عيدا نيشانه
شه‌مۆ قاسم دنايى
ئەڤێ عیدێ ژ سالا (١٨٩٩) دەستپکریە و ھەتا نھۆ ئەڤە بووە ١١٩ سال و ھەر سال ل ٢١ سباتێ ژ میژوویا رۆژھلاتی دبتە ٦/ ٣ شەشی مەھا سێ ژ زایینی، ب سەدەما فرمانا ٧١ێ یا فەریق عومەر وەھبی پاشا ل ٨/ ١/ ١٨٩١ ھەولدا ئێزدیان بن بڕکەت و بۆ ماوێ سالەکێ خۆ بھێزکر و ل سالا ١٨٩٢ ھێرش کرە سەر ئێزدیان ل قەزا شێخان و لالشێ و گوندێن دەور و بەران و چەندین نیشان وەک ھلێلێن قوبا و تەختێ بەرێ شباکێ و سنچق و تاوس برن و ئێخسیرکرن، ھەر وەسا عمر وەبی پاشا ل ١٥/ ٤/ ١٨٩٣ ھێرش کرە سەر شنگالێ و خۆرت و مێرخاسێن شنگالێ مینا مەحمایێ عەڤدۆ و سڤۆکێ مەتۆ ھێرشا وی شکاندن و ب سەر کندی زڤریا مووسل و بەرو تورکان ڤەچۆ. و پشتی هنگی و سلێمان نەزیف پاشا والیێ بەغدایێ بوو ھات و سەرەدانا ئێزدیان کر ل باشیک و بەحزانێ و ئەسلێ وی کوردێ دیار بەکر بوو و پێنچ زمان دزانین کوردی و تورکی و فارسی و عەرەبی و فەرنسی و گۆتە ئێزدیان ئەوا عومەر وەھبی پاشا کری دوو بارا نابت ھەتا ئەز ل بەغدابم و گۆت: داخوزیێن وە چینە ئەزدێ بۆ وە ب جی ئینم، ریسپیێن باشیک و بەحزانێ گۆتێ: نیشان و سنجەق و تەخت و تاوسیێن مە ئێزدیان بۆ مە ڤەگەرینن، سلێمان نەزیف پاشا وەعدە دا بینت و ل ٥/ ٣/ ١٨٩٩ ھندەک ژ نیشان و تاوسا ئینانا بەحزانێ و ل رۆژا دی ٦/ ٣ / ١٨٩٩ ب سەرپرشتیا کۆچەک سادق و مەزنێ قەوالا و ئەختیارێ باشیکێ و ئەختیارێ بەحزانێ و مەزن و ریسپیێن باشیک و بەحزانێ و دگەل سەد زەلامێن عەسکەری یێن سلێمان نەزیف بێک و ھاتن بۆ قەسرا میرێ ئێزدیا و مالا بابا شێخ و بەرەڤ لالشێ و ل دەستپێکێ گەھشتنا گۆندێ موسکا ئێزدیان و ل وێدەرێ گوندێ موسکا تێشتا سوبێ دا وان گۆتن ئیرۆ تێشتا عیدێ یە و ھەر وەسا ھاتنا گوندێ مەحموودا و بێتنارێ و باقەسرێ و گەھشتنا ئێسڤنێ و خەلکێ ئێسڤنێ ھەر مالەکا خودان پەز بەرخەک یان دوو سەرژێکرن و کرنە فراڤین و کرنە عید و ئەو عەسکرێ ھاتی و خەلکێ باشیک و بەحزانێ و یێن باسکێ شێخان و خەلکێ ئێسڤنێ و ئێسیا و بەعدرێ پێکڤە ڤراڤین خاورن و ئەو نیشان و تاووس ژ سەر عەسکەری وەرگرتن و ئێزدیان ھەر ل وێ رۆژێ ٦/ ٣ برنە لالشێ جوانکرن و مۆرکرن و ھەتا ئیرۆ ھەر سال ئێزدی نیشانێن خۆ ل ڤێ رۆژێ دبەنە لالشێ مۆردکەن و دکەنە عید و ھەر مالەکا ئێزدی نیشان ھەبن زادەکی ب خێرا ناڤێ خودێ چێدکەت ھندەک سماتێ چێدکەن و ب سەر چینارا دە بەلاڤ دکەن و ھەر گوندێ نیشان یان تاووس لێ ھەبن دێ خەلکێ گوندێ قەستا وان نیشاناکەن ب مەرەما ڤەگراندنا وان و بوویە عید و بۆ زانین ئەڤ عیدا ب تنێ ل وەلاتی یا ھەی چونکێ ئێخسیرکرن و زڤراندن ھەر ل وەلاتی بوو و ب تابەت ل خزینەت رەحمان ل بەعەدرێ،و ل دومایێ دووبارا عیدا ھەموو ئێزدیان پێرۆزبت.
تُتاح هذه الصورة أيضا في: کوردی
