ئازار 03, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دلڤين خه‌له‌ف:نا بۆ توندوتیژیا ل دژی ئافرەتێ

نا بۆ توندوتیژیا ل دژی ئافرەتێ

دلڤين خه‌له‌ف
ئەڤرۆ ٢٥ی نۆڤەمبەرێ رۆژا جیهانی یا بەرهنگاربوونا توندوتیژیێ ل دژی ئافرەتان وەکو ئەرکەکی مرۆڤی ونەتەوەیی پێخەمەت هەبوونا نشتیمانەکی ساخلەم وکۆمەلگەهەکی ژیر وزانا فەرە هەر تاکە کەسەکی کورد وبتایبەت لناڤ جڤاکێ کوردستانی یێ ئازاد دە ئەڤ رۆژە بێتە ساخکرن وپالپشتیەکا ب هێز د هەموو بوارێن ژیانێ دە ل ئافرەتێ بێتە کرن ژبەر کو ئافرەتا کوردستانێ هەردەم ژبۆ دۆزا گەلێ خۆ وەفادر وخەمخۆرەکا دلسۆز بوویە ودئاستێ وەلاتپارێزیێ دە لرێزێن پێشی یێن قوربانیدانێ دە بوویە وژبۆ پێشڤەبرنا بوارێ رەوشەنبیریا کۆمەلایەتی دایکەکا دلێر وزانایەکا ژیر وژێهاتی بوویە ودیسان لسەر ئاستێ ئاڤاکرنا جڤاکێ ژی ئافرەتا کورد رۆلەکی سەرەکی هەبوویە وخۆ ژ ئەرکێ مرۆڤاتیێ نەدایە پاش بەلکو ب بیروباوەریەکا مکوم سەرەدەری دگەل هەر پێنگاڤەکا بەرو چارەسەریا دەرد وژانێن مللەتێ خۆ کریە وبدەلەکی نەرم ودویر ژکەرب وکینێ ل کێشە وئاریشێن جڤاکێ خۆ بخودان دەرکەتیە وهەردەم بزاڤ ژبۆ دەربازبون ژقوناغێن بزەحمەت کریە هەتا کو ئارامی وئێمناهیا جڤاکێ خۆ پاراستیە.
زۆربەیا جاران ئافرەتا کورد لسەر تشتەکی بێ گونەهـ هاتیە سزادان وکەفتیە بەر زۆلم وستەما خێزانێ بێی کو سەرەدەریەکا مرۆڤایەتی دگەل دا بێتەکرن وەك کەسەکا خودان هزر وبیر دناڤ جڤاکێ خۆ دە، بەلکو بەرۆڤاژی ڤێ چەندێ رفتارێن خراب دگەل دا هاتیە کرن وبچاڤەکی نزم سەرەدەری دگەل هاتیە کرن.
دناڤ زۆربەیا مللەتێن رۆژهەلاتا ناڤین دە کو جهێ داخێ یە مللەتێ مە ژی ئێك ژوان مللەتانە کو هەتا نها ئافرەت بدڵەکی سار دهێتە کوشتن و بگونەهێن بێ بنەما سەرەدەری دگەل دهێتە کرن وئەڤەژێ دیاردەکا مەترسیدارە وبەرۆڤاژێ هەموو رەوشت وتیتالێن جڤاکێ کوردیە.
لەوما ئەم داخوازێ ژ حوکمەتا هەرێما کوردستانێ وهەموو رێکخراوێن مافێ مرۆڤان ولایەنێن پەیوەندیدار ورێکخراوێن پاراستنا مافێ ئافرەتان وتەڤایا تەخ وچینێن گەلێ کوردستانێ دکەین چارەسەریەکێ ژبۆ ڤێ دیاردا خراب ببینن و بهێز پالپشتیێ ل هێز وشیانێن ئافرەتا کوردستانی بکەن وهەروەسا فەرە لسەر کۆمەلگەهێ مە یێ کوردەواری خۆ ژڤان رەفتارێن نەشارستانی قورتال بکەن وسەرەدەریەکا سەردەمی لهەژی ئاستێ مەزناتیا ئافرەتێ دگەل دا بکەن وببنە پشتەڤان ژبۆ ئێکسانی ووەکهەڤیا جڤاکی پێخەمەت ئاڤەدانکرنا کۆمەلگەهەکا ساخلەم وپێشکەفتی.
بێگومان هەموو وەلاتین پێشکەفتی لسەر ڤی بنەمایێ راست ودروست بمافین خۆ یێن رەوا شاد وبەختەوەر دبن وجڤاکەکی ئازاد ووەلاتەکی ئارام پەیدا دکەن.
ل داویێ داخوازا ئازدیێ ژبۆ ئەوان کج ودایک وخویشکێن مە یێن ماینە دیل وئێخسیر دناڤ دەستێن هۆڤێن بیابانا عەربی چەکدراێن رێکخراوا تیرۆرستی یا داعش دکەم وهیڤیدارین هەموو هەول وبزاڤ پێخەمەت رزگارکرنا وان بکەڤنە کار داکو ڤەگەرێنە همبێزا کەسوکارێن خۆ کو بووینە نەهـ سال چاڤەرێی ڤەگەریانا وان بووینە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi