جەژنا جەمایێ
مه‌هدی حەسەن
جەژنا جەمایێ ئێک ژ جەژنێن هەره پیرۆز و کەڤنار ل پەرستگەها لالش دئێته گێران وپتریا ئێزدیا بەشداری ڤێ جەژنێ دبن چی بۆ هندێ بت خۆ پاڤێنه مالا شیخادی یان ژی بێن بەشداری ئەو ڕێ و رسمێن دئێنه ئەنجام دان،بۆ ماوێ هەفت رۆژا دا خودێ تەعالا ب خێر بۆ وان بنڤیست.
ب دیتنا مرۆڤێ ئێزدی دوعا و گازی و هیڤی یێن هەر کەسەکی ل ڤێ جەژنێ ده پتر د قەبلن هەگەر بێن پشکداربن یان ژی هەگەر مرۆڤەکی کەسەکی نەدرێ شیخادی ل سەر بت ل ڤێ جەژنێ بدەت ب خێر تره، ئەڤ جەژن هەر سال ل ( ٢٥) هه‌يڤا ئەیلونێ دئێته دەست پێکرن تا (۱) چریێ ب داوى دئێت،هژمارا میلادی ژ (۱۰/۷ تا ۲۰۱٦/١٠/١٣)ێ هەر سال ، ئەڤ جەژن درێژ ترین جەژنا ئێزدیا یه ، مێژویا ڤێ جەژنێ گەلەک کەڤنه ل دیڤ ئەو ڕێ و رسمێن دئێنه گێران هندەک ژ وان بەری هاتنا شیخادی ڤەدگرێن بۆ سەر دەمێ میترائیا وهندەک ڕێ و رسم ل ڤێ جەژنێ ب کراس گهورینا شیخادی گیانێ من گۆری ڤە د گرێداینه وەکی دی ژی رۆژانه ژمارەکا رێ وڕسمێن ئەڤێ جەژنێ ب ڤی شێوەی تێنە گێڕان:
١ _ أ-ڕۆژا ئێکێ سەردەریێن بابچاکا دێ قەستا لالشێ کەن بۆ پێشوازیکرنا خەلکێ ئەوێ قەستا لالشێ دکەن بۆ توافکرنێ وچێکرنا سماتێ بۆ ماوێ ھەفت ڕۆژا.
ب- ل ھەموو ھێڤارا سەما تێتە کێشان.
ج- بەرێ شبایکێ ژ قۆناغێ بەحزانێ بەرەڤ لالشێ دێ بەن
٢ _ڕۆژا دوویێ وسێیێ و چارێ ڕێ وڕسم نینن تەنها سمات هەر ڕۆژ دئێته چێکرن و ب شەڤ سەما دئێته کێشان خەلک بەردوام دئێنه لالش.
٣_ ل ڕۆژا پێنجێ پەری سوارکرنە بۆ جارا ئێکێ ب ئاڤا کانی سپی تێنە مۆرکرن پاشی ل سەر سندروکێن بابچاکا تێنە ڕاخستن ، پەری نیشانا داخوازیا مرازێیە ژ خودێ و وی بابچاکی.
٤_ ڕۆژا شەشێ قەباغ ( گاباغ) ئانکو گایێ مەزن وب ھەیبت.
٥_ ڕۆژا ھەفتێ سوارکرنا بەرێ شبایکێ یە و تێتە مۆرکرن ب ئا ڤا حەودا کەلۆکێ وھەموو کەسێن لالشێ دێ لێ توافکەن و ئەو ڕۆژە دبتە جەژن رۆژا داویێ يه.
هه‌روه‌سا حکومەتا هەرێما کوردستانێ هەر (۷) هەفت رۆژ یین جەژنێ کرینه بهێنڤەدان ل هەر جهەکی ئێزدی لێ هەین، و ئەڤ سال جڤاتا رۆحانیا ئێزدیان بریار دایه چو ژ ڤان ڕێ و رسما نەئێته گیران ژ بەر ره‌وشا شەرێ داعش.
تُتاح هذه الصورة أيضا في: کوردی
