یاریێن ئەلكترۆنی و زارۆك!
چنار شەمۆ قاسم 
یاریێن ئەلكترۆنی ب رێژەیەكا زۆر زێدەبووینە گەلەك جی هاتینە تەرخانكرن بۆ ڤی كاری زارۆك وەختێ خۆ لێ بۆرینن بێ چاڤدێری لێ هەبت،هەروەسا هەبوونا ئامیرێ مۆبایلێ ل مالێ دا رێیەكا ساناهیە بۆ ئەنجام دانا ڤان جۆرە یاریان،ئەو ژ ئەگەرێ سەرەكی چ جیێن تایبەت نینن زارۆك دەمێ خۆ لێ ببۆرینن وەك جیێ یاریێن زارۆكان،یاریێن ئەلكترۆنی (ئەتاری) لایەنێن باش و خراب هەینە بۆ نموونە هندەك ژ باشیێن ئەتاریێ ئەوە كو هزرا زارۆكی بەرفرەه دبت و زارۆك دەمێ خۆ یێ ڤالا پێ دبۆرینت و شیانێن وی بۆ زانینا زمانان زێدە دبت،هەردیسان لایەنێن خراب كارتێكرنا خۆ ل زارۆكی دكن ژبەر ئەو ژینگەها زارۆك دچتێ بۆ ئەنجام دانا ڤان جۆرە یاریان یە خرابە چنكو دبت گەلەك زارۆكێن جگاركێش و دزیكەر ل وی جی كۆم ببن،هەروەسا ناسینا هندەك ژ هەڤالێن خراب و مەزاختنا دراڤی ب شێوەكی نە سروشتی و كارتێكرن لسەر رەوشا خێزانێ ب گشتی،دبت ژبەر ئەگەرێ نەبوونا دراڤی ناچار ببت ب ئەنجام دانا كریارێن دزیێ بۆ هندێ كو ب وی دراڤی حەزا خۆ یا یاریێ پێ تێر بكت،هندەك جاران زارۆك ژ قوتابخانێ درەڤن و قەستا ڤان جیێن یاریێن ئەلكترۆنی دكن و دبتە ئەگەرێ هێلان یان نە سەركەفتنا وان د قوتابخانێ دا،هەردیسان كارتێكرنەكا خراب لسەر ساخلەمیا زارۆكی دكن ب تایبەتی چاڤیێن وان،لەوما پێتڤیە لسەر دەیك و باب و مامۆستایان رۆلەكی مەزن هەبت ژبۆ دوورخستنا زارۆكی ژڤان جۆرە یاریان داكو بكارت دناڤ ژینگەهەكا ساخلەم و دوور ژ خرابیێن سەری دیاركری ببت،هەردیسان پێتڤیە لسەر لایەنێن شۆلەژێ هندەك جیێن تایبەت ڤەكن ژبۆ یاریا كو زارۆك دەمێ خۆ یێن ڤالا لێ بۆرینن.
تُتاح هذه الصورة أيضا في: کوردی
