قایممقامێ شنگالێ:بزاڤ بۆ رزگاركرنا دەڤەرێن باشوورێ شنگالێ دبەردەوامن
تۆرا لالش یا راگەهاندنێ
بزاڤ بۆ رزگاركرنا دەڤەرێن ماین یێن باشوورێ شنگالێ یێن دبن كۆنترۆلا تیرۆرستێن داعشێ دە دبەردەوامن،كو ئەو دەڤەر20% ژ رووبەرێ قەزایێ پێك دئینن،هەروەسا بوودجەیەك بۆ كارەبا شنگالێ هاتیە مەزاختن و دەست ب پرۆژەیێ كارەبێ هاتیە كرن.
مەحما خەلیل،قایممقامێ قەزا شنگالێ بۆ رۆژنامەیا دەنگێ لالش دیاركر:” بزاڤێن مە و تەڤایا خەلكێ شنگالێ دبەردەوامن ژبۆ رزگاركرنا دەڤەرێن ماین یێن باشوورێ شنگالێ،كو ٢٠ % ژ رووبەرێ دەڤەرا شنگالێ پێك دئینن ئەوژی دەڤەرێن(گرعزێر، سیبا شێخدرێ، كۆچۆ، حاتمیە ، گرزەرك، رمبووسی، تل قەسەب و تل بەنات، كون روڤی، قابووسی) نە و گۆت:”بوودجەیەك بۆ كارەبا شنگالێ هاتیە مەزاختن و دەست ب پرۆژەیێ كارەبێ هاتیە كرن ئەگەر ئەڤ پرۆژە بێتە تەمامكرن دێ تەڤایا خەلكێ شنگالێ ژێ مفاداربن”.
خەلیل ئەو یەك ژی دیاركر:”د سەرەدانا مە دە بۆ ئەمریكا مە خواست كو بوودجەیەكێ تایبەت بۆ ئاڤەدانكرنا شنگالێ بێتە دابینكرن”.
تُتاح هذه الصورة أيضا في: کوردی
