ئەلمانیا ژی نە ئەو بەهشتا سەر ئەردی یە
سالار فائز
پشتی پەیدابوونا رێكخراوا تیرۆرستی یا داعش ل سووریا بتر ژ چار سالا و ل عێراقێ نێزیكی دوو سالا،هەژاری و بێكاری و قەیران و شەرێن ناڤخۆیی ل سووریا و عێراقێ ب سالان،بوو ئەگەرێ كۆچبەریا هەزاران خەلكێ بۆ كیشوەرەكێ ئێمناهی و مرۆڤایەتی ئەوروپا و وە لاتێ ئەلمانیا گریان ل ئەردەكی ئاشتی و ئێمناهی ئەو ژی برێكەكا نەیاسایی قاچاغی یان برێكەكا فەرمی ب رێكا رێكخراوێت مرۆڤایەتی.
ل دەستپێكێ پەنابەر هزردكەن گەهشتنا وان بۆ وەلاتێ ئەلمانیا گەهشتنە بۆ بەهشتا سەر ئەردی و وان هەموو ئێش و ئازار و نەخۆشیا دێ ژبیر كەن ئەوێن وان دیتین ل وەلاتێ خوە یان وەلاتێن جیران ژ ئەگەرێ بێكاری و قەیرانێت ئابووری و شەر و هەڤركیا ،و ژیانەكا نوو دێ دەستپێكەن لی ب راستی نەهۆسایە و نەوەكی وان هزر و پێش بینیایە ! هەر ژ رۆژێت دەستپێكێ دا و گەهشتنا وان بۆ ئەلمانیا جارەكا دی نەخۆشی دووبارە دبنەڤە ب ڕەنگەكێ دی ئەوژی دەستپێكێ بنگەهێن حەواندنێ و كەمپ پرن ژ خەلكێ ژ هەموو وەلاتا و هەركەسەك دڤێت چاڤەرێبت و هەدار هەبت بۆ دەمەكێ درێژ هەتا كارێت وی برێڤە دبەن وەكی تۆماركرنا پێزانینێن وان و گەلەك جارا زۆر گیرۆدبن،هەروەسا ل كەمپێت بەروەختی ژی خوارن گەلەك جاری ناێت و رێك پێنەدایە مرۆڤ بخوە خوارنێ چێكت ،ئیلا پشتی بێتە ڤەگۆهاستن بۆ كەمپەكا هەردەم ئەو ژی گەلەك وەخت دڤێت،پشتی تێتە ڤەگۆهاستن ژی ل گەلەك كەمپا هێلا تەلەفونێ و ئینتەرنێتی نینە وخەلك پێ نەیی شارەزایە و گەلەك جارا دڤێت برەكێ دراڤی بدەت هەتا هەبت،پشتی چەند ڕۆژا ب رەنگەكێ بەردەوام نامە (پۆست)بۆ پەنابەرا تێن و بەهرا پتر نەهاتینە وەرگێران بۆ وی زمانێ پەنابەر دزانن، هەروەسا ئێك ژ نەخۆشیا ل پتریا كەمپا تێكەلیەكا نە ئێكگرتی و نەرێك و پێك وا هەی ئەوژی گەلەك جاران هۆلێن وەرزشێ نە و كەسێن زووگرتی گەل خێزانا تێكەل دبن و ژ گەلەك وەلات و نەتەوە و ئایینان نە و گەلەك جارا ئاریشە چێدبن،بۆ نمموونە بەری دەمەكە هژمارەیەكە كوردێن ئێزدی هاتنە برینداركرن ب كێر و چەقۆیا ژ ئالیێ شیشانی و ئەفغانیا ڤە.
ئەلمانیا ژی ئێكەمین وەلاتە كو هژمارەكا گەلەك زۆر یا پەنابەرا دحەوینت،لەورا گەلەك جاران پەنابەر دژین ل بن چادرا و كابینا تایبەت ل بەرلینێ و گەلەك جارا جهێن تەندروستی یێن شوشتن وڤە شوشتنێ نینن ،لەورا گەلەك نەخۆشی ب ئاسانی بەلاڤ دبن ل ناڤ پەنابەران دا،وگەلەك جارا مرۆڤ تێتە ڤەگۆهاساتن بۆ كەمپەكا دی یا بەروەخت و دووری كەس و كارێن وی بۆ وان كەسین ناسێن وان ل ئەلمانیا وبەهرا پتر ژ جاران مرۆڤ رێك پێنەدایە كو ژ سنوورێ هەرێما خوە دەركەفت،ئیلا پشتی كەمپا هەردەمی،دیسان خۆ پشتی وەرگرتنا مافێ پەنابەریێ جۆرەكی دی یێ ئێش و ئازارا دێ بەردەوام بت هندەك نەخۆشی و ئاستەنگ بەردەوام دبن وەك گەریان ل خانی تایبەت ئەگەر خێزانەكا گەلەك ئەندام بت و برێڤەبرنا مامەلا وی گەلەك زەحمەتە,و ژ پێدڤیێت زۆربەلاڤ ئەوە مرۆڤ بچتە نەخۆشخانێ و نیشان و سیفەتێن نەخۆشیا خوە بێژت یان دام ودەزگایەكا میری و زمانی ئەلمانی نزانت زۆر گرانە كارەكی خوە برێڤە ببەت و زمانێ ئەلمانی بخوە ئێك ژ وان زمانێت گران ل جیهانێ سێجاری زەحمەترە ژ زمانێ ئینگلیزی وژبلی گرانیا وی گەلەك جارا دەلیڤا خۆلێت زمانی بۆ هەركەسەكی چێنابن، ژبەر هندی ژیانەكا نە جێگیرە ب هەزارن خەلك بێ بەهر بووینە ژ خووندنێ و زارۆك ژ باخچێن زارۆكان.
هەروەسا یاسایێت ئەلمانیا گەلەك دپێشكەفتی نە و دئالۆزن وپترن ژ یاسایێت وان وەلاتا كو پەنابەر ژێهاتی گەلەك وەخت دڤێت هەتا پەنابەر فێربتێ و ل سەر را بهێت،دیسان ژبەر نەزانین و شارەزایەكا باش د زمانی دا دەلیڤێت كاری بدەست ناكەڤن و بۆ دەمەكێ درێژ مرۆڤ دێ ل سەر هاریكاریێت كۆمەلایەتی(سوشیالێ ) ژیت و ئەوژی بتنێ تێرا پێداویستیێت ژیانا ڕۆژانە دكن و نەپتر،گەلەك جاران ئەو پارتێت توندڕەو(نازی گەفا ل پەنابەرا دكن ل گەلەك ناوچەیێن ئەلمانیا تایبەت ئەلمانیا رۆژهەلاتی و دیاردكن كو پەنابەر دێ كارتێكرنا خۆ یا نەرێنی ل ئابووریێ ئەلمانیا كن بۆ هندێ ئەڤ پارتنە جارەكا دی سەنگا خۆ یا سیاسی ڤەگێرن برێكا پەنابەرا ،سەرڤان هەموو ئاستەنگان را گەلەك زەحمەتە مرۆڤ ب ئاسانی خوە بگونجینت ل گەلەك رەوشت و تیتالێن ئەلمانیا و رابردوویێ خوە ژبیربكت،دیسان گەلەك جاران مرۆڤ تووشی نەخۆشیێت دەروونی دبت ئەرێ دێ ماف هەبت ل ئەلمانیا بمینت یان نە؟ ئەرێ دێ چی بریار سەبارەت شوون تبلا دێ ئێنە دان؟ یان گەلەك هزردكن سەبارەت كەس و كارێت خوە ئەوێن ماین یان ئەوێن برێڤە كادێ چارەنڤیسێ وان چیبت؟سەر ڤان هەموو نەخۆشیا را و جێوازیا ناڤبەرا خەلكێ ئەلمان و پەنابەرا ژ رەوشت و تیتال و ئاین و نەتەوەی …هتد ،مرۆڤایەتیا وان ئەڤ سنوور حەموو وێت دابەزاندین و مل ب مل هاریكاریا پەنابەرا دكن و بارێ خەم و ئێش و ئازارێت وان یێ سڤك كرین،بێ كو گرنگیێ ب كەناڵ و میدیایە بدەن.
ب هەزارن خەلكێ ئەلمان خۆلێت زمانێ ئەلمانی وێت ڤەكرین خۆبەخش و كەل و پەلێت ناڤ مالێ بۆ پەنابەرا وێت كۆمكرین وهاریكاریا پەنابەرا وا كرین،كو ببنە ئەندام ل تیپێت مۆزیكێ و تەپاپێ ژبۆهندی بزووترین دەم بێنە گونجاندن ل گەل وان و فێری زمانی بن و كارێ وان یێ مرۆڤایەتی و حەواندنا پەنابەرا چو جاری نائێتە ژبیركرن،بەلێ سەرڤان هەموو هاریكاریا را خەونا هەزارن پەنابەرایە بزڤرنە وەلاتێ خوە جارەكادی وەكی چاوا زاڕۆك دچتە هەمبێزا دەیكا خوە و جارەكا دی هەناسا ژیانێ بكێشن ل وەلاتێ خوە ب سلامەتی و ئەڤینا خوە بكت ئازاد ل وەلاتەكی ئازاد و گرنژین جارەكا دی بكەفتە سەر لێڤێت دەیك و زاڕۆكا و بخونت و باخڤت ب زمانێ دەیكا خوە و ل گەل رەوشت و تیتالێت خوە و بگێرن جەژن و هەلكەفتێن خوە ،وجارەكا دی بژیت ب ئاسانترین و ساكارترین ژیان نەگرنگە ئاستەكی ئابووریە بەرز یان ژیانەكا خۆشگوزەرانبت.
تُتاح هذه الصورة أيضا في: کوردی
