یێ سێ سالا بیت وزۆربەی مووچێ گشتی بۆ سەرۆك وەزیری ئیراقێ وسەرۆك كۆماری بچیت بناڤێ نەفەقاتێن سیادی ئەها ئەڤە دێ حالێ هەژار وبەلەنگازابیت وكەس نزانیت ئەڤە چاوا دئێت وچاوا دچیت وخودێ هاریكارێ ڤی خەلكێ پەریشان وبێ سەمیانبیت لبەر سیبەرا تەوافقاتان وبۆراندنا دەمی هەلبەت ژڤان ئەگەران ئەڤ قەیرانا مالوێران پەیدابوو وموچە هاتن پاشە كەوتكرن وخەلك زۆر بێزار بوینە ودڤان قوناغێن نازك وهەستیار ومەترسیداردا ودڤیا حكومەتێ نەهێلا با بار بگەهیتە سەر شاخێن گای وپلان هەبان بۆ رێكخستنا بنە مایێن ژیانێ وخۆراگریێ وبدیتنا مە بتنێ هەژار وبەلەنگاز وفەرمانبەرێن پلە ناڤنجی ڤی بارێ گران هلدگرن وژوان وپێهەل های ژ قەیرانێ نینە ،چنكو ئەوان ژێرخانا خوە یا دارای گرتیە بهەمی رێكێن بەردەست وبێ لێپرسین وبێ كۆنترۆل بەلێ ئەم هیڤیدارین پرۆسێ چاكسازیێ (وتە ئەڤە ژكیرێ )بێتە جێبە جێكرن وگەندەلكار بچنە بەر دادگەهێ وخوینا مللەتی ژوان بێتە ستاندن وهەر ئێك بگەهیتە مافێن خوە یێ رەوا وهەكە نە وەسا بیت ئەزمونا مە هەمی دێ توشی مەترسیا ژناڤچۆنێ ببیت ودلێ نەحەز وپیلانگێرا لمە خوەشبیت ؟؟؟؟.
تُتاح هذه الصورة أيضا في: کوردی
