هنده‌ك كچ وژنێن رزگاربوویێن ده‌ستێ داعشێ تووشی كێمخوونیێ بووینه
باسنيوز:
به‌رپرسا سه‌نته‌رێ دهۆك بۆ پشته‌ڤانیا كچ وژنێن رزگاربوویێن ده‌ستێ داعش دیاركركو هه‌تا نۆكه 10 ھزار و 137 كچ وژنێن كو ژ ده‌ستێ داعشێ رزگار بووینه، ھاتینه ده‌رمانكرن. هنده‌ك حاله‌ت هه‌نه خوینا وان كێمبوویه چونكو خوارن دناڤ ده‌ستێ تیرۆرستاندا نه‌خوارینه. ئه‌م هه‌موو جۆرێن خزمه‌تا پێشكێشی وان دكه‌ن.
د. لۆما حازم، به‌رپرسا سه‌نته‌رێ دهۆك بۆ پشته‌ڤانیا كچ وژنێن رزگاربوویێن ده‌ستێ داعش بۆ(باسنیوز) دیاركر:” حاله‌ت ژی هه‌نه خوینا وان كێمبوویه چونكو ده‌ستێ تیرۆرستاندا خوارن نه‌خوارینه وبرسی ماینه. ئه‌ڤه كارتێكرن ل وان كریه و بوویه ئه‌گه‌ر خوینا وان كێم ببیت. ب رێژا 14% ژ كچێن رزگاربوویی دبن ژیێ 15 سالیێ دانه، ئه‌و تووشی حاله‌تێن ده‌روونی بووینه ژبه‌ر زۆرداریا تیرۆرستێن داعش بسه‌رێ وان ئینایی”.
ئاشكه‌را كر:” ل ده‌ستپێكێ هه‌لسه‌نگاندنا نۆژداری بۆ كچ وژنێن رزگاربوویی دهێته كرن، دووڤ دا ژی فایله‌ك دهێته ڤه‌كرن بۆ هه‌ر ئێك ژوان وهه‌موو زانیاری وبه‌لگه‌نامه دهێنه دیكۆمێنت كرن بۆ هه‌ر كچ وژنه‌كا رزگاربوویی. پێنچ جۆرێن پشكنینان دهێنه كرن ئه‌وژی پشكنینا خوینێ و فایلوجی و پشكنینێن جگه‌رێ و ده‌ست نڤێژا زراڤ ئه‌ڤ دووڤ حاله‌تێ كچ وژنێ دمینت. سێ جۆرێن پشكنینا دگرنگن پێدڤیه ئه‌نجام بده‌ن”.
خویا ژی كر:” بۆ هه‌ر كچ وژنه‌كا رزگاربوویی دوو جۆرێن ڤاكسیندانێ دهێنه دان ئه‌وژی ڤاكسینا كوزازێ و ڤاكسینا هه‌ودانا جگه‌رێ وهه‌موو جۆرێن ده‌رمان هه‌تا سونه‌رێ ژی هه‌یه، ئه‌م خزمه‌تا وان دكه‌ن، هنده‌ك حاله‌ت هه‌نه ل نه‌خۆشخانێ دهێنه نڤاندن چونكو زۆر ماندی بوونه “.
تُتاح هذه الصورة أيضا في: کوردی
