زاروكێن حه‌زا راگه‌هاندنێ هه‌ین دێ چاوا فێربن
هاوكار نورى
ژیێ زاروكینیێ ژیه‌كی گه‌له‌ك نازك و هه‌سته‌وه‌ره و ل وی ژی دا به‌هرا پتریا زارویان داغبار دبن ب كه‌سانێن روژانه دهێنه به‌رچاڤ چ ل شاشه‌یێن تله‌فزیونان یان ژی د به‌رپه‌رێن كوڤاران دا به‌رده‌وام ئه‌و زاروك پێكولا دكه‌ن ب كه‌سایه‌تیا وان كه‌سانان رادبن له‌ورا ل فێری زاروك حه‌زا وی ل ده‌سپێكا هه‌می كاران بو راگهاندنێ دهێتن پێدڤیه ده‌مێ ئه‌ندامێن خێزانێ ببینن ده‌مێ زاروكێ وان گه‌له‌ك داغباربیتن بلا ببنه پالپشت بو زاروكێن خۆ هاریكاریا وان بكه‌ن وێ حه‌زا وان بو جێبه‌جێ بكه‌ن داكو زاروكه‌كێ خودان شیان یێ ره‌هوان بیتن ، ئه‌و زاروكێن حه‌زا راگه‌هاندنێ هه‌ین دێ چاوا فێر بن من دڤێت بو وان دیاربكه‌م ئه‌گه‌ر حه‌زه‌كا زور هه‌بیتن دێ گه‌له‌ك ب ئاسانی فێربیتن و ل ده‌سپێكێ من دڤێت بده‌مه دیاركرن بوان زاروویێن حه‌زا فێربونێ هه‌ین بلا ده‌سپێكا وان نڤیسین بیتن چونكه هه‌رده‌مێ نڤیسینا وی یا جوان بو ئه‌و دێ شێت ب ئاسانی كارێ خو كه‌تن و هه‌روه‌سان لایه‌نێ هوزانا و كورته‌جیروكان ئه‌و دشێت مفای ژ ئه‌رشیفێ كوڤارێ و په‌رتوكێن گرێدای ب زمانی و ڤه وه‌رگریتن بو چێكرنا بابه‌ته‌كێ جوان چ جیروك یان هوزان یان بابه‌ته‌ك بیت جهی مفا وه‌رگرتنێ بیتن ب زمانه‌كێ جوان ل دیف یاسایین جیروكی یان هوزانێ یان ئه‌و بابه‌تێ دروستكری مانشیته‌كێ جوان بیت وزمانی نڤیسینی یێ جوان بیت وی كیش كوڤار دڤێت بابه‌تێ وی ئێكسه‌ر دێ بێته جهێ گرنگیدانێ، هه‌روه‌سان بێژه‌ری كو پرانیا زاروكان حه‌ز ل سه‌ره و تایبه‌تی ره‌گه‌زێ مێ ئه‌و دێ چاوان شێن وێ باوه‌ریێ بو وی ده‌زگه‌هی چێكه‌ن دڤێت ئه‌و زاروك گرنگیه‌كا مه‌زن بده‌ته ئه‌ته‌كێتێن ئاخفتنێ و د لایه‌نێ ره‌وان بێژیێ دا دڤێت به‌رده‌وام راهێنانان بكه‌تن و راوستیانا وی زاروكی لڤینین جه‌سته‌یی دڤیت ل سه‌ر وانا ژی راهێنانا بكه‌تن داكو ده‌مێ بچیته به‌ر كامیرێ كه‌سه‌كێ ئاڤاكه‌ربیت و دویر بیت ژ ئالوزیی و تێكچونا بارێ وی یێ ده‌روونی .
تُتاح هذه الصورة أيضا في: کوردی
