كۆمبوونا شاندەكێ ئێزدی و ئیتالی ئیرۆ ل هەولێرێ
تۆرا لالش یا راگەهاندنێ
ئیرۆ 27حوزەیرانا 2016،شاندەكێ ئێزدیان دگەل شاندەكێ ئیتالی ل سەر ئاستێ بلند ل هەولێرێ كۆمبوو.
نڤیسینگەها راگەهاندنا پەرلەمانتار “ڤیان دەخیل” دراگەهاندنەكێ دا ئاشكەراكر:”ڤیان دەخیل،سەرۆكاتیا ڤی شاندێ ئێزدی كر،كو پێكهاتی بوو ژ “میرزا دنایی”و “خدر دوملی” و فەلاح حەسەن” و “مەهیا”ئێك ژ رزگاربوویێن ئێزدی یە،بۆكۆمبوونێ دگەل شاندەكێ ئیتالی ل سەر ئاستێ بلند،ب سەرۆكاتیا “بییر فرناندو كاسینی”سەرۆكێ لژنا پەیوەندیێن ژ دەرڤە ل جڤاتا پیرێن ئیتالی و شاندێ یاوەر دگەل دا،یێ پێكهاتی ژ ژمارەیەكا ئەندامێن جڤاتا پیران،هەروەسا “ئەلكساندرا “كۆنسلا گشتی یا ئیتالیا ل هەولێرێ و “ریزان”نوونەرا هەرێما كوردستانێ ل ئیتالیا و د.”مارزیو” ل كۆمبوونێ دا ئامادەبوون”.
د دیدارێ دا ل سەر نیازا پەرلەمانێ ئیتالی بۆ دەنگدانێ كو ئەوا ب سەرێ ئێزدیان هاتی كۆمكوژیا بكۆمە ئاخفتن،زێدەباری شرۆڤەكرنەكێ ژبال شاندی ل دۆر ئازارێن ئێزدی دنالن و ب تایبەت زارۆك و ژن و بابەتێ گۆرێن بكۆم و كاركرن ل سەر پاراستنا وان.
شاندێ ئیتالی گوهێ خۆدا شەهدا”مەهیا”كو ژ ئێك ژ رزگاربوویێن ئێزدی یە و خەلكا گوندێ كۆچۆیە،ژبال خۆڤە كاسینی سۆزدا هاریكاریا زارۆكا ڤێ رزگاربوویێ چنارێ بكت،بۆ وەرگرتنا خۆلێن فێركرنێ ل ئیتالیا و تەمامكرنا خووندنا وێ ل وێدەرێ.
تُتاح هذه الصورة أيضا في: کوردی
