ئایا چ پلان بۆ رزگاركرنا گرتیێن ئێزدی هاتینە دانان؟
جوان بەرواری
ئەگەر ئەم بهێن بەرێ خۆ دەینە سە
روبەرێ شارستانیەتا كچێ و ئەحكامێت كچێ بخوونین ،دێ بینین كچ ژی بەشەكە ژهەبوونا دیرۆكێن كەڤنار و ل سەر هەبوونا وێ چەندین مللەت گەهشتینە قۆناغێن جوداجودا و كارو كریارێن وێ ژی بەشەكن ژ شۆرەش وبەرخودانێن مەزن.
لێ ئەگەر ئەم وەك پێناسە ل سەر هەبوونا كچێ ب راوەستین و بەحس لێ بكەین كو كچ ل سەر بنیاتێ دەستپێكی ب شێوازەكێ رێك پێك هاتیە پەروەردەكرن وهەتا قۆناغ بۆقۆناغێ دەركەفتیە،لێ گەلەك جاران وەكی دئاینان ژی داهاتیە بەحسكرن كو مافێن ڤێ ژنێ ئانكو ئافرەتێ چ بووینە ، كچ یا پەردەپوش كریە و ئێكە ژبوونەوەرێت هەری گرنك دئاڤاكرنا جڤاكان دا ل سەركارڤەدانەكا نەتەوەیی بوویە میناكەك هەری مەزن ول سەردۆزێن سیاسی ژی بوویە كولیلكا دەشت و چیایان،هەتا نۆكە كچ ل سەر وێ بەرخودانێ ژی هەربەردەوام بووینە هەردیسان بووینە بەشەك و مل ب ملێ زەلامی بوویە هاریكارو بەشداری كریە ، لێ ل ڤێرە تشتێ من دڤێت ئاماژێ بدەمێ و ناخێ من دهەژینە ئەوبوویە ؟ كو ب دیرۆكا سالانە كچ دئازادیەكا نەرەوادا ژین وقەرەبووكرن وچارەنڤیسێ ڤێ كچێ یێ بەرزەیە وتایبەت ئەگەر ئەم ل سەر تەوەرێن گرنگ تر ب راوەستین ئێك ژ هەبوونێن كچێن بن دەست كوتا ماوەیێ دوسالاو چەند هەیڤانە داگیركرنا شنگالێ و ئەو كارەسات و دەردەسەری و فەرمانێن ب سەرێ ئاینا ئێزدیان دا هاتین ب دەستێن تیرۆرستێن درندە وهوۆڤان ڤە تایبەتی كچ و ژنێن ئێزدیان هەتا نۆكە گەلەك ژوان بن دەستن و هندە هاتینە رزگاركرن ئەڤەژی بەلگەنە ل سەر وێ چەندێ كو وژدانا مرۆڤایەتیێ دهەژینن وهەتا نۆكە شیانێن هاریكاریا جهێن بلند بۆ وان كچ و ژنان چ بوویە؟ژلایێ قەرەبوكرن و رەڤاندنا وان ڤە و ئایا چ ؟ پلان بو وان كچ وژنێن ئێزدی هاتیە دانان ئەوێن هەتا نۆكە ماینە دەدەستێن تیرۆرستێن داعش دا!.
ل ڤێرە گازیا من بۆ جهێن بلندو جهێن بەرپرس وهەروەسا دەزگەهێن گرێدایی سازیێن ئاواران ڤە ئەوە كو بكارن خزمەتا ڤان كچ و ژنان بكن ئەوێن هاتینە رزگاركرن،هەردیسان وەك دابینكرنا گوژمەكێ دراڤی و هەروەسا دابینكرنا گوزارشت و جهێن كاری و بۆ بێنە پەیداكرن،مینا خۆلێن فێركرنێ و زمانی ودانانا پلانێن جێ بەجێكرنێ،هەردیسان ئەوێن ماینە ددەستێن تیرۆرستێن داعش دا ب زوترین دەم بێنە رزگاركرن،چنكو ئەڤە ژی دێ بتە رەنگڤەدانەكا گرنگ ل سەردۆزا كوردی،هەروەسا ب هاریكاریا ڤێ چەندێ خزمەتا وان دا نێتە بەرزەكرن داكو ئەوژی ب شێوەیەكێ گەرما وگەرم ل سەر وان ئازاران نەراوەستێن دا بێنە ل بن ژیوارێ مافێن خۆ.
تُتاح هذه الصورة أيضا في: کوردی
