ئەرێ دێ چاوا دەروونێ كچ و ژنێن رزگاربووی وەك بەرێ ڤەگەرت؟
چنار شەمو
پشتی هێرشا تیرۆرستێن داعش بۆ سەر دەڤەرا شنگالێ كو ڤی گرۆپێ تیرۆرستی ئەڤ دەڤەر تالان و وێران كری و ب هەزاران كچ و ژن و زارۆك و زەلام كوشتن و گرتن،ب شێوازەكێ هۆڤانە ل ڤی سەردەمێ 21ێ ئازارداین ،دەما ئەم هزر دڤێ كارەساتێ دا دكەین هەستەكێ گەلەك نەخۆش ل نك هەر تاكەكی كو هەستێ مرۆڤایەتیێ ل نك هەی پێ خەمبار دبت ، گەلۆ هەكە ئەو كەس بخۆ دناڤا وان نەخۆشیان دە بت وێ هەستێ وێ چاوا بت بەرامبەر ڤان نەخۆشیان ؟.
پشتی كو ژ ئالیێ حكومەتا هەرێما كوردستانێ و هندەك كەسان ڤە هندەك ژ وان كچ و ژنان هاتنە رزگار كرن ژ دەستێن ڤی گرۆپێ تیرۆرستی ، هندەك ژ وان كچ و ژنێن هاتین رزگاركرن ژبۆ چارەسەریا دەروونی و جەستەیی قەستا دەرڤەی وەلاتی كرینە ، لێ هندەك ژ وان ناخوازن قەستا دەرڤە بكن،ژبەركو هیج ئاگەهیەكێ ژ خێزانێن خۆ نزانن و ل بەندا وێ رۆژێ نە كو تشتەكی ژ وان بزانن.
بەلێ ئەگەر ئەم هزر دژین و ژیانا ڤان كچ و ژنان ل هەرێما كوردستانێ دە بكەین پشتی هاتنە رزگاركرن ژ وان توندو تیژێن ل وان هاتنە كرن،پرە ژ ئالۆزیان ژبەركو ل كوردستانێ ئەڤ كچ و ژنە ل ڤێ گەرما هاڤینێ لبن خیڤەتان ڤە ژیان دبن سەری ، هەردیسان نەبوونا كارەبێ و كێمیا هاریكاریێن مادی كو دبتە ئاستەنگ بەرامبەری وان ژبۆ سەرەدانا وان بۆ نەخۆشخانان.
سەرەرای وان نەخۆشیێن دیتین ڤان كێماسیان ببینت،ئەرێ دێ چاوا دەروونێ وان وەك بەرێ ڤەگەرت ؟ لەوما پێتڤیە ل سەر حكوومەتا هەرێما كوردستانێ جهەكێ تایبەت ژبۆ وان دابین بكت و ژ خیڤەت و گەرما هاڤینێ دەربێخن،داكو تووشی هیج كێماسیەكێ نەبن و هەردیسا ژ ئالیێ مادی ڤە هاریكاریا وان بكن و نەخۆشخانەكە تایبەت ژبۆ وان ئامادە بكە،ژبۆ چارەسەریا وان یا جەستەیی و دەروونی ل نێزیك وان ژ بەر ئەگەرێن هاتن و چوونێ ، ئێدی بلا ئەم كەیف خۆشیەكێ لجەم وان پەیدا بكن،داكو وان نەخۆشیان ژ بیر بكن و دەست ب ژیانەكە نوو ل سەر ئاخا خۆ بكن.
تُتاح هذه الصورة أيضا في: کوردی