قه‌یرانا باوه‌ریێ ؟!
كۆڤان حسێن
لڤی وه‌لاتێ پری قه‌یران دا.روژانه ئه‌سته‌م دبیت مروڤی باوه‌ری ب پروژه‌كێ هه‌بیت یان باوه‌ریی ب ئه‌نجامێ كومبونه‌كێ یان كونفرانسه‌كێ هه‌بیت,بێ ده‌نگیا ده‌سته‌لاتێ و زه‌لالتر بێده‌نگیا(نیجیرڤان بارزانی) بوراه‌كێ بهێز خولقاندیه بو به‌رپا بونا گوتگوتكا و زێدبونا بازارێ مزایدێن سیاسی و یاری كرنێ ب نان و قوتێ خه‌لكێ,ئه‌ف ره‌وشه تا سه‌ر به‌رده‌وام نابیت,یاری ێن ب هه‌ستێن خه‌لكێ و هیڤێن خه‌لكێ دهێته‌كرن,بازار و مزایده ب بها و ره‌ڤشتێن جڤاكێ مه دهیچته كرن,ئالێن سیاسی نه‌ما جهێ باوه‌ریا خه‌لكێ بن ب پارتی ڤه ژی,هه‌لگرتنا دریشمێ ده‌وله‌تێ بتنێ به‌س نینه بو ژیانه‌كا روژانه‌یا كاسبكاره‌كێ ڤی وه‌لاتی,نه‌مانا باوه‌ریێ ژمن ڤه پشتی (داعشێ)مه‌زنترین گه‌ڤه ل سه‌ر سه‌ربورا سیاسیا كوردستانێ.وه‌لاته‌ك بێ به‌رلمان حكومه‌ته‌ك قه‌یرانی و ده‌یندار و حزبێن بێ هه‌لویست و مزایده‌جی,وه‌لات راستی قه‌یرانا باوه‌ریێ كریه و ئاشكرا تر بێژین راستی لاوازكرنا هه‌ستێ نشتمانی و نه‌ته‌وه‌ی بویه.بێ ده‌نگیا شه‌قامی ب گشتی و ل هه‌ولێرو دهوكێ بتایبه‌تی هه‌تا پشتی شه‌رێ داعشێ دێ به‌رده‌وام بیت ,ئه‌گه‌ر سیاسێن كوردستانیچ نه گه‌هن ئه‌نجامه‌كێ و حكومه‌ت بیر ل پركرنا به‌ریكا موجه‌خورێن خو نه‌كه‌تن,هیج زه‌ماناته‌ك نینه ئه‌ف ره‌وشه بڤی ته‌رزێ نوكه به‌رده‌وام بیت,دڤێ قه‌یرانێ دا تازه بو مله‌تی هنده‌ك پرس گرنگ بوینه,تازه مله‌ت بیر لهندێ دكه‌ت هنده‌ك كه‌رت و هنده‌ك بابه‌ت لڤی وه‌لاتی زێده‌نه,هنده‌ك بریار ب له‌ز هاتینه داین,بێ عه‌داله‌تی و بێ به‌رنامه‌ی وه‌لات راستی هه‌می ره‌نگه قه‌یرانا كریه.ئه‌ف قه‌یرانه هنده گاریگه‌ر بونه باوه‌رناكه‌م ب باشبونا ره‌وشا ئابوری قه‌یران ب دوماهیك بهێن,ئاستی باوه‌ریێ ب سیاسیا ب حكومه‌تێ زور لاواز بویه,تاكه سازیا مای جهێ رێزێ و باوه‌ریێ سازیا هێزا پێشمه‌رگه‌یه, كوتانوكه مای بێ لایه‌ن د گێلوشوكا سیاسیا وه‌لاتی دا,تاكه سازیه مله‌تی باوه‌ری پێ هه‌بیت ,ب په‌یامێن وان ب بریارێن وان,پارستنا ڤێ سه‌ربورێ راسته ئه‌ركێ پێشمه‌رگه‌یه,لێ تاسه‌ر بڤی ره‌نگی نه‌مینیت,كوردستانێ بتێراخوه قه‌یران هه‌نه.تاوێ رادێ قه‌یران ده‌بازی هه‌می ئاست و قوناغه‌كێ بویه,ژیان دوه‌لاته‌كێ قه‌یرانی دا ئاسان نینه,ژیانه لبن هنده‌ك گڤاشتنێن ده‌رونی.ژیانه ل ژینگه‌هه‌كا بێ عه‌داله‌تا فاحش دا,ژیان لڤێ ره‌وشێ دا.وه‌لاتیچن خه‌لكێ ژی توشی قه‌یرانا دبن,لێ ئه‌ز باوه‌رم كوردستان بتنێ راستی قه‌یرانا باوه‌ریێ بویه,قه‌یرانێن دی جاره دبن یا باوه‌ریێ دێ دووم درێژ بیت.
تُتاح هذه الصورة أيضا في: کوردی
