ژ كەلەپۆرێ باب وكالا
ئلیاس نەعمو خەتاری
پشكا هەشتێ
درێژیدان ب بابەتێ كارێن دەستی و ژكەڤنترین كارێن پێشەسازی چێكرنا براغێن كالۆكیینە وهەتا ئیرۆ رۆژ ل گەلەك جیا دئێنە بكارئینان نەخاسمە جیێن گۆزاری و دیسان گەلەك جیێن هەژاری وبەلنگازی لێ یە زاڤ ،ئەڤە ژی نیشانا وێ چەندێ خویا دكت كو براغێن كالۆكی ( اڵاوانی الفخاریە ) براغێن پاقشن ژبەر تەندروستینە ونائێنە ژەنگۆكرن و رێیا با هەیە دناڤ لەشێ وان براغارا دەربازببت ب شێوەكی هێدی هێدی.
وەكی ئەم هەموو دزانین ژیانا بەرێ گەلەك یە سڤك وسادە بوو،ژبەركو ئەو پێشكەفتنە نەبوو یاكو ئیرۆ جیهان ب گشتی گەشتییێ لەوما لسەردەمێ باب و پابیرا دگەل سروشتیا ژیانێ وسادەیا برێڤەبرنا كارێن رۆژانە دگەل چاندنێ وبرێیا گیانەوەرێن هەموو جۆرا ژبۆ خودانكرنێ وخوارنێ وبارهلگرتنێ وماستی وشیری وهری وموی وهەتا داویێ،وەك بازنەكی ژیان ب رێڤەدچوو ئانكو ژیانەكا گەلەكا خۆش بوو،دیسان بەروڤاژی یە سەخت و دژواربوو وپێتڤیێن برێڤەبرنا وێ گەلەك دكێم بوون،لەوما دڤیا مرۆڤێن وی سەردەمی خۆ پتر ماندوو بكن دا بەردەوام ژیانا خۆ ب رێڤە ببت ،ل پشكێن بۆریدا ژ بابەتێ مە ژ كەلەپۆرێ باب وپابیرا مە كریە بەحسا گەلەك لایەنێن دن یێن وی دەمی لێ ئیرۆ ئەم دچینە دناڤ كارێن ئاخ كێشانێ وهەریێ و چێكرنا براغێن كالۆكی ودانانا كورها وكورهێن قەلاندنا وان ودەربازبوونا وان ژ قۆناغا تەر بۆ یا هشك،ل دەمێ كاركرنێ دێ بكێشانا ئاخا سۆر رابانە ژدۆل ونوالا ئەو ئاخە دهاتە بكارئینان دڤیا هەریەكا نەرم ژێ چێبا و پرتكێن وێ دڤیا گەلەك دهووربانە وئەڤ جۆرە هەریا هەنێ دڤیا گەلەك رەقبا وباش هشك با و ب شێوازەكی زانا ڤەسترابانە وچەند رۆژەكا هێلابا ئەڤ كار هەموو ب دەستا ولنگا دهاتە كرن،ئانكو هەموو ب تەعبا ملابوو وهەتا ئیرۆ رۆژ ئەڤ كارە ب حیلا ملا ودەستانە ول گەلەك دەولەتا بەردەوامە دێ هاتبانە جۆرێن پێتڤیێن مالێ ژێ دروستكربانە،مینا دەنك وجەرك وشیربك وكلۆسك وكەدونك وسینیك وسەلەمیش بۆ مێش هنگڤینا وگەلەك پێتڤیێن دن،پشتی ب كارەكی هۆنەری وزانا تەمامدكرن دێ رابانە كورها خۆ حازركربانە و ئەڤ تشتێن هەنێ لسەر رێزكربانە پاشی دێ ئاگرەكی خۆش لبن هلكربا تا بلەیەكە زێدە بلند پاشی دێ هاتبانا نخامتن ب سۆتەمەنییا ودێ بەردەوامبانە تا ئەو شتنە باش هشكبان و ژقۆناغا هەرییێ وتەریێ دەربازبانە قۆناغا كالۆك وهشكییێ،ئاهە بڤی رەنگی كارگەهێن فیكاری دهاتنە بكارئینان وب شێوەكی بەرفرەه كار لسەر چێكرنا ڤان براغ و پیتڤیێن ناڤ مالێ بەردەوامی د دان ب ژیانا رۆژانە یا وی سەردەمی دهاتە كرن،لەوما ئەڤ كار ببوو ژێدەرەكی سەرەكی ئابووری كو ل گەلەك جی و شوونا چێدكرن و ل هندەك جیێن دن دهاتنە فرۆشتن ئانكو ژێدەرەكی ئابووری گەلەكی باشبوو، دیسان گەلەك چیرۆك وژێدەرێن مێژوویی خویا دكن دبێژن گۆندێ خەتارا مەزن لسەردەمێن بەرێ دا كارگەهێن مەزن ئێت ڤی كاری لئ هەبوون هەر دیسان جیێن تایبەت هەبوون ژبۆ فێركرنا ڤی كاری و قوتابخانێت تایبەت ومامۆستا و شارەزایێن ڤی كاری خەلك فێردكرن دا بزانن بڤی كاری رابن،هەروەسا دگۆتن خەلك ژ دەڤەر وباژێرێن گەلەك دوور دهاتنە خەتارێ دا فێری كارێ چێكرنا كالۆكان بن وبچنە دەڤەرێن خۆ ڤی كاری بكن.
ئەگەر بێین بەرێ خۆ ب دەینێ دبینین ئیرۆ رۆژ ئەڤ كارە دگەل پێشكەفتنا جیهانێ هێشتا مایە وژناڤ نەچوویە وبەهرا پتر بۆ جوانی وگوزاری دئینە بكارئینان،هەردیسان ئەگەر بێین و بەرێ خۆ بدەینە مۆزەخانێن هەر جیەكی دێ بینین ئەڤی كەلەپۆرێ باب وپابیران جیێ خۆ تێدا هەیە،ژوان گەل و پەلێن كەڤن ئێت وی سەردەمی،دیسان ئەڤ كارە تا ڤێگاڤێ ل گەلەك جیان وبازاران ئی بەردەوامە ول گەلەك قوتابخانا دئێنە بكارئینان و قوتابی خۆ فێردكن ولسەر مێژوویا ڤی كاری دخونن مینا هۆنەرێن جوان وگەلەك جیێن دن ئێت گرێدایی ب مێژوو و هۆنەری ڤە ژبۆ مفایا گشتی وپاراستنا ڤی كارێ جوان ووكەڤن.
هەر دیسان ئەگەر بەرێ خۆ باش ب دەینە براغێن كالۆكی ئیرۆ رۆژ دێ بینین دباشترین خوارنگەه ولێنانگەهدا هەینە ودئێنە بكارئینان،ژبەركو كەلاندنا خوارنێ دڤان براغادا تامەكا تایبەت هەیە،باشترین نموونە لسەر ڤی كاری دەنگێ ئاڤێ یە ب گەلەك شێوا دهاتنە چێكرن بۆ ئاڤا ڤەخوارنێ دئینا لسەر جیەكی تایبەت ب چەكێ ئئ بلندبوو دا ئەرێ رابا وقەباغەكی تایبەت بۆرا دروستدكر وئاڤ ژبیر وكانیكا دئینان وبەردانێ و ترارەك ب دەستكێ ویڤەگرێدان بۆ ئاڤ ڤەخوارنێ ئەڤە شوونا بەرادا وئاڤ تەزینكێن ئیرۆ بوو ،هەردیسان لبن دەنكی جیەكی تایبەت هەبوو بۆ تەزیكرنا فێقی وكەسكاتیێ دیسان دەنكێن تایبەت هەبوون بۆ ئاڤا دەوارا هەلبەت ئەڤ هەموو كارنە ژ وێ هەلبەت ئەڤنە هەموو ژ ئاخێ وهەریا سۆتی دهاتنە چێكرن،ژبۆ دابینكرنا پێتڤیێن ژیانا وی سەردەمی ب دلەكی تەسەل و ب شێوەكی سروشتی بەردەوامی د دانێ وەك هۆنەر وەك ئەركەكی هەری فەر لسەر مللێن وان.
تُتاح هذه الصورة أيضا في: کوردی
