توركیا و ئنقیلابا 15 ته‌موزێ و قه‌یران و ئاریشه
محه‌مه‌د ئيبراهيم ئامێدى
كۆمارا توركیا سه‌نته‌رێ سه‌نگاندنێ و گرانیا بوو ل ده‌ڤه‌رێ. وه‌ك دوه‌له‌ته‌كا پێشكه‌فتی و مه‌لایین گه‌شتیار و نه‌خۆش و بازرگانان به‌رێ خوه د دایێ. جهێ ئارمیێ و سه‌قامگێریێ و چاره‌سه‌ریێ و بازرگانیێ و چاندن و پیشه‌سازیا سه‌رده‌م و زانین و زانستێ یه. زێده‌باری هه‌بوونا ژماره‌كا ئاساته‌نگان و پرانیا وانا د ناڤخۆیی نه. ژبلی یێن ده‌رڤه دگه‌ل رۆسیا و مسرێ و تیرۆرێ و داعش. هه‌ر ژ كێشا كوردان و حزبا (فتحولا گویله‌ن) تا ئاسته‌نگێن بارودوخێ رۆژهه‌لاتا ناڤین و یێن سه‌ر سنوورێ سووریایێ و ده‌ڤه‌رێ. لێ توركیا پشتی ئنقیلابێ دیار بوو. كو ژماره‌كا سه‌رباز و ئه‌فسه‌رێن سوپایێ توركیا كو نوونه‌راتیا هه‌می سوپایێ توركی ناكه‌ن. شیان د ماوێ (8)ده‌مژمێرا دا كونترۆلا هنده‌ك ده‌ڤه‌ران بكه‌ن و فه‌شه‌ل د بیاڤێ وه‌رگرتن و مانا ده‌ستهه‌لاتێ دا ئینا و شه‌رعیه‌ت بۆ توركیا زڤری ڤه. ب پشكداریا پرانیا گه‌لێ توركی دگه‌ل لایه‌ن و جهێن به‌رپرسیار و شوله‌ژێ. ئه‌ڤه ژی دسه‌لمینیت كو ئاسته‌نگ یێن د ناڤ سوپای دا هه‌ین وه‌ك سوپایه‌كێ مه‌زن و بهێز كو پشكه‌كه ژ هه‌ڤپه‌یمانا ناتۆ. و هێزێن ئه‌مریكی ژی ئه‌وێن د ناڤ ئاخا توركیا دا دگه‌ل بنگه‌هێن هه‌ڤپه‌یمانا ناتۆ كار دكه‌ن راوه‌ستیان ژ هه‌ر كاره‌كێ پێدڤی هه‌بیت. و ب تنێ دێ ب كارێ پاراستن و به‌رگرێی ژ بنگه‌هێن خوه دكه‌ت. ئه‌ڤه ژی ل دووڤ بریارا وه‌زاره‌تا به‌رگریا ئه‌مریكی یه.
هه‌روسا توركیا نێزیك ببوو ژ ئه‌ندامه‌تیا ئێكه‌تیا ئورۆپی، لێ ئه‌ڤا هاتیه روودان د بیاڤێ پرسا هه‌لسه‌نگاندنا جڤاكێ توركی و باده‌كا مافێ مرۆڤایه‌تی و 50 هزار كه‌س ئه‌وێن هاتینه گرتن ودوورخستن ژ مامۆستا و فه‌رمانبه‌ران ژ كارێ وان. و هه‌ولدان بۆ زڤرینا حوكمێ سێداره‌دانێ و ئنقیلابا سوپایێ توركی یا نوكه. و هه‌بوونا قه‌یرانا حكومرانیێ، توركیا زڤرانده خالا سفرێ. جیهانێ ئه‌ڤرۆ هزره‌كا هه‌ی كو ئه‌گه‌ر و بنیات قه‌یرانا حوكمی یه. و ئاریشا د ناڤ فه‌رماندا موسلمانان دا (المعسكر الاسلامی) ناڤبه‌را سه‌رۆك كۆماری ره‌جه‌ب ته‌یب ئه‌ردۆغان و فه‌تحولا گویله‌ن. كو یێ ئێكێ یێ دویێ تۆمه‌ت بار دكه‌ت كو یێ ل پشت ڤێ ئنقیلابێ و داخواز ژ ئه‌مریكا كر ب زڤرینن و ته‌سلیمی توركیا بكه‌ن. هه‌روه‌سا نه‌باوه‌ری یا هه‌ی د ناڤ سوپایێ ئیسلامی ب خوه دا. و قه‌یرانا به‌رنیاس ناڤبه‌را ( الاسلامیین) و هێزا شارستانی یا علمانی كو دیتنا وانا یا (كه‌مال ئه‌تاتۆركی)یه بۆ توركیا و شێواز و سروشتیا ده‌وله‌تێ و هزر و به‌رنامێ قوتابخانا (نجم الدین اربكان) ئه‌وا ئه‌ردۆغان و پارتا وی ژێ ده‌رچوویین. ب دیتنا من ئێدی ئه‌و سه‌ره‌ده‌ری و په‌یوه‌ندیێن به‌ری ئنقیلابێ ناهێنه كرن پشتی ئنقیلابێ دگه‌ل توركیا. چونكی نامینیت وه‌ك به‌رێ د بیاڤێ سیاسی و ئابووری و گه‌شت و گوزار ی و عه‌سكه‌ری دا، له‌ورا نوكه ئه‌ردۆغان ب ژڤانه هه‌یكه‌لێ سوپایێ خوه نوو بدانیته‌ڤه‌و هه‌می شوونزارێن گویله‌نی نه‌هێلیت، هه‌روه‌سا دووڤچوونا كه‌رتێ خواندنێ و دادپه‌روه‌ریێ بكه‌ت و ره‌وشا نه‌ئاسایی راگه‌هاندیه، دا كو چ زیان نه‌گه‌هیته ماف و ئازادیا وه‌لاتیان.
ئومێده‌وارین بۆ ده‌وله‌تا توركیا وه‌ك ده‌وله‌ته‌كا جیران كو په‌یوه‌ندیێن باش و موكم یێن هه‌ین دگه‌ل هه‌رێما كوردستانێ. د رۆژێن داهاتی دا پێنگاڤێن پراكتیكی بهێنه هاڤێتن بۆ چاره‌سه‌ركرنا قه‌یران و ئاریشا. ب چه‌سپاندنا ئاشتیێ و ئازادیێ و ساخكرنا پرۆژێ ئاشتیێ ل كوردستانا باكور دگه‌ل كوردان و ئنقیلاب ببیته سه‌ربۆره‌ك. بۆ ده‌وله‌ته‌كا پتر دیموكراسی و یاسا سه‌روه‌ر بیت و به‌خته‌وه‌ریا ملله‌تی ئارمانج بیت.
ئه‌ڤ گۆتاره ل مالپه‌رێ ئه‌ڤرۆ نيوز،ل 28/7/2016 به‌لاڤ بوويه.
تُتاح هذه الصورة أيضا في: کوردی
