رزگاركرنا مووسل وهەلویستێ رەڤاندییا وچارەنڤیسێ ئێزدییا
جەمـال كـودی
ئەڤە دەمەكی درێژە و بهەر ئەگەرەكی هەبت ب تایبەتی دچەرخێن بۆری دە ئێزدی توشی گەلەك مەرگەسات وكۆمكوژی وبن دەستیێ بووینە، سەرەرایی وێ چەندێ ئۆلەكە دێرینە ل رۆژهەلاتا ناڤین ودیرۆكا وێ ڤە دگەرێتە هەزارێن سالا ن ، تا ئیرۆ ژمارا ئاكنجیێن وان بەرامبەر ئۆل ونەتەوێن دی ل سەر ئاستێ عیراقێ ل گۆر مێژووا پە یدابوونا وان وجهێ جوگرافی وكەڤناتییا وان گەلەك كێمبوویە ، ئەوژی ژئەگەرێ فرمان وتالانكرن و گهۆرینا ئۆلا وان.
بێ گومان بتریا ئێزدییا ئان كو رێژا 90% ل عیراقێ سە ر پا رێزگەها موسلێ ڤە نە ئەو یێن پشتی شەرٍێ ئازادیێ 2003ب دەڤەرێن ڤە قەتییای دهاتنە ل قەلەمدان یێن سەر ب بەندێ 140یێ دەستوورێ عیراقێ ، لدەسپێكا هاتنا رێكخراوا تیرورستێن داعش ئانكو ل خزیرانا سالا 2014باژێرێ مووسل ب تەمامی كۆنترۆل كر و بوو بنگەهەكی سەرەكی یێ رێكخراوا تیرورستێن داعش وژئەنجامێ وێ چەندێ باژێركێ شنگال ژی یا كو رێژەكە مەزن یا ئیزدییا لێ دژییا كەفتە ددەستێ وان دە وبوو ئەگەرێ كوشتن و وێرانكرن و دەربەدەركرنا هەزارەها خەلكێ دەڤەرێ و داگیركرنا باژێركێن باشیك و بە عزانێ وبەر بەلاڤبوونا نیگەرانی وترس ونە ئارامیێ دناڤ خەلكێ سڤێل دە ل دەڤەرێن دی یێن ئێزدییا ، یا ژهەموویێ نەخۆشتر بتر5000 ژ كەچ وژن وزارۆگێن ئێزدییابدەستێ رێكخراوا تیروری یا داعش هاتنە ئێخسیركرن وژبلی یێن ب كۆم هاتینە كوشتن وهنداكرن، رەنگە گەلەك ژدەستێ وان رزگار بوون بەلی تا نهۆ ژی ل گۆر ئامارێن جهێن پە یوەندیداربتر ژ2000گرتییا نهۆ ددەستێ داعشدە ماینە ودبێ سە روشوینن ، پسیار ئەوە ئەرێ ئەگەر دڤان نێزكیا دە برێیا هێزێن ئوپراسیۆنا رزگاركرنا مووسل نە ئێنە قورتال كرن دێ هەلویستێ وان چی بت وچەند دەم دڤێت هەتا ئەو جارەكا دی ب كە س وكارێن خۆ شاد بن ، چنكو هەر دەمێ بەحسێ ئازادكرنا موسل ها تیە كرن تا نهۆ چاڤێ كەس وكارێن وا ن ل دەنگ وباسەكی خۆش بۆ ڤەگەراندنا وان بۆ ناڤ كەس وكارێن وان، یان پلەدار وبەرپرس وچالاكڤان ونونەرێن ئێزدییا ب هەڤكاری دگەل حكومە تا هەرێما كوردستانێ ل گۆر كارینێن خۆ چ پلان هەینە كو ب زووترین دەم ئەڤ كەچ وژننە قورتال بن ئەڤ جا چ ئەو پلاننە دگەل نە تەوەیێن ئێكگرتیورێكخراوێن مرۆڤایەتی بن یان دگەل هێزێن ئۆپراسیۆنا رزگاركرنا پارێزگە ها مووسل بن ژبەر كو قورتال كرنا وان گرتییا گرنگترین پێنگاڤە وئەركەكی مرۆڤایەتی یێ مەزنە ل سەر هەر خەمخۆرەكی و بهەر رێیە كە هەبت دەستێ هاریكاریێ بگەهینتێ ب تایبەتی هێزێن لە شكەری یێن پشكدار دئۆپاسیۆنا رزگاركرنا موسل دا ئەو ب زووترین دەم ب دەیك وباب ومالباتێن خۆ شاد بن پشتی وان دەردو ونەخۆشیێن ژدەستێ وان تیرورست ونەحەزا دیتیین وچارەنڤیسێ وان ددەمەكی نێزیك دە بۆ كەس وكارێن وان دیاربت ، چنكو ئەوهێز ولا یەنێن خۆ ئامادەكرین بۆ بجه ئینانا ئارمانجێن خۆ ڤێت ئەڤە ژی ئارمانجەكە سەرەكی بت و ب گرنگی بێتە وەرگرتن وئەو كەسێن دەست دوان كریارا دە هەبت دیفچۆنەكە باش بهێتەكرن داكو ب زووترین دەم بگە هنە سزایێ خۆ.
دەبارەی چارەنڤیس وپاشەرۆژا ئێزدییا پشتی ڤێ قوربانیێ وبتر ژهەر پێكهات ونەتەوەكی ل پارێزگەها مووسل زەر گەهشتیێ ول گۆر وان گهۆرین و رێككەفتن و نەخشێن نووی ێن چاڤەرێكری ل پارێزگەهێ ژلایێ سیاسی وجوگرافی وئیداری ئێزدی ب تایبەتی یێن دەڤەرا شنگال دی كەڤنە دقۆناغەكە دی دە چنكو مافێ وان یێ رەوایە بەرامبەر وێ كارەسات وجینوساید وئاوارەبوونێ بتر دەەڤەرێن وان ئارام بن دا جارەكە دی ئەڤ هێرش و فرمان تالانكرنە دووبارەنەبنە ڤە ئەوژی دڤێت ئێزدی دهشیار بن ددەستنیشانكرنا چارەنڤیسی خۆ دە وهەما هەنگی وئێكبوون هەبت ژبۆ چێكرنا دەڤەرەكا تەنا دوور ژدوژمن وكارەسات وكۆمكوژییا، چنكو ئەڤ گهورییننە ژی دەرفەتەكە زێرینە بۆ تەڤ ئێزدییا بزاڤێ بكەن وەكی هەر پێكهاتەكی ل دەشتا نە ینەوا روولێ خۆ هەبت ومافێن وان بهێنە پاراستن ودپاشەرۆژێ دە بتر ئارامی بۆ خەلكێ وان دەڤەرێن وان پەیدابت كو ب سەرفەرازی ڤە گەرنە سەر جه و وارێن خ ۆوب تەناهی لێ بژین بێ هیچ لایەنەك فشارێ لێ بكەت یان وببتە ئەگەرێ هندێ كو هەست ب نەخۆشیێ بكەن.
تُتاح هذه الصورة أيضا في: کوردی
