نێچیرڤان بارزانی په‌یامه‌ك ئاراسته‌یی حه‌یده‌ر عه‌بادی كر
وار
نێچیرڤان بارزانی سه‌رۆكوه‌زیرێن هه‌رێما كوردستانێ، په‌یامه‌ك ئاراسته‌یی سه‌رۆكوه‌زیرێن ئیراقێ كر و تێا هه‌ڤخه‌میا خوه ب گه‌ل و حكومه‌تا ئیراقێ راگه‌هاند و په‌قینێن به‌غدا شه‌رمزاركرن و ب كاره‌ساته‌كا مه‌زن ناڤكرن.
مالپه‌ری فه‌رمی یێ حكومه‌تا هه‌رێمێ به‌لاڤكرییه كو نێچیرڤان بارزانی د وێ په‌یامێ دا دیاركرییه، تیرۆرستان ژبلی كوشتنێ چ باوه‌رێن دی نینن و ل ده‌مه‌كی كو مرۆڤ و مرۆڤایه‌تی ل هه‌مبه‌ری مه‌ترسیه‌كا مه‌زنا تیرۆرێ دایه، به‌غدا پشتی چه‌ند پایته‌ختێن دی، بۆ ئارمانجا تیرۆری، د ده‌مه‌كی دا كو هێزێن ئیراقی و پێشمه‌رگه، د سه‌نگه‌رێ پێشیێ یێ نه‌هێلانا مه‌ترسیدارترین رێكخستنا تیرۆری دانه ل سه‌رانسه‌ری جیهانێ كو رێكخستنا داعشه.
سه‌رۆكوه‌زیری ئاماژه ژی كرییه كو ژناڤبرنا مه‌ترسیا تیرۆرێ، پێدڤی ب هه‌ماهه‌نگیا ته‌مام و به‌رفره‌هه، ژبه‌ركو هێشتا مه‌ترسیه‌كا مه‌زن و ئۆپه‌راسیۆنێن به‌رفره‌هـ ل هه‌مبه‌ری هێزێن ئیراقی و پێشمه‌رگه‌یان دانه و پێدڤییه ئه‌ڤ هێرش و كاره‌ساتێن مه‌زن، ببنه ئه‌گه‌رێ ئێكگرتنا مه ل هه‌مبه‌ری تیرۆرێ.
تُتاح هذه الصورة أيضا في: کوردی
