ته‌مموز 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌هدى حه‌سه‌ن:كوردستان وارگەھێ ئێزدیان و شنگالیا یە

كوردستان وارگەھێ ئێزدیان و شنگالیا یە

مه‌هدى حه‌سه‌ن
بێ شك تەنھا ئاخ و وەلات ل جیھانێ ئێزدیان ھەمبێزكەت كوردستانە، ئەڤێن ئێزدیان ژ كوردستانێ و كوردایەتیێ دوردئێخن ھەر گاڤ د شەرمەزارن، ژ بەر كو ھەبوونا ئێزدیاتیێ ل كوردستانێ ھەر ژ دێر زەمان نامەكا ئەشكەرایە د دیرۆكێ دا كوردستان وارگەھێ ئێزدیان نە، دەلیل ژی تەنھا ئێزدی ل سەر ئاخا كوردستانێ ماینە و ھەینە و دێ ھەبن، بەلێ ل سەر ئاخ و وەلاتێن عەرەب و تورك و فارسا ھاتن قڕكرن و بن ئاخ كرن و بێ ئۆل مان و ئێكی مای ژی ل ڤان سالێن بۆری كوشتن و شەرەف و ناموسا وان ژی خۆ حەلالكرن و مال و ملكێن ئێزدیان ل سەر خو پارڤەكرن، ل بیرا مە یە و ل بەرچاڤێن مە یە فەرمانا شنگالێ ئەڤا داعش ب سەرێ ئێزدیان ئینای جیەك نە بوو ئێزدی ھاوارا خو ب گەھینێ بلی سەرۆك بارزانی و كوردستان نەبت،
ئەو بوو خەلكێ كوردستانێ دەمل دەست دەرگەھێن خو ڤەكرن و د ھاوارا شنگالێ چوون و دەستێ ھاریكاریێ بوو وان درێژكرن و ھەر چی ھەی ب لەز و بەز گەھاندن بەر دەستێ وان و د ناڤا مالێن خودا حەواندن و دەرگەھێن مزگەفتا ڤەكرن و خو ل ئێزدیان كرن خودان، ئەڤە ژی بۆ جارا ئێكێ بیە ل فەرمانەكێ بوسلمان خو ل ئێزدیا بكەن خودان و رێز و تەرزەكی بڤی رەنگی ل شنگالیا ھاتیە گڕتن بكەن، ل سەر ئامۆژگاریێن سەرۆك بارزانی خەلكێ كوردستانێ ھاتن سەر خەتێ و خۆ ل ئێزدیان كرن خودان و پاراستن و نەھێلان دەستێن چەپەل یێن داعش ب گەھن ئێزدیان و ھێلان ئێزدیاتی ھەر بمینت، ھەر چەندە ل قڕا ئێكێ زەرەر و زیان گەھتا خەلكێ شنگالێ و رێژەكا زۆر كوشتن و كچ و ژن رەڤاندن ومال و ملكێن وان ل خو حەلالكرن، لێ د ئەنجامدا پێشمەرگەھێ قارەمان ژی بەر سنگێ وان گڕتن و توڵا خوشك و برایێن ئێزدیان ڤەكریە و ئەڤ دەولەتا ئیسلامی یا بناڤێ داعش ل سەر دەستێ پێشمەرگەھی و ھێزێن ھەڤپەیمانان ھاتە روخاندن و چەندین ئەمیر و چەكدارێن داعش ل سەر داستێ پێشمەرگەھێ ھاتن كوشتن و ژنافبرن، لەوا ھەتا نھا ژی بتر نیڤا ئێزدیێن شنگالێ ل كوردستانێ ئاكنجی نە و ژین و ژیارا بن چادرا خوشتر ناڤ مال و حالێ خو دڤێن و نەڤێن ڤەگەرێن بن دەستێ( پ ك ك )ی ژبەر وێ چاكیا خەلكێ كوردستانێ دگەل شنگالیا كری چو جارا ژبیر ناكەن، ھەر چەندە پشتی شنگال رزگار بی ھەولێن حكۆمەتا ھەرێما كوردستانێ د بەردەوام بوون بۆ ڤەگەراندنا ئاوارەیێن شنگالێ بەلێ شنگالی ڤێ چەندێ ڕەت دكەن ڤەگەرێن ژ بەر ھەبوونا (پ ك ك) ێ ل شنگالێ و سەپاندنا بیروباوەرێن خویێن گەنی ل سەر خەلكێ، شنگالی د خازن پێشمەرگەھ و لەشكەرێ ئیراقێ ھەبن ل شنگالێ ، نە ھەبوونا گرۆپێن تیرۆرست مینا (پ ك ك) ێ سەقامگیریێ و تەناھیێ پەیدا ناكەن لەوا شنگالی ناخازن جارەكا دی ھەرۆژ كچ و كوڕێن وان وەك داعشا بێنە رەڤاندن بۆ قەندیلی و جارەكا دی ئێزدیاتیێ و شنگالیا گۆری سیاسەتا ئاپوی بكەن ژ بو بەرژەوەندیا داگیركەرا، ھەر چەندە ل ڤان ھەشت سالێن بوری رێژەكا شنگالیا ڤەگەریان شنگالێ، لێ جھێ داخییە ل ڤان رۆژا جارەكا دی گرژی و ئالوزیێن پەیدابوین دناڤەبەرا هێزێن عیراقێدا وچەکدارێن ( پ.ک.ک ) ێ دا و تڕس و لەرز كەتیا ناڤ خەلكێ دا, ژ نەچاری جارەكا دی خەلكێ شنگالێ یێت رەڤن و مال و حالێ خۆ بجیھ د ھێلن و یێ بەرف كوردستانێ ڤە د ئێن ب خۆشحالی ڤە دیسا خەلكێ كوردستانێ و حكۆمەتا كوردستانێ دووبارە ئامادەیا خۆ دەربرین بۆ پێشوازی و گەھاندنا ھاریكاریێ بۆ برایێن خو یێن شنگالی و ڤەحەواندنا وان ل كەمپا و دناف مالێن خو دا د كەن، ئەڤ چەندە ژی زەرەر و زیانەكا مەزن د گەھینت ئێزدیان ھەر چەند سالا جارەكێ دەربەدەرببن و ئاوارەبن ل سەر وار و جھێن خو، ئەڤە ژی ھەمی ئەگەر (پ ك ك ) یە تاوانەكا مەزن دەرھەقی ئێزدیاتیێ دكەن كو ئێزدیان دكەنە قوربانیا سیاسەتا خو یا نەرەوا ھاتین ل شنگالێ خو بكەن خودان ب بەھانەیا ل فەرمانا شنگالێ سالا ٢٠١٤ ھاریكاریا خەلكێ مە یێ خولی ب سەر كری ئەڤێن ژ دەستێ داعش رزگاربین نھا ل شنگالێ ئاسێ بین و حكۆمەتەكا مللەی ئاڤاكرین و ھێز و چەكدارێن خۆ بەلافكرین ل شنگالێ و رێگریێ ل ھێزێن پێشمەرگەھی و لەشكەرێ ئیراقێ دگرن و دبێژن ئەم خویێن شنگالێ نە، ھەبوونا (پ ك ك)ێ ل شنگالێ مەترسیەك مەزنە خەلكێ دەڤەرێ و شنگالی باش دزانن دێ شنگالێ بتر وێرانبت، ھەگەر نە بلا ئەو ھێزێن نە دەستوری و بیانی خو ڤەكێشن و رێكێ بدەن ئەو ئیدارا ھەلبژارتی ژ لایێ شنگالیا ڤە بتە دەسھەلات نە خوسەری و كانتونێن (پ ك ك )ی حوكمداریێ ل شنگالێ بكەن د رێكا ڤان دا شنگال ناھێتە ئاڤەدان كرن و ئاسایش و تەناھی ژی لێ بەرقرار نابت، دڤێت دەولەت ئێمناھیێ بەرقرار كەت ل شنگالێ و لەشكەرێ ئیراقێ بھێت ھەگەر نەھێلن پێشمەرگەھ ژی بیت ژبەر كو ھەبونا (پ ك ك )ە و ھێزێن نە یاسای كەس د ھاوارا شنگالێ ناھێت ھەر دێ یە بن دەست بت، رێكخراوێن چڤاكێ سڤێل نەتەوەیێن ئێكگڕتی ئەورپا ئەمریكا ناھێت شنگالێ, (پ ك ك )ە خودان بیت ژبەر كو رێكخراوەكا ناڤێ وێ د لیستا تیرۆرا جیھانیدا ھەیە، نابت رێكێ بدەینێ بتە دەسھەلات ل شنگالێ و ب زۆری خۆ فەرزكەت، دڤێت شنگالێ رادەستی شنگالیا بكەت لدیف ئەو رێكەفتنا ھاتیە مۆڕكرن دناڤ بەرا حكۆمەتا ھەرێما كوردستانێ و حكۆمەتا ئیراقێ دا ب چاڤدێریا نەتەوەیێن ئێكگڕتی بھتە جیبەجی كرن ، لێ جھێ داخیە (پ ك ك)ی نەھێلا ئەڤ رێكەفتنا جیبەجی بت و خەلكێ مە سەردا بر نھا ژی پەشیمانن، نھا ژی یا رێگریێ ل لەشكەرێ ئیراقێ دگرت كو د ئەنجامدا جارەكا دی رەوشا شنگالێ ئالۆزكری , دڵنیادكەین خەلكێ خۆ زەرەرمەندێ ئێكێ ڤێ جارێ ژی دێ ئێزدی بن وەكی دیار ژی ب ھەزارا خەلكێ شنگالێ جارەكا دی ئاوارە بوون، ئەڤا د قەومت ل شنگالێ مەترسیەكا مەزن ھەیە ھیڤی یە ئێزدی بگشتی و شنگالی ب تایبەت د ھشیاری ڤێ یاریێ بن ھەگەر دێ ئێزدی ژ كوك دا ھێنە ھەلقاندن و براندن، ب دیتنا من ئەڤێ جارێ دێ زەرەر و زیان ژ داعشی بتر بن، ھەڤالێن خوندەڤان پشتی داعش نەمای ل شنگالێ و پارتی و جەماوەرێ شنگالێ ڤیای بچن شنگالێ ب ڕاسپاردێن (پ ك ك )ێ رێگری ل قایمقامێ شنگالێ و ئیدارا محلی ھات كرن و ئەو بۆشایەتی ھەتا نھا یا ھەی ھەر چەندە ژ لایێن ھێزێن بیانی ڤە ئەڤ بۆشایەتی تا ڕادەكی ھاتیە پڕكرن بەلێ ژ لایێ چڤاكێ دەولی و ئەقلیمی ڤە ناھێتە قەبوول كرن و د ھێتە رەتكرن ، ژ بەر ڤێ چەندێ نەخاسمە دەولەتا توركیا ھوشداری دایە حكۆمەتا ئیراقێ ھەگەر ئەو ھێزێن بیانی و (پ ك ك )ی نە دەرئێخن ژ شنگالێ دێ لەشكەرێ توركی ھێرشكەتا سەر شنگالێ و تەر و حەشك دێ شۆزت و ئەڤێ چەندێ ب مافێ خو دزانت نابت (پ ك ك )ە ل جھەكی ئەشكەرا ھەبن و ئیدارا سەر عەردەكی ب كەن وەكی شنگالێ ئەڤە مەترسیە ل سەر ئاسایشا نەتەوەیی یا توركی وەكی ئەو د بینن و لدیف بەند و دەستۆرێ توركا دەمێ ویلایەتا میسل ڤەقەتیای ژ توركا رێكەفتنەك ھەیە ھەر گاڤا مەترسیەك ژ ویلایەتا میسل و ئەڤ دەڤەرێن ھنگی سەر میسل وەكی كەركوك و باژێرێن دیتر ل سەر ئاسایشا نەتەوەی یا تورك پەیدا بت ب مافێ خو دزانت وی جھی نەھێلت و دیر نینە ھێرشكەت و ڤێ دەڤەرێ داگیركەت و ئاسێ بت و گرۆپێن توركمان و تلەعفەری و كەركوكی لێ خرڤەبن و بتە كێشەكا مەزن ل سەر ئیراقێ ب گشتی و شنگالێ ب تایبەت و ئێزدی ژ رەھ و ریشال ڤە بھێنە ھەلقاندن و نەمینن وەكی ھەین، لەوا وەكی ھون د بینن ڤێ جارێ حكۆمەتا ئیراقێ و لەشكەرێ وێ ب جدی ھاتیە سەر خەتێ و دەست ب ئۆپەراسیونێ كریە ل شنگالێ و دخازت (پ ك ك ) دۆرپێخت ژ شنگالێ ئەڤ چەندە د بەرژەوەندیا مە ئێزدیان دا یە، دگەل ھندێ ژ چڤاكێ ئێزدیان ژی د ھێتە خاستن ب ئێك دەنگ گازی (پ ك ك)ێ بكەن شنگالێ چولكەن ھەرن گوند و باژارێن خو رزگار كەن شنگال نە جھێ وە یە شنگال بریندارە و پاشمایا ٧٤ فەرمانا یە گوری سیاسەتا خۆ یا شاش نەكەن و برینێن مە بتر ڤەنەكەن ، مە ئێزدیان بێ كەس و وێرس نەكەن مە پارتی و بارزانی و كوردستان یێت ھەین دێ مە پارێزن وەكی پیلپیلكا چاڤێن خو .

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi