رۆلێ ژنا كورد دبوارێ پاراستنا وەلاتی دە
چنار شمو قاسم 
ل بتریا دەولەتێن جیهانێ زلام بتنێ رووبرووی جەنگا نەبووینە،بەلكو ژن هەڤپشك بوویە دگەل دە ،ژبەركو زلام بتنێ نكارە وەلاتێ خۆ بپارێزە ئەگەر ب هەڤكاریا ژنێ نە بتن، و ژنێ هەردەم رۆلێ خۆ هەبوویە د بوارێ سەربازی و هەلگرتنا چەكی دە و مل ب ملێ زلامی بەرەڤانی ژ ئاخ و وەلاتێ خۆ كریە هەر دیسان دبوارێ چارەسەریا نەخۆشان دە دەما شەری دا وەك نۆژدار و پەرستیار رۆلەكێ هەری بەرچاڤ هەبوویە.
هەروەسا ژنا كورد ل سەردەمێ كەڤن و تا نها ب چەند شێوەیان هەڤكاریا پێشمەرگەی كریە،ژبۆ پاراستنا ئاخ و نەتەوا خۆ , ژبەركو ل دەما بەرێ هێزێن فێركرنا سەربازی یا ژنان دئاستەكێ كێم دە بوویە، بەلكی ژنا كورد ب شێوەیەكێ جودا رۆلێ خۆ دیتیە وەك چێكرنا خوارنێ و هەڤكاریا نۆژداران ژبۆ پەرستاریێ،هەروەسا دبوارێ راگەهاندنێ دە ژنا كورد هەردەم خزمەتا گەلێ خۆ كریە كو ل وی سەردەمی رۆلێ ژنێ د راگەهاندنێ دە گەلەك كێم بوو، ژبەركو جڤاك و خێزانێ رێك لهەمبەر ژنێ گرتبوو بەرامبەر كارێ راگەهاندنێ ، بەلێ سەرەرای ڤان ئاریشان ژنا كورد خۆ بێ بەهر نەكریە ژ ڤی بواری،لەوما بناڤێن سەختە ستران بدەنگێن خۆ یێ نازك ژبۆ بلندكرنا وەرارا پێشمەرگەی بەرامبەر دوژمنی گۆتنە،بەلێ نها و تایبەت سەردەمێ نوو ژنا كورد ب گشتی و یا ئێزدی جەنگاوەر بوویە و مل ب ملێ زەلامی شەر، ژبۆ ئازادیا گەل و وەلاتێ خۆ دكت .
ژنا كورد ب چەك و جەسارەتیا خۆ ل تەڤایا جیهانێ ناڤ و دەنگێ خۆ دەرخستیە وسەلماندن كو ژن و زەلام هیج جێوازی دناڤبەرا وان دە نینە، ژبۆ پاراستنا ئاخا وەلاتێ خۆ ، نها د سەنگەرێن شەری دە نێزیكی 2000 سەربازێن ژن بەرەڤانیێ ژ ئاخا وەلاتێ خۆ دكن ودپارێزن و تۆلا وان ئێش و ئازارێن دوژمنا ب سەرێ ژنا ئێزدی ئینایین دێ بهانەیا وان ئێش و ئازاران ژ چاڤێن دوژمنان دەرێخن.
تُتاح هذه الصورة أيضا في: کوردی
