كۆڤان حسێن:پارتی نه‌جاره (تنازلێ) بكه‌ت؟
كۆڤان حسێن 
ژمێژه سه‌رۆك بارزانی ل گه‌له‌ك هه‌لكه‌فتنا دگۆت (پارتی وی درووشمی رادكه‌ت ئه‌وێ بشێت ببه‌ته سه‌ری) وه‌ك دیاره بارزانی ڤێ جارێ ب مجدی درووشمه‌ك راكریه كو ئومێدا پرانیا شۆره‌ش و سه‌رهلدان و یاخیبونێن كوردان بوویه، پرۆژێ ده‌وله‌تبوونێ بێگومان یا ئاسان نینه درووشمه‌ك ب ڤی قه‌بارێ مه‌زن بگه‌هیته كه‌نارێ ئارامیێ بێ قوربانی، چ قوربانسێن گیانی بن یان قوربانسێن سیاسی بن، پارتی حزبا بارزانی یه و حزبا ئێكێ یه ل كوردستانێ و سه‌ربۆره‌كا سیاسیا مه‌زن هه‌یه د مه‌یدانا كارێ سیاسی و دبلوماسی دا، ئه‌و ب خوه قوتابخانه‌كا تایبه‌تا بیركرنا (پراكماتیا) كوردیه، پارتی ژ هه‌ر ئالی قه‌نجتر دزانیت بۆ مه‌رم و ئارمانجێن سیاسی و ده‌ست كه‌فتێن حزبی و ناوچه‌گه‌ری ئالیێن سیاسی ل كوردستانێ (مساوه‌مێ) دگه‌ل پارتی دكه‌ن، و پارتی نه‌چاره بۆ ئارمانجا مه‌زنا درووشمێ بارزانی ژماره‌كا (تنازلێن) سیاسی بۆ ركابه‌رێن خوه یێن سیاسی بكه‌ت، ئه‌گه‌ر چ ئه‌و ته‌نازل كرنه ناگه‌هیته پاشگه‌زبوونێ ژ پرۆژێ سه‌ره‌كی، بێ په‌رلمان و ژێده‌رێ شه‌رعیه‌تا سیاسی یه ل كوردستانێ هه‌می پرۆژه‌ك به‌رگومانه و ره‌نگه جیهان ژی ب ئاسایی نه بنیت. (به‌یانا سه‌رخوه‌بوونێ دڤیا ل په‌رلمانی) بێته خواندن. بۆ ئاساییكرنا په‌رلمانی، پارتی دڤیا د ڤێ قووناغێ دا پتر نه‌رمیێ دیار بكه‌ت به‌لكو هنده‌ك (ته‌نازلێ) ژی بۆ ركابه‌رێن خوه یێن سیاسی بكه‌ت ل ڤێ قووناغێ دێ بۆ پارتی باشتر بیت یان به‌لكو ئه‌ركه ل سه‌ر پارتی د ڤێ قووناغێ دا بریارێن دژوار بده‌ت هه‌ر چه‌نده نه دبه‌رژه‌وه‌ندیا پارتی دا ژی بیت، پارتی بۆ خاترا شه‌هیدێن خوه بۆ خاترا هندێ براگه‌وره‌یه، ئه‌ركێ وێ قورستره ژ خه‌لكه‌كێ، پارتی به‌رپرسا ئێكێ یه ژ یه‌كپارچا كوردستانێ و ڤه‌گه‌راندنا په‌رلمانی بۆ كارێ وان یی یاسایی، وه‌ك دیار ئالیێن سیاسی بازاری دگه‌ل پارتی دكه‌ن به‌لكو (زه‌مانات) ژی ژ پارتی دڤێن و دبیت مه‌رج ژی هه‌بن د ڤێ قووناغێ دا و ئه‌ڤه راسته ل سه‌ر پرسه‌كا وه‌ك سه‌رخوه‌بوونێ دڤیا نه‌با، لێ چه‌قبه‌ستنا سیاسی ل كوردستانێ شه‌رت و مه‌جێن خوه داگیرساندینه، مه‌زناتیه‌كا مه‌زن بۆ پارتی وه‌ك گه‌له‌ك جارا قوربانی دا ل ڤێ قووناغێ بۆ مه‌ره‌مه‌كا حزبیا به‌رته‌نگ یا (قه‌لس) نه‌بیت،(70) پارتی ل مه‌یدانێ خه‌باتێ دكه‌ت بۆ رۆژه‌كا وه‌ك نوكه(70) پارتی د ئه‌ده‌بیاتێن خوه دا كادرێن خوه وه‌سا په‌وه‌رده كرینه كو (پارتی) ئالاڤه نه ئارمانجه، ئه‌ڤجا ده‌مێ هندێ هاتیه پارتی ئالاڤبوونا خوه بۆ سه‌رخوه‌بوونێ دوپات بكه‌ت، دبێژن ئالیێن سیاسی نێزیك بوونه ژ رێكه‌فتنێ هیڤیدارم نه‌مابن ب هندێ ڤه، سه‌رۆكێ هه‌رێمی شه‌رعیه یان سه‌رۆكێ پرلمانی مایه یان ب دووماهیك هاتیه) وه‌ك جره‌كا (بیزنتی) (هێك ژ مریشكێ یه یان مریشك ژ هێكێ)یه!.
تُتاح هذه الصورة أيضا في: کوردی
