ئینقلابه‌ك كومێدی؟!
كۆڤان حسێن
ئێكه‌مین ئینقلاب ل عیراقێ جه‌نه‌راله‌كێ كورد پێ رابوو ئه‌و ژی جه‌نه‌رال (به‌كر سدقی) بوو ل سه‌رده‌مێ پادشای، ئانكو (بكر صدقی) ژی په‌روه‌ردا فێرگه‌ها جه‌نگا ئۆسمانیان بوو. ئه‌و ژ له‌شكرێ (ئینكشاریێ) ئۆسمانیان كو پتری ژ(چاار) سولتانێن ئۆسمانی تیرۆركرین و كه‌سێن دی د ئینقلابه‌كێ دا داناینه جهێ وان، ژمێژه (ئه‌نادول) ژینگه‌هه‌كا ل باره بۆ ئینقلابا. ئه‌ڤ كومێدیا ب ناڤ ئینقلاب ئه‌ڤا ل (15 ئابێ) روودای ب دیتنا من ب هیج ره‌نگه ئینقلاب نه‌بوویه. به‌لكو سیناریویه‌كا نه‌ته‌مامكری بۆ خولقاندنا ده‌رفه‌تا رامالینا هه‌ڤدژێن سیاسی بوو. تاقیكرنه‌كا نشتیمانی بۆ لایه‌نێن سیاسیێن توركی و سه‌ر ئه‌نجام موكمكرنا ده‌ستهه‌لاتا (ئه‌ردوغانی)یه. ئه‌ز نابێژم ئه‌ردوغانی ئه‌ڤ (فلمێ ئه‌كشن) ئاماده كریه. لێ پرسیارا سه‌ره‌كی ئه‌وه كی ژ ڤی فلمی مفادار بوو؟ كێ 24 (هه‌لیكوپته‌رێن) توركیا د ئێك دم دا ئێخستنه خوارێ ل ده‌مه‌كی (ئه‌ركانێ هێزا ئاسمانی) ئینقلابچی بوو؟! یان ئینقلابچی (ده‌به‌نگ و گێژن) و هیچ ژ نه‌خشه‌كێشانا ئینقلابا نزانن یان ژی فلمه، چه‌وا ئینقلاب سه‌رۆكێ وه‌لاتی دهێلیت ساخ و ئازاد و ئینقلابێ دكه‌ن؟ سه‌رۆك وه‌زیر و وه‌زیرێ به‌ره‌ڤانیێ پیاسا بكه‌ن و ل وه‌لاتی ئینقلابچی هێرشێ بكه‌نه سه‌ر (ته‌ره‌تێ) و (توركسات) و پتری (300) كه‌نالێن ئه‌ردوغانی په‌خشێ بكه‌ن؟! زۆربه‌یا رۆژنامه‌ڤانێن بیانی ل توركیا كارێ خوه دكرن و زۆر پرسیار ئازراندن و بێ به‌رسڤ مانه. جه‌نابێ ئه‌ردوغانی ب چ باله‌فرێ گه‌هشته ئه‌نقه‌رێ؟! یا كیژ وه‌لاتی بوو؟! مخابنی ره‌نگڤه‌دانا وه‌لاتیێن توركیا یا ڤالا نه‌بوو ژ دیمه‌نێن (داعشێ) وه‌ك سه‌ربرینا (جه‌ندرما) كو ب خوه ل عه‌سكه‌ریا زۆره‌ملینه، ئانكو نه‌هیزێن تایبه‌تن یان كوماندوسن؟! گرتنا فرۆكخانا (ئه‌تاتوركی) و هێلانا (تورك سێل) یا ته‌له‌فۆنا كار بكه‌ت؟! مخابنی توركیا و وێ قووناغا پێرا گه‌هشتی ب بناڤێ ئینقلابێ تووشی ڤێ بێ رێزیا خراب بووی. سه‌ربۆرا توركیا یا ئابووری و گه‌شه‌پێدان تووشی هه‌ژیانه‌كا مه‌زن كر. سه‌ده‌مێن ئینقلابێ ل توركیا نینن وه‌ك د به‌یانناما وان دا هاتی زۆر (هه‌زله‌ی) و نه سیاسی بوو، لێ ئه‌ردوغان محتاجی (گوه بادانه‌كا) ب راستی بوو، تا ژ قه‌بارێ خوه پتر ده‌رنه‌كه‌ڤیت، د یه‌كه‌م سه‌عه‌ت دا (ئاكپارتی) ئه‌مریكا گونه‌هبار كر. ل رۆسیا (جون كیری) ئیدانا ئینقلابێ نه‌كر؟! پشتی چه‌ند سه‌عه‌تان تازه ئه‌مریكا پشته‌ڤانیا شه‌رعیه‌تێ كر. لێ پشتی هه‌ر تشته‌ك زه‌لال بووی.
خوینده‌ڤانێ هێژا ئه‌ڤ فلمه ناڤێ وی ئینقلاب بوو، لێ ئینقلاب نه‌بوو، بۆ به‌رسڤا پرسیارێن گه‌له‌ك پێدڤی ب جه‌خه‌كێ یه تا به‌رسڤا وان بێته دان. ئه‌ڤ ئینقلابه وه‌ك ئینقلابا (پۆلیسان) بوو ل عیراقێ یا سه‌ر نه‌گرتی و كومێدی ل سالا 1950 و تا نوكه ژی مژداره ئایه پۆلیس و ئینقلاب بۆ خاترا خودێ.
تُتاح هذه الصورة أيضا في: کوردی
