پێتڤی یە ئەرەب ل دەردۆرێن شنگالێ نەمینن
جیهان عه‌بۆ
جهێ پرسیارێیە ئەرێ رزگاركرنا شنگالێ ب تنێ بەسە بۆ ئێزدیێن ڤی باژێری،ئایا رزگاركرن دێ كارت جهێ ئێش و ئازارێ ئێزدیێن شنگالێ گرت،ئەڤە پتری سالەكێ ب سەر كارەساتا شنگالێ را بۆری هێش كارەسات یا بەردەوامە.
رزگاركرنا شنگالێ ب تنێ بۆ ئێزدیان نە بەسە،چنكو دێ چاوا دایكەك كارت ڤەگەرتە وی جهی كو زارۆك و زەلامێ وێ ب تامەیی هاتنە كوشتن و كەچا وێ هاتی رەڤاندن و دەست درێژی لێ هاتیە كرن،یان دێ چاوا زڤرتە ژیانا خۆ یا بەرێ كو تیرۆرستان لبەر چاڤێ وی راهێشتی پرچا خوشكا وێ و لێ پێ خۆ خوشاندی و لناڤ گوندی دەست درێژی كرییە سەر،ئایا ژیانا بابەكی دێ چاوا بت كو هەموو زارۆك و مال و مالێ خۆ دئێك رۆژێ دە ژ دەست دای و كریڤێ وی خیانەت لێ كری ،چ جارا خوشكە نكارت ب ئارامی بژیت لناڤ وان كۆلان و جادا دە،كو خوشكا وێ لبەر چاڤێ هاتیە دەست درێژكرن و كوشتن.
رەوشا زارۆكان دێ چاوابت كو دایك و بابێ لبەر چاڤێ وان هاتنە كۆمكوژیكرن و بێ دایك و باب مانە ل ڤێ ژیانێ ،لەورا رەوشا وان یا خرابە و كارەساتەكە مەزن ب سەرێ وان هاتیە چ تشت نكارت ئێش و ئازارێ وان كێم بكت ،چنكو هەتا ڤێ گاڤێ ژمارەكە مەزن ژ كچ و ژن و زارۆكێن ئێزدیێن شنگالێ دگرتینە و نەهاتینە ئازادكرن و ئەڤە بۆ ماوێ سالەكێ یە ،لێ جڤاكێ كوردی دە كچ و ژن شەرەف و ناموسن و مرۆڤ خۆ لسەر ددەتە كوشتن ئانكو هێلا سۆرە ، دڤی جڤاكیدە گەلەك كچ لسەر سوواربوونە تەكسیێ بوختەن ل وان هاتیە كرن و هاتنە كوشتن یان كچ لسەر ماچكرنەكێ یا هاتی كوشتن ،ئەرێ دێ رەوشا ئێزدیێن شنگالێ یا چاوابت گەر زڤرینە وارێ خۆ و شەرەف و نامووسا وان ب زۆری و لبەر چاڤێ وان ب شێوەیەكێ دژی مرۆڤایەتیێ یا هاتیە شكاندن و ئازار دانە، ژیان بۆ خەلكێ شنگالێ دێ گەلەك ب زەحمەت بت،لەورا ئێزدی پێتڤی ب شنگال بوونێ هەیە ،پێتڤی یە ل شنگالێ ئەرەب ل رەخ و دۆرێ وان نەمینن و تۆلا خەلكێ وێ زوو بێتە ستاندن و دەرەنگتر نەمینە و رزگاركرنا كچ و زارۆكان ب زووترین دەم و دەڤەرەكە رزگار كری و ئارام بۆ شنگالیا بێتە دروستكرن ژلایێ مادی ڤە ژیانا خەلكێ شنگالێ بێتە خۆشكرن ژ وان رە جهێ نشتەجێبوونێ وەكی خانی و قەرەبوویا وان خێزانا بێتە كرن یێ مال و مالیەت و ژیانا ئەندامێن خێزانا خۆ ژ دەست داین و ژ لایێ دەروونی هاریكارییا وان بكن.
تُتاح هذه الصورة أيضا في: کوردی
