راگەهاندن و تایبەت مەندی
ژێگر عبدولستار
یا خویایە كو ئەڤرۆ راگەهاندن یا زالە ل سەر هەمی دونیایێ و شیایە دونیایێ بكەتە مالەكا بچیك و هەمی دونیایێ پێكڤە گرێ بدەتن،راگەهاندن دەستهەلاتا چارێ دهێت لێ گەلەك جاران ژ بەر كارتێكرنا وێ كارتێكرتێ ل دەسهەلاتا سیێ و دووێ و ئێكێ ژی دكەت و راگەهاندن ب هەمی جۆرێن خوڤە دیتن و گوهلیبون و خاندن و ئەلكترونی.
هەكە ئەم بەرێ خۆ ب دەینێ دێ بینین كو بەری چەند سالان ئێك دەزگەهێ راگەهاندنێ بابەت ل سەر هەرتشتەكی بەلاڤ دكرن و راگەهاندنا تایبەت مەند یا كێم بوو،لەومان ژی كێماسی هەبوو و ب دروستی نەشیا دەرهەقا هەرتشتەكی دا دەربكەڤیت لەومان دگەل پێشكەفتنا تەكلونوجیایێ و بەرفرەه بونا ئنترنێتی و هەبونا كەنالێن ئاسمانی،راگەهاندن ژی بەرەف تایبەت مەندی بونێ ڤە چوو و ئێدی راگەهاندنا تایبەت ب وەرزشێ و سیاسەتێ و فلمان و دراما و مۆزیكێ و كلیپان و زارۆكان و سنێلان ڤە دەركەفتن،جهێ دلخۆشیێ یە كو دهۆك ژی یا ڤالا نەبوو ژ هەبونا دەزگەهێن راگەهاندنێ یێن تایبەت كۆمەكا كەنال یێن لوكال و ئاسمانی یێن تایبەتمەند ڤەبون و گەلەك گۆڤار و رادیۆیێن تایبەت مەند ژی ڤەبوون،هەكە ئەم گوڤارا سنێلە بكەینە نمونە كو ئەڤە (10)سالانە یابەردەوامە و یا تایبەت مەندە ب سنێلانڤە و شیایە تایبەت مەندیا خۆ پارێزیت،هەرروەسا تانۆكە (96) هژمار ژێ دەركەفتی نە و هەمی بەرپەرێت وێ ب سنێلەی ڤە دگرێداینە چ سنێلان نڤیساندبن یان ژی بۆ سنێلان هاتبیتە نڤیساندن بۆ زانین ئەڤ گوڤارە تاكە گۆڤارە ل هەمی عێراقێ كو تایبەت مەندیا وێ یا ب سنێلەی ڤەبیتن یێ هیڤی نە كو راگەهاندن پتر بەرەف تایبەت مەندی بونێ ڤە بچیتن،داكو پتر خەلك یێ زانا و هشیاربیتن و هەر كەس گۆرەی پێدڤیا خو و حەزا خۆ مفای ژ راگەهاندنێ بینیت.
تُتاح هذه الصورة أيضا في: کوردی
