قوتابخانا باعەدرێ و خورتكرنا پێكڤەژیانێ
دلگەش نەواف
قوتابخانا ئامادەیا باعەدرێ ئێك ژ قوتابخانێن ناوچەداریا باعەدرێ یە سەر ب پەروەردەیا شێخان ڤە،ل سالا 2007 هاتیە دامەزراندن و بتر ژ 400 قوتابیان ژ پۆلێن دەهێ و یازدێ و دوازدێ ئامادەیی ژ هەردوو پشكێن زانستی و وێژەی تێدا دخوونن و فێری زانین و زانستی دبن.
ئامادەیا باعەدرێ قوتابیێن وێ نەتنێ ئاكنجیێن باعەدرێ نە بەلكو ژ چەندین گوندان ژی دئێن مینا شێخ هەسن و مام ئێزدینە و پیر موس ،خۆركێ، ئێسیان، بێرستەك، دێدەڤان و كەمپا ئێسیان و باعەدرێ، ئەڤ چەندە بوویە دەرگەهێ پێكڤەژیانێ بەرفرەهتر بت و بتر هەڤ ناسین دناڤبەرا قوتابیان دا دروست بت، ژبلی خووندنا دناڤا قوتابخانێ دا ژ ئەگەرێ ماندیبوونا رێڤەبەر و مامۆستایێن قوتابخانێ بەردەوام چالاكیێن جۆراوجۆر ژی ژبۆ قوتابیان دئێنە دورستكرن ژلایێ (دەروونی _ وەرزشی _ زانستی _ رەوشەنبیری)…هتد و چەندین جاران قوتابیێن ئامادەیا باعەدرێ پلێن ئێكێ و دووێ و سێیێ ل سەر پەروەردا شێخان ب دەست خۆڤە ئیناینە و سالانە رێژەیەكا مەزن ژ قوتابیان نمرێن باش دئینن ل زانكۆ و پەیمانگەهێن سنوورێ پارێزگەها دهۆكێ دئێنە وەرگرتن و چەندین قوتابیان پۆستێن مەزن ل سەرانسەری كوردستانێ ژی ئیناینە،هەموو قوتابخانان دیدۆ و پەیامێن خۆ یێن تایبەت هەنە.
ئامادەیا باعەدرێ دیدۆ پەیاما قوتابخانێ هەیە:خودان كەسایەتیەكا ب هێزو خودان شیانە د هەر بوارەكێ زانست و زانین و ب دەست ڤە ئینانا ئایندەكێ گەش و بەلاڤكرن چەسپاندنا هزرا نشتیمانی و دوركرن ژ هەموو جۆرێن توندوتیژیا هزری و پەیداكرنا گیانێ لێبۆرینێ و پەیداكرنا كەش و هەوایەكێ گونجای و بكارئینانا رێیێن سەردەمیانەیە بۆ گۆتنا وانا،ژبۆ ب دەست ڤەئینانا ئارمانجێن باش و هاندانا قوتابیان و پشكداریكرن د بزاڤ و چالاكیێن ژ دەرڤەی قوتابخانێ و ئەكتیڤكرنا چالاكیێن قوتابخانێ ژبۆ دەستنیشانكرنا قوتابیێن خودان شیان و دووڤچۆنەكا بەردەوام دناڤ قوتابخانێ دا بێتەكرن ژبۆ چارەسەركرن و نەهێلانا كێم و كاسیا دناڤ قوتابخانێ دا، تفاق و تەبایی و ئێكرێزی و پاقژی دناڤ قوتابخانێ دا بێتە پاراستن،دروستكرنا پەیوەندیێن مكوم د جڤاكی دا و كاركرنا رۆلێ ئەنجوومەنێ سەمیانێن قوتابیان.
تُتاح هذه الصورة أيضا في: کوردی
