دانوستاندن دناڤ جڤاكێ ئێزدی دا
سەردار داود
بەری فەرمانا(3/8/2014)ێ جڤاكا ئێزدی ژ هەڤ ڤەقەتیایی بوو وەكی دەڤەرا شنگال و وەلات شێخ و باشیك و بەحزانێ ژ ئەگەرێ جوگرافی ژ هەڤ دووربوون چۆن و هاتن و دانوستاندن و تێكەلی یا كێم بوو دناڤبەرا وان دا،لەوما جڤاكا ئێزدی ژ هەڤ ڤەقەتیایی بوو ئێزدیا نەدكاری بگەهنە ئێك و دوو لێ پشتی فەرمانا شنگالێ یا ژلایێ تیرۆرستێن داعشێ ڤە هاتیە سەر مللەتێ ئێزدی ئەو سنوورێت دناڤبەرا شنگال و وەلات شێخ دا هاتنە بەزاندن و پتریا خەلكێ شنگال بووینە ئاوارە ل كوردستانێ و ب تایبەتی ل دەڤەرێن ئێزدی نشین لێ وەكی شێخان و شاریا و باعەدرێ و خانكێ ئەوبوو جڤاكا ئێزدی ل هەڤ و دوو نێزیك بوون و تێكەلی و هەڤ نیاسین چێبوو و پتر رێز و هۆزێن ئێزدیان نێزیك ئێك بوون.
هەروەسا بڤی شێوەی تێكەلی دناڤبەرا خەلكێ شنگال و وەلات شێخ دا چێبوو و نهۆ تێكەلیەكا باش چێبوویە دناڤبەرا هەموو خەلكێ كوردستانێ و ب تایبەت دناڤبەرا ئێزدیان دا،ژبەر ل دەمێ فەرمانا شنگالێ هەموو خەلكێ كوردستانێ ب گشتی و ب تایبەتی خەلكێ پارێزگەها دهۆكێ و زاخۆ بێ فەرق و جوداهی دەرگەهێ مالێن خۆ بۆ مللەتێ ئێزدی ڤەكرن و ب هەموو شیانێت خۆ هاریكاریا ئاوارێن شنگالێ كرن ل وی دەمی حالێ مللەت گەلەك ب زەحمەت بوو لێ پشتی گەهشتین ناڤ خەلكێ خۆ ل كوردستانێ هەموو گەلێ كوردستانێ هاریكار بوون دگەل ئاوارێن شنگالێ.
پشتی بۆرینا نێزیك چار سالێن ئاوارەبوونێ ل دەڤەرێن كوردستانێ و ب تایبەت دەڤەرێن سەر ب پارێزگەها دهۆكێ ڤە تێكەلی و هەڤ نیاسین و ئێكگرتنەكا باش دناڤ جڤاكا ئێزدی بخۆ و هەموو خەلكێ كوردستانێ دا چێبوو،ئەڤجا ئەگەر ئەڤ دانوستاندنە وپەیوەندی دناڤبەرا ئاواران وخەلكێ كوردستانێ دا دبەردەوام بن پالدەرەكە بۆ پتر بهێزبوونا پێكڤەژیانێ و هەڤ قەبوولكرنێ.
تُتاح هذه الصورة أيضا في: کوردی
