نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بەختیار قادر:دامەزراندنا بنگەهێ‌‌ لالش وەرچەرخانەكا دیرۆكی بوو

دامەزراندنا بنگەهێ‌‌ لالش وەرچەرخانەكا دیرۆكی بوو
بەختیار قادر
دامەزراندنا بنگەهێ‌ لالش ل(1993/5/12)وەرچەرخانەكا مەزن و دیرۆكی بوو ل ناڤ جڤاكا كوردستانێ‌ ب گشتی و یا ئێزدیان ب تایبەتی،ئەڤ سازیا مەزن یا كو 30 سالە خزمەتا ئێزدیاتیێ‌ دكە و چەندین شاخ ڤەداین ل هەموو دەڤەر وناوچێن ئێزدیان ژ شنگال تا باشیك و بەحزانێ‌ كو ب 9 تایان بخۆڤە دگرە ل كوردستانێ‌ و عێراقێ‌ و ژ دەرڤەی وەلات ژی هاتینە خەملاندن،زێدەباری 26 نڤیسینگەهان ل پرانیا گوند و دەڤەرێن ئێزدیان دڤەكرینە و ڕۆژانە كار و خزمەتا خەلكێ‌ خۆ و تایبەت تەخا ڕەوشەنبیران دكەن ب چالاكیێن جودا جودا.
هەلبەت هەر ژ دەستپێكا دامەزراندنا ڤی بنگەهی 14 كۆنگرە هاتینە ل دارخستن و دەستەیێن نوو ژێرە هاتینە هەلبژارتن ومەرەما هەموویان بەردەوامیدانا ڤێ‌ سازیێ‌ ئەو بوویە ،كو بزاڤا ڕەوشەنبیری و كۆمەڵایەتی ل ناڤ جڤاكا كوردستانێ‌ ب گشتی و ئێزدیان ب تایبەتی خورتر بكەن و چالاكی و وەشانێن بنگەهێ‌ لالش هەموو ب ب بەلگە ودیكیۆمێنت كو هەر ژ ڕۆژا دامەزارندنێ‌ تا ئیرۆ ڕۆژ هیچ درێغیەك لگۆڕ ئیمكانیاتێ‌ وشیانێن بەر دەست نەهاتیە كرن،هەلبەت پشتەڤانیا مەزنا حكومەتا هەرێما كوردستانێ‌ ئەگەرا سەرەكیا بەردەوامیا ئەڤی بنگەهی كو سەرێ‌ چەندین ساڵایە بەردەوام پشتەڤانیێ‌ دكەن،بنگەهێ‌ لالش ئێكە ژوان دەزگەهێن هەری مەزن كاریە ب درێژاهیا (30) ساڵێن بۆری دا خزمەتەكا مەزن پێشكێشی خەلكێ‌ خۆ بكەت،بنگەهێ‌ لالش خودان خەزینەكا ژ خزمەت و خەباتا بەردەوام و هەموو جۆرە چالاكیان،مینا د ئالیێ‌ ئاینێ‌ ئێزدیاتیێ‌ ڤە یان ژی ژ ئالیێ‌ ڕەوشەنبیری و كۆمەڵایەتی و رامیاری و هەموو ئالیێن دن ڤە،وەكو هەموو جاران دئێتە خویاكرن بنگەهێ‌ لالش هاتە ئاڤاكرن ل سەر دەستێ‌ ژمارەیەكا ڕەوشەنبیرێن ئێزدیان ڤە ب پشتەڤانیا حكومەتا هەرێما كوردستانێ‌، هزرەكا مەزن بوو و ئێكگرتنەكا هەرە باشبوو ژبۆ مللەتێ‌ ئێزدی و ئێزدیاتیێ‌ د چارچۆڤێ‌ كوردی و كوردستانێ‌ دا،ل دەمێ‌ بنگەهێ‌ لالش ل ڕێككەفتی(12/5/1993)ل دهۆكا داسنیا هاتیە دامەزراندن، بۆ خەلكێ‌ مە یێ‌ ئێزدی د چارچۆڤێ‌ ڕەوشەنبیریا كوردی دا پێتڤیەكا مەزن بوو،ل سەردەمەكێ‌ سەخت و دژوار دا داكو هەول و بزاڤێن دوژمنان ئێت بەردەوام ژباڵ نەحەز و نەیاران ژ بۆ دوور ئێخستنا ئێزدیان ژ وارێ‌ هەرێ‌ مەزنێ‌ كوردینیێ‌، هەر دیسان وەكی دئێتە خویاكرن كو ل دەمێ‌ دامەزراندنا بنگەهێ‌ لالش ل دهۆكێ‌ ژمارەیەكا گەلەك یە كێم ژ ئێزدیان سەر ب حكومەتا هەرێما كوردستانێ‌ ڤەبوون، ل وی دەمی ژمارا هەرە مەزن ژ ئێزدیان ل ژێر دەستێ‌ رژێما شۆڤینیا بەعس دا بوون، پشتی حكومەتا گۆڕب گۆڕ ژ ناڤچۆیی ژمارەیەكا زۆر باش یا تایی و نڤیسینگەهێن بنگەهێ‌ لالش ل دەڤەڕێن ڤەقەتیایی ژ كوردستانێ‌ هاتنە ڤەكرن ب مەرەما پێشكێشكرنا خزمەتا ڕەوشەنبیری و كۆمەڵایەتی بۆ خەلكێ‌ وان دەڤەران و ژبۆ ئەنجامدانا چالاكیێن هەمەجۆر، پشتی نەمانا زولم و زۆرداریێ‌ ل سەر خەلكێ‌ مە ل وان دەڤەران، دیسان نائێتە ژبیر كرن پشتی جینۆسایدكرنا ئێزدیان ل (3/8/2014) و كەفتنا زۆربەیا دەڤەرێن ئێزدیان ب تایبەت ل شنگالا بریندار ژێر دەستێ‌ ڕێكخراوا تیرۆرستیا داعش،هەردیسان دەستەیا بلندا بنگەهێ‌ لالش ب هەموو تایی و نڤیسینگەهێن خۆڤە ڕابوون ب پێشكێشكرنا هەموو جۆرێن خزمەتا خەلكێ‌ ئاوارە ژ دابینكرنا جی و پەیداكرنا نان و ئاڤ و خوارنێ‌.

دووەمین سالڤەگەرە بێ‌ ئامادەبوونا دووخەمخۆرێت ئێزدیاتیێ‌ وئەوێن هەردەم دڤیان ئێزدیاتی ل گۆر داب ونەریتێن رەسەن بمینت ئەو ژی خودێ‌ ژێ‌ ڕازی(پیرخدر سلێمان و شێخ شامۆ)نائێتە ڤەشارتن ڤان هەردوو كەسایەتیا پێنگاڤێن باش هاڤێتن ژبۆ كەلتۆر ودیرۆكا ئێزدیان، ب راستی ئەگەر ئەو وەكی هەرسال دناڤ ڕێورەسمێن ساخكرنا بیرەوەریا بنگەهێ‌ لالش دا دئامادەبانە دێ‌ ڕەوشەكا دی با،لێ‌ قەدەرێ‌ نەهێلا ئەو بڤێ‌ سالڤەگەرێ‌ ژی شاد بن وخاترا خۆ یا داویێ‌ ژمە خواستن و وەغەرا وان زیانەك مەزن گەهاندە جڤاكێ‌ ئێزدی، هەزارسلاڤ ل گیانێ‌ وان بن.
جڤاكێ‌ ئێزدی ئیرۆ بتر ژهەر دەمەكی پێتڤی ب بنگەه وسازیێن فەرمی هەیە ب تایبەتی دبوارێ‌ تۆماركرن وبەلگەكرنا جینۆسایدا ئێزدیان وخۆشكرنا دەلیڤێ‌ بۆ تەڤ نڤیسكار و چالاكڤان ورەوشەنبیرا ل هەر دەڤەرەكێ‌،هەژیە گۆتنێ‌ یە كو حكومەتا هەرێما كوردستانێ‌ هەردەم پشتەڤان وهاریكار بوویە ژبۆ بەردەوامیا كار وخەباتا بنگەهی، ئەڤ هەلكەفتا دیرۆكی ل تەڤ ئێزدیان پیرۆزبت،هیڤیا مە ئەوە لالش هەردەم كانیەكە زەلال بت بهۆڕتە درووبارێ‌ ڕەوشەنبیریا كوردی دا.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi