زانست بنەمایێ سەرەكی یە بۆ پێشكەفتنا گەل و وەلاتان
جوان بەرواری 
هەرهەولدانەك بێتە كرن بێگومان ئارمانجەكێ بخۆڤە دگرت و ئەو ئارمانج دبتە پەیامەك و ئێتە بەلاڤكرن ل دەوروبەرێن جڤاكی دا،دواقعی دا هەر جڤاكەك ل سەر هندەك پێلیستوك و پرەسیپان هاتیە ئاڤاكرن و جاران ئەگەر هەبوونا وی دەستكەفتی نەهاتە جیه وی دەمی تاكەكەسی مافێ هەی ل حەق و حقوقێ خۆ بگەرت ، لێ ل ڤێرە وەكی یادیاركو بارودۆخێ مەیێ ئیرۆ بوویە جهێ مەترسی و كێشە و گرفتان و بەردەوام نێرینا جڤاكی ل سەر ڤی بارودۆخی ئالۆز دبە و ب تایبەتی ژلایێ پەروەردێ ڤە كو هەبوونا بایكۆتكرنێ یا بەردەوامە ،ئەڤە ژی دبتە مەترسی ل سەر جڤاكی و تایبەتی تەخا خووندەڤانان ،هەروەسان كێشەیێن هەمەرەنگ ل سەر بنەمایێن زانینا و جوداهیێن هوور دناڤبەرا تاكەكەساندا.
ژئالیەكێ دیڤە تەكەزكرن ل سەر رێژەیا زانستی كو تەخا خووندەڤانی دێ ئێتە بێ بەهركرن ژ وی زانستی و وێ پیادەكرنا پەروەردەكری بتە كوژیەكێ قوربانیێ، لێ خالەكا دیتر كو رەوشت یێ پێتڤیە بۆ سیاسەتێ ئەڤە ل دەمەكێ وەكی ئیرۆدا ، پرسیارەكا گەلەك گرنگە ، چنكو خواست و مەبەستێن كارێن سیاسی پرن ومەزنن ناچێبت ژی بتنێ پیادەكرنا تیوری ڤە بێتە پێشبینیكرن هەركەسەك دكارت وەكی خۆ و داخوازیێت خۆ بەحسێ سیاسەتێ بكت،ژبەركو گەلەك جاران ئەوهزركرنە دگەهتە دەرئەنجامەكا فەلسەفی لوجیكی ، ژلایەكێ دیڤە ئێك ژ ئەگەرێن هەری سەرەكی بۆ ڤان بریارێن دژوار هەبوونا فشارێ یە ل سەر كەرتێ پەروەردێ و تەندروستی و وبگشتی جڤاكی ….. هند ،لێ دگەل ڤێ چەندێ خواستەك و ئیرادە پێتڤیە بێتە نیشاندان هەبوونا خۆپیشاندانا د دەمەكێ هوساندا ڤەگەریانەكە بۆ موكرهاتنا دۆخێ سیاسی لێكتێگەهشتنا ئالیان،لێ سەرەرای وێ چەندێ ژی هەبوونا پشتەڤانیێ ژلایێ خەلكی ڤە ئەڤە ژی دبتە ئەگەر كو ئەڤ خۆپیشاندانە بێنە بهێزكرن.
لێ خالا من دڤێت ئاماژێ بدەمێ ئەوە كو یاگرنگە حكوومەتا هەرێما كوردستانێ ژی دگەل ڤی ئالی یێ هاریكاربت و رابت ب دانان و دارێژتنا پلانان،ژبۆ بەرفرەهكرنا رێیا چارەسەریان دەربارەی ڤێ بایكوتكرنێ كوبتە پرەك هەموو تەخ و چین ب تەكەستكرن رابن ب ئەنجامدانا دەوامێن خۆیێن فەرمی ژلایێ پەروەردێ ڤە،چنكو د دیرۆكا هەر نەتەوەیەكێ دا زانست بنەمایێ سەرەكی یە،ژبۆ پێشكەفتنا چاندو كلتۆر تەخا جڤاكان و رێكخستنە د ئاڤاكرنا ناخێ هەر تاكەكەسەكی دا و ئەو زەمینەیە یێ كوبتە پالدەرێ ئاڤاكرنا مللەتەكێ سەركەفتی.
تُتاح هذه الصورة أيضا في: کوردی
