مامۆستا هین چه‌ند حه‌قن..هند نه‌حه‌حق
كۆڤان حسێن
هه‌می سه‌ربۆرێن سه‌ركه‌فتی ل جیهانێ ل سه‌ر ملێن مامۆستا ئاڤا بووینه. هه‌می تاك و كه‌سه‌كێ جڤاكی ژی قه‌ردارێ مه‌ردینیا مامۆستایه كێم یان زێده، مامۆستا ژ هندێ ب سه‌نگ و قیمه‌تتره ئه‌م ل به‌رپه‌رێن رۆژناما سه‌نگ و قه‌بارێ وی ب هه‌لسه‌نگینین، لێ وه‌ك دیار مامۆستا ب هه‌می بارگرانیا خوه‌ڤه و د ڤێ قه‌یرانێ دا بووینه كه‌ره‌ستێ سیاسه‌ته‌كا دوور ژ گیانێ كارێ مامۆستای و گیانێ (استازا) و گیانێ دانا بێ به‌رامبه‌ر. وه‌ك نموونه مامۆستا بووینه و ئه‌و گه‌ف ئه‌وا ئالیێن سیاسی د ململانا سیاسی دا مامۆستا و بارێ قورسێ مامۆستایێ بكه‌نه سه‌نترالێ گڤاشتن و مزایدێن سیاسی ل كوردستانێ، مامۆستا چه‌وا د هۆلێن وانه گۆتنێ دا ده‌رسا دده‌ن ژ من ڤه بۆ سیاسیا ژی مامۆستا دڤیا ده‌رسه‌كێ بده‌ن، بارێ ژیانێ قورسه به‌لێ مامۆستا و پرۆسا په‌روه‌ردێ كه‌رستێ گڤاشتنێن سیاسی نینه، ره‌وشا خرابا مامۆستای به‌شه‌كه ژ ره‌وشا خرابا جڤاكی ب گشتی. مامۆستایه‌تی هه‌ربینێ ده‌رس گۆتن نینه وه‌ك ئه‌ز تێ دگه‌هم، به‌لكو مامۆستا ب خوه وه‌ك كاراكته‌ره‌ك سه‌ره‌كی د جڤاكی دا ب خوه نموونه‌كا زیندیا قوربانیدانێ یه، ئه‌و (قدوه‌یه) بۆ سه‌ركێشیا جڤاكی ب گشتی، مامۆستا هێژای هندێ نینه راستی ڤێ ره‌وشێ هاتی، لێ ئه‌م ل وه‌لاته‌كی دانین هه‌م د حاله‌تێ شه‌ڕی دایه و هه‌م د حاله‌تێ قه‌یرانێ دایه. مامۆستا هه‌تا ئه‌سمانی حه‌قن گازندا و گڤاشتنا بكه‌ن، هه‌تا ئه‌سمانی مافێ وانه ل پرسا ژیانا خوه بێ ده‌نگ نه‌بن، لێ مامۆستا نه‌حه‌قن وه‌ختێ گه‌فا راوستاندنا پرۆسا خواندنێ بكه‌ن، خواندن هه‌ر ب تنێ وه‌زیفه‌كێ حكوومی نینه، به‌لكو به‌رپرسیاره‌تیه‌كا ئه‌خلاقیه گیانێ (سه‌یدایێ) دبن هه‌ر بار و ره‌وشه‌كێ ڤه دڤێت پاراستی بیت، مامۆستا ئه‌ون ئه‌وێن هه‌می جڤاك چاڤ ل هه‌لویستی وان دكه‌ت، راسته ئه‌م د قه‌یرانێ داینه، راسته ئه‌م د شه‌ری داینه، راسته ژیان قورس بوویه و راسته ئه‌ڤێ ره‌وشێ دوم دا، لێ پرسه‌كا نشتیمانی گشتی یه، سه‌رباری هندێ حكوومه‌تێ تانوكه وه‌ك پێدڤی رۆنكرن نه‌داینه رایا گشتی، ئالیێن سیاسی ب مخابنی ڤه وه‌ك متایه‌كێ گڤاشتنا سیاسی دژی ئێك و دو بكار دئینن، كه‌دا مامۆستا وه‌ك جینه‌كا مام ناڤه‌ندی تووشی ئالۆزیه‌كا ئابووری بوویه و زیان گه‌هاندیه بازار و ئاستێ ژیارا وه‌لاتیان، لێ هه‌می ئه‌ڤ قه‌یرانه هندێ نائینیت وه‌ك متایه‌كێ سیاسی بهێنه بكارئینان و پاشی گه‌فا راوه‌ستاندنا پرۆسا خواندنێ بكه‌ن، فێركرن ئه‌ركه نه‌ك وه‌زیفه‌یه، مامۆستا ب پیرۆزیا خوه‌ڤه تا نوكه ل ئاستێ ڤی ئه‌ركی بوویه.
تُتاح هذه الصورة أيضا في: کوردی
