ب رێورەسم بانگێرا (پيرێ جەروا) دئێتە گێران
مه‌هدى حه‌سه‌ن موراد
پيرێ جەروا ئێكە ژ باب چاك و خاسێن لسەر دەمێ شيخادى ھاتيە ناسين ، سالێ دوو جارا رێورەسمێن بانگێرێ و توافا وى ژلايێ مجێورێن بيرێ جەروا و خەلكێ باسكێ شێخا دئێنە گێران: ئێك – بانگێر ل چلێ زڤستانێ ئەڤ هه‌لكه‌فته دئێتە ساخكرن ،دوو – تواف ل بەھارێ جارەكا دى ھەموو خەلكێ باسكێ شێخ و دەڤەرێ پشكدارى رێورەسمێن توافێ دبن ب گۆڤەند و دلان و خۆشى و شادى ڤێ ھەلكەفتێ ساخ دكەن ،ل ڤان ھەر دوو هه‌لكه‌فتا گونديێن باسكێ شێخا و ئۆلدار و مجێور ل ھەڤ كۆمدبن لبەر مەزارگەھێ پيرێ جەروا وھندەك ژ رێورەسما دئێنە گێران وەكو خێر بۆ پيرێ جەروا بڤى رەنگى:١_ سمات دئێتە دروستكرن،٢ چرا دئێتە ڤێخستن،٣ قەول و قەسيدە دئێنە گۆتن لبەر مەزارگەھى،٤_ خەلكێ باسكێ شێخ دكەنە عيد وبتريا خەلكێ دئێنە بەر مەزارگەھى زيارەتى دبن ، و ھەر مالكا مريدێن وى سەربرەكێ سه‌رژێدكن،٥_گوڤەند دئێتە گێران لبەر مەزارگەھى و ھەموو خێزان و كەسێن حازر پشكدارى ڤێ ديلانێ دبن وەك خێرەكا مەزن دباوەريا خەلكێ مەدا و ژنێن مەزن د ھلھلينن،٦- ديكل كو ھيمايێ ميترايا يە ھەر مالەكا ئێزدى ئەڤێن ل دەڤەرێ دڤێت سالانە ديكلەكى ب دەنە پيرێن جەروا ، لگۆر رێورەسم و حەدوسەتيێن سەر زەمانێ شيخادى ھاتين دانان بۆ ھەر ئێشەكێ و دەردەكى خاسەك تەسليما وى ھەبوو ماشێن پيرێ جەروا ژى ئەڤە بوون:
١- ئێك ژ ماشێن پيرێ جەروا تەسليما دووبشكى يە ،ھەر كەسەكى دووبشك پێڤەدەت و تەنگاڤبت قەستا بەر مەزارێ پيرێ جەروا و نەڤيێن پيرێ جەروا دكن ژبەركو تەسليما دووبشكێ ب دەستێ وانە،٢- (چاڤ كولى) ھەر كەسەكى چاڤێن وى كولبن قەستا بەر پيرێ جەروا بكەت يان خۆ پاڤێنە مالا ھەر نەڤيەكى پيرێ جەروا دوعايەكێ لسەر بكەت دروستە بۆ چارەسەريێ،٣-ئێشا چۆكا و ئێستيكێن لنگى كوفكا( مفاصل) ئەڤ جۆرە نەخۆشيا ھەين قەستا پيرێ جەروا و نەڤيێن وى دكن،ھەر بۆ زانين پيرێ جەروا پيرێ شيخادى يە و گوندێ جەروانا گوندەكى دێرين و كەڤنار لسەر زەمانێ ئاشووريا ل وەختێ سەنحاريب ئەڤ ناڤە و ئەڤ گوندە ھەبوويە و سكرێ جەروانا ژى ئێك ژ وان سكرێن ناڤدار و دێرينە لسەر زەمانێ سەنحاريبى بەرى ٧١٢ سالێن زاينى ھەبوويە ل جەروانا.
تُتاح هذه الصورة أيضا في: کوردی
