بارزانی و عەبادی پێشڤەچوونێن ئۆپەراسیۆنا رزگارکرنا مووسلێ گۆتووبێژ کرن
WAAR-دهۆك:
سەرۆکێ ھەرێما کوردستانێ و سەرۆکوەزیرێن ئیراقێ ئەڤرۆ ل ھەولێرێ پێشڤەچوونێن مەیدانی یێن ئۆپەراسیۆنا رزگارکرنا مووسلێ و ھەماھەنگییا دناڤبەرا ھێزێن پێشمەرگەی و سوپایێ ئیراقێ دا گۆتووبێژ کرن.
حەیدەر عەبادی سەرۆک وەزیڕین ئیراقێ، پشتی ئەڤرۆ سەرەدانا مووسلێ کری و دگەل فەرماندەیا ئۆپەراسیۆنێن رزگارکرنا وی باژێڕی کۆم بووی، ب رێیا فرۆکخانەیا ھەولێرێ یا نێڤدەولەتی گەھشت ھەرێمێ و ژ ئالیێ مەسعوود بارزانی سەرۆکێ ھەرێما کوردستانێ ڤە ھات پێشوازیکرن.
پاشان بارزانی و عەبادی د کۆمبوونەکێ دا داوی پێشھاتیێن شەرێ دژی داعشێ و ئۆپەراسیۆنا رزگارکرنا مووسلێ ل رۆژھەلات و رۆژئاڤایێ وی باژاری بەحسکرن و ھەردو ئالیان سەرکەفتنێن سەربازی یێن ل دژی داعشێ پیرۆزکرن.
ھێمن ھەورامی شیرەتکارێ سەرۆکێ ھەرێما کوردستانێ بۆ کاروبارێن دەرڤە ، د پەیچێ خوەیێ فەیسبووکێ دا دیارکر، بارزانی د گەل عەبادی دا بەحسا بەردەوامییا ھەماھەنگییا باشا د ناڤبەرا ھێزێن پێشمەرگەی و سوپایێ ئیراقێ دا بۆ رووبرووبوونا ھێرشێن ھەڤپشک و ھەروەسا پەیوەندیێن نھا و پاشەرۆژێ د ناڤبەرا کوردستانێ و ئیراقێ دا کرن.
پاش ڤێ کۆمبوونێ عەبادی بەرەڤ سلێمانیێ چوو و دگەل مام جەلال سکرتێرێ گشتیێ ئێکەتییا نیشتیمانی کۆمبوو و پاشان کۆمبوونەک دگەل مەکتەبا سیاسییا ئێکەتیێ سازکر.
تُتاح هذه الصورة أيضا في: کوردی
