پێنگاڤەكە پیرۆز ل سیستەم و پرۆگرامێت خووندنێ ل كوردستانێ
سالار فائز 
پشتی گەلەك ڤەكۆلین هاتینە كرن بۆ پێشێخستنا سیستەمێ خووندنێ ل هەرێما كوردستانێ ب جێواز ژ سالێن بۆری و وەرگرتنا ئەزموونا ژ وەلاتێن پێشكەفتی وەكی وەلاتێن ئەوروپی، هەر سال وەزارەتا خووندنا بلند هندەك گهۆرینا دكت و گەلەك یاسا و رێسایێن خووندنێ ل كوردستانێ بخۆ وەرگرتن ژ وەلاتێن پێشكەفتی یێن ئەوروپی تایبەت ل بیاڤێ خووندنێ دا وەكی سوید.
پار ژی وەك هەرسال گهۆرینەك كر پشتی وەزارەتا خووندنا بلند ل هەرێما كوردستانێ بریار دایی كو زمانێ ئینگلیزی بێتە خووندن ل بابەتێن زانستێ و بیركاریێ،سالا پار ئەڤ پرۆسێسە هاتە بجهئینان ل ناوچەیێن سۆرانی،ئََەڤ سال ژی ئەڤ پرۆسێسا ئینگلیزی كرنا بیركاریێ و زانستێ ل ناوچەیێن بەهدینان دەستپێكر ،ئەڤ ژی تێتە كرن برێیا مامۆستایێن زمانێ ئینگلیزی كو چەند خۆلێت زمانێ ئینگلیزی وێت ڤەكرین ل قوتابخانا و جهێن میری بۆ مامۆستایێن بیركاریێ و زانستێ كا چاوا دێ بابەتێن خۆ شرۆڤەكەن ب زمانێ ئینگلیزی سەبارەت ڤی بابەتی مامۆستا (فائز حراقی) سەرپەرشتیاریێ زمانێ ئینگلیزی ل پەروەردا شێخان دبێژت كو ئەڤ پرۆسێسە ل قوتابخانێن هەرێما كوردستانێ دئێتە بجهئینان و هێشتا چ بریار نەهاتینە دانە كو سەرانسەری عێراقێ وەسا بت ئانكو بتنێ ل هەرێمێ یە،ئەڤ پرۆسێسە ل بەری دەواما فەرمیە یا قوتابخانایە ژبەركو هەتا قوتابخانە ڤەبن مامۆستا دێ ئامادەبن بابەتێ بیركاریێ و زانستێ ب ئینگلیزی شرۆڤەكەن و ئەڤە ژی دێ دەستپێكەت ژ قۆناغا ئێكێ سەرەتایی و دێ بەردەوام بت سال بۆ سالێ هەتا ل هەموو قۆناغا زانست و بیركاری ب زمانێ ئینگلیزی بێنە خووندن،سیستەمێ خووندنێ ل قوتابخانێ هەموو بتە زمانێ ئینگلیزی و چاڤەرێ كریە كو هەموو بابەت بێنە خووندن ب زمانێ ئینگلیزی.
ژبەر گرنگیا وی و ئەڤە ژی پێنگاڤەكا مەزنە بۆ پێشكەفتنا كوردستانێ ل هەموو بیاڤان دا ب تایبەتی ژ ئالیێ خووندنێ ڤە،ژبەركو وەلات ب خووندنێ پێش دكەڤن و زمانێ ئینگلیزی ژی زمانێ جیهانگێری و ئینتەرنێتی و زانستێ و پزیشكی …هتد یە و زمانەكێ جیهانی یە و گرنگ و پێشكەفتی یە.
تُتاح هذه الصورة أيضا في: کوردی
