نەخت ئاستەنگە ل بەردەم هەڤژینیا گەنجێن ئێزدی ل ئەلمانیا
بەختیار قادر
گەنجێن ئێزدی ل وەلاتێ ئەلمانیا ب تایبەتی نەرازیبوونا خۆ دیاردكن ل هەمبەری نەختێ كچێن ئێزدی كو پتری 7000یۆرۆیانە،ئەڤ یەك بوویە ئاستەنگ ل بەردەم گەنجان هەڤژینیێ پێك بینن،ژبەركو بارێ ئابووریێ گەلەك گەنجان لاوازە و نكارن دەست ب پرۆسەیا پێك ئینانا هەڤژینیێ بكن،داخوازا گەنجان ئەوە وەك وێ بریارا جڤاتا رۆحانی ل هەرێما كوردستانێ بۆ دیاركرنا نەختی دایی ل ئەلمانیا ژی بێتە بجهئینان،داكو ببتە بارسڤكرنەك ل سەر مللێ گەنجان بۆ دەستپێكرنا ڤێ پرۆسێ.
ل گۆری پێزانینێن ژ چەند چالاكڤانێن ئێزدی گەهشتینە من ژ وەلاتێ ئەلمانیا و وەك من ل پێشەكیێ ئاماژە پێكری،نەختێ كچێن ئێزدی بۆ 7000یۆرۆیان،ئەڤ یەك بوویە ئاستەنگ ل بەردەم گەنجان هەڤژینیێ پێك بینن،ل ماوەیێ دوو هەیڤێن بۆری دا گەنجان و چالاكڤانان ئەڤ بابەتە ئازراندیە بۆ وێ یەكێ نەخت بێتە كێمكرن بۆ 3000یۆرۆیان،ل بەرامبەر هندێ داخوازا وان یا سەرەكی ئەوە جڤاتا رۆحانی بریارەكێ دەربارەی دیاركرنا نەختی ل ئەلمانیا بدەتن،كو وەك وێ بریارا ل هەرێما كوردستانێ بت و ل ڤێدەرێ ژی بێتە بجهئینان،داكو گەنج بكارن دەست ب پێكئینانا هەڤژینیێ بكەن و ببتە بارسڤكرنەك ژ ئالیێ ئابووری ڤە بۆ وان،پشتی ئازراندنا ڤی بابەتی ژ لایێ چالاكڤان و راگەهاندنا ئێزدیان ڤە هەتا نۆكە پتر ژ دوو گەنجێن ئێزدی وەك كێمكرن بۆ نەختی كچ خواستینە ب 3000یۆرۆیان و رەنگڤەدانەك ل پەی گەنجان چێبووینە و ل راگەهاندنا ئێزدیان دا ڤی بابەتی دەنگ ڤە و دەست خۆشی ل ڤان گەنجان هاتە كرن بۆ ڤێ بریارا كێمكرنا نەختی كو ب ڤێ رێژا دیاركری بتن،ئێزدیان ب گشتی ل وەلاتێ ئەلمانیا پێ باشە نەخت بۆ ڤێ رێژێ بتن،داكو گەنج پتر دەست ب هەڤژینیێ بكن.
ب دیتنا پێدڤیە ژئالیێ جڤاتا رۆحانیا ئێزدیان ڤە بریارەكێ ل سەر دیاركرنا نەختی ل ئەلمانیا بدەتن،كو هەر وەك نەختێ دیاركری ل عێراقێ بتن،ژبەركو ئەڤە داخوازیا گەنجان یا سەرەكی یە كو دەست ب هەڤژینیێ بكەن،زێدەباری هندێ نۆكە ژمارەیەكا زۆرا ئێزدیان ل ئەلمانیا ئاكنجینە و ب وەلاتێ دووێ یێ ئێزدیان پشتی هەرێما كوردستانێ دئێتە هژمارتن،لەوا پێدڤیە لێنێرینەك بۆ ڤی بابەتی هەبتن،داكو ئەڤ چەندە نەبتە سەدەما قەیرەبوونا كچان ژی ل بەرامبەردا،هەروەسان ئەو پێنگاڤا دوو گەنجێن ئێزدی كرین كو ب نەختێ كێم كچ خواستین یا دجهێ خۆدا بوو،ژبەركو یا پێتڤی بوو،دیسان دگەل وێ چەندێ دامە هەر تشتەك دبەرژەوەندیا كچ و كوران و ئێزدیان ب گشتی دا بت بێتە كرن.
تُتاح هذه الصورة أيضا في: کوردی