زیانێن بکارئینانا مۆبایلێ بەرێ نڤستنێ
ئێن ئارتى 
لگۆری چەند ڤەکۆلینەکان کو زانایێن زانکۆیا شاهانەیا بریتانی ل لەندەن ئەنجامداینە، ژ وێ چەندێ پشتڕاستبووینە کو بکارئینانا مۆبایل و تابلێتان بەری نڤیستنێ زیانان دگەهیننە ساخلەمیا مرۆڤی.
د نهادا ب سەدەمێ گەلەک بکارئینانا مۆبایل و تابلێتان، نوژداران تێبینیا هندێ کرینە کو ئەو ئامێر مەترسینە بۆ سەر ساخلەمیێ و دێ زیانان ب کۆئەندامێن دەمارا گەهینن.
پشتی چەند ڤەکۆلینەکان، زانایێن زانکۆیا شاهانە یا بریتانی ل سەر ١٢٥ هزار زارۆکان کو ژیێ وان د ناڤبەرا ٩ بۆ ١٩ سالیێ دا بوویە ئەنجامداینە، ئەو چەند بۆ وانان دیار کەتیە کو ئەو زارۆکێن بەری نڤستنێ مۆبایل و تابلێتان بکارتینن، د وێ رۆژێ دا لەشێ وان دێ گران و بێ هێز بیت.
وان زانایان ئەو چەند ژی تەکەز کرینە کو هەبوونا ئامێرێن زێرەک د ژۆرا نڤستنێ دا دێ بیتە سەدەمێ چرمسینا تەڤایا دەمارێن مێشکێ زارۆکان، ب رەنگەکی کو مێشکێ وان ژ حالەتێ ئامادەباشی و چالاکیان رادگریت، ژبەر وەرگرتن یان ژی هاتنا نامەیان بۆ مۆبایل و تابلێتێت وانان.
زانایان تەکەز ل سەر وێ ئێکێ ژی کرینە کو تێکچۆنا خەوێ سەدەمە بۆ دروستبوونا ئاریشێن مەترسیدار ل سەر ساخلەمیا مرۆڤی، وەکی تێکچۆنا سیستەمێ حەزا خارنێ و بلندبوونا رێژەیا قەلەویێ و هەروەسا داکەتنا چالاکیێن کۆئەندام و سیستەمێ بەرەڤانیا لەشی و راوەستیان ژ گەشەکرن و مەزنبوونێ.
تُتاح هذه الصورة أيضا في: کوردی
