نابت ژن رووبەرووی ئەفسانەیا توندوتیژیێ بت
جوان بەرواری 
ژن ل هەر جـه و شارو مللەتەك و جڤاكەكێ دژی توندوتیژی دئێت، ئەڤجا چ توندوتیژی ب شێوەیێ نهێنی بت، یان ژی ب شێوەكی ئاشكەرای بت سنوور نینە، لەورا پتریا ژنان تووشی بەرهنگاریا توندو تیژیێ دبن، پتریا جاران توندوتیژی، دبتە ئەگەرێ ژناڤبرنا هێزو ئیرادا ژنێ و دەست دانا پێگەهێ وێ.
ژن هەردەم خۆ دبینت وەك بونەوەرەك خوەزایی و هەست ب سڤكاتیكرنێ دكت، رەنگە ئەڤ چەندە ژی دبتە ئێك ژ وان مەترسیێن كوژەك دناڤا جڤاك و هەبوونا ژنێ دا، ژ وان توندوتیژیان ژی گەلەك جۆر هەنە، كو راستەرێ بەرهنگاریا ژنێ دبت: توندوتیژییا جەستەی: گەلەك جاران ب شێوەكێ لێدان، قوتان، برین، سوتاندن و…هتد ژلایێ هەڤژین، باب ، برایان ، خێزان كەس و كاران دەوروبەران رووبروی ژنان دبن و نكارن خۆ ئاشكەرا بكن، ژبەركو هەولدەن ئەو پەیوەندیێن دناڤبەرا وان خێزانێ دەوروبەرێن وان دە نەئێتە هەلوەشاندن ژ پێخەمەت پاراستنا كەرامەتا خۆ،توندوتیژیا دەروونی:ئەڤ جۆرە توندوتیژی هیچ پەیوەندیەك ب نیشانەكا دەرڤە نینە، بەلكو هاوبەشە دگەل شەرێ سایكولۆژی و دەروونی پەیوەندیێن ئەڤینداری توندیا رەق و تەق ب ژنان ڤە دگرت كەسێن كو تووشی ڤی جۆرێ توندوتیژیێ دبن رەوشا وان بەر ب ئاقارێن توند و گران دا دچت هەتا رووبەرووی خۆ كوشتن و سزادانێ دبن،توندو تیژیا سیكسی: ئەڤ جۆرێ توندو تیژیێ ژن رووبرووی كەسان دبن كو ب رێیا نە شەرعی كاودانێن دژوار بسەر دا دئێن، ترس، شوكبوون و خەمۆكی ل جەم وان پەیدا دبت، ئەڤ جۆرێن توندوتیژیان بەردەوام رووددەن دگەل ژنان سەرەرای وێ یەكێ ژی پرانیا جاران هۆكار هەنە كو ژن تووشی ئەشكەنجەدانا توندوتیژیێ ب بت ئەو ژی هۆكارێ ئابووری و دارایی، پرانیا جاران خێزان ل ئاستەكێ خراب دانە ئەڤ یەك ژی دبتە ئەگەرێ لاوازبوونا هێزا ژنێ،ژلایەكێ دنڤە هۆكارێ سیاسی، مەترسیدارترین هۆكارە كو ژن تووشی توندوتیژیا دەركرن، بەندكرن، ڤەگوهاستنێ ، ژناڤبرنا كاری و… هتد دئێن ژلایێ سیستەمێن حكومی ڤە، سەرەرای وێ یەكێ ژی هۆكارێ كۆمەلایەتی، كاریگەریا هەرە مەزن دكەتە سەر هزروتوندیا ژنێ ژ روویێ داب و نەریت، كلتوور، بنەمال و…هتد،ئەڤ چەندە ژی دبتە ئەگەرێ كلاسیكبوونا ژنێ دناڤ جڤاكی دە،ئەگەر ئەم بنێرین لسەر ڤان هەموو ئازاو مەینتان ژی ژن هەر یا كاری هێزا خۆ ژ دەست نەدەت و بەردەوام ل رێیا ناسكرنا خۆ بگەرت، هەتا ژن هەبوونە ل دیرۆكێ ناڤێ خۆ تۆماركرینە و بووینە خودان هێزو هزرمەند ئانكو د هەر كاودانەكێ دا ژنێ هەولدایە جڤاكێ خۆ ئاڤا بكت و بەرهنگاریا هزرێن رەش و تاری بگرت،چنكو ب داهێنان هێزا خۆ یا كاری بەردەوام كارو خزمەتێ بكت هەتا یا ئامادەبوویە مل ب ملێ پێشمەرگەیان ڤە، ل سەنگەران دا بەر خودانێ بكت و بەرهەنگاریا دوژمنێن زلهێز ب بت.
ئەڤێ یەكێ نیشانی هەموو جیهانێ دا كو ژن خودان هێزو ئیرادەیە دكارت ل هەردەم گاڤەكێ دا ببتە خودان بریار و باندۆر، هەلویست و پشكداری شۆرەش و سیاسەتان ژی ببت، لەورا دبێژم:ژنێ نەكوژن ژن ژیانە، ئەگەر ژن نەبت ژیان ژی نابت چونكو ژن نە بتنێ شەرەفا بونەوەرایەتیا خۆیە بەلكو شەرەفا ئازادی و هەبوون وهێزو ئیرادیا ژیانا خۆ ژی یە ، ئەڤجا نابت توندوتیژی بۆ ژنان نابت تێكوشینا ژنان تێكوشینا سمبوولاتیا گەل و وەلاتی یە،چنكو ژن مینا سەروەت و سامانی یە نابت رووبەرووی ئەفسانەیا توندوتیژیێ بت، ل داویێ دبێژم ژنەكا ئازاد نیشانە بۆ كۆمەلگەهەكا ئازادو ڤەكری.
تُتاح هذه الصورة أيضا في: کوردی
