كچەكا رزگاربوویا ئێزدی پتر ژ بیست جاران هاتیە فرۆتن
تۆرا لالش یا راگەهاندنێ
كچا رزگاربوویا ئێزدی(رەنا رەشو)بەحسێ چیرۆكا خۆ دكت دەمێ كەفتیە دەستێن تیرۆرستێن داعشێ دا،دیار دكت ژی كو تووشی چەندین نەخۆشی و ئێش و ئازاران بوویە دەمێ هاتیە گرتن و پتر ژ بیست جاران هاتیە فرۆتن و دەستدرێژی لێ هاتیە كرن،هەروەسا هێشتا دایك و باب و دوو خوشكێن وێ د دەستێ داعش دا ماینە و نەهاتینە رزگاركرن.
(رەنا)نهۆ تەمەن هەژدە سالی یە و بۆ رۆژناما دەنگێ لالش گۆت:وەختێ داعش ئەز و خێزانا من گرتین دنیڤا سیباشێخدرێ و گرعزێرێ دا بووین ل شنگال و دەمێ داعش گرتین بۆ جارا ئێكێ برمە قەزا بەعاج،ل وێدەرێ دۆرێن سێ هەیڤا هێلام و گەلەك كچێن دی یێن ئێزدی یێن گەل مەدا ل بەعاج بووین و دبرن دفرۆتن دبازاران دا،پاشی ئەم ژ بەعاج رەوانەی مووسلێ كرین،كچ هەموو برن و ب رێیەكێ من خۆ ڤەشارت و نەبرم،پشتی هنگێ برینە مووسلێ و دورێن سێ هەتا چار هەیڤا لێ ماین،دیسا ئەم ژ مووسل رەوانەی تەللەعفەر و گوندێن دەوروبەر كرین،هەر چی دەرا ئەم چووبانێ كەچ و ژنێن مە دگرتن و دبرن و ل مووسلێ دهاتن كچ ب زۆری ژ دایكێن وان ڤەدقەتاندن و ژێ قوتكرن و برن،ئەم هەموو ب زۆری دبرن،دایكێن مە ژمێژە ژمە قوتكرن رۆژا دەست پێكێ دا،دایكا من پێنج گوللە لێدابوون و وان برنە نەخۆشخانێ وان و ئێدی مە نەدیت.
دبەردەوامیا ئاخفتنا خۆ دا گۆت:پشتی مووسل ئەم برینە گوندێن تەللەعفەر و دقوتابخانەكا نیڤا تەللەعفەر دابووین،بۆ ماوێ چەندەكێ ل وێدەرێ ماین و پاشی بۆ جیەكێ دی ڤەگوهاستین،پاش ل مووسل ئەمیرەكێ داعش ناڤێ وی حەجی حامد خەلكێ گەیارە بوو وی ئەز برمە مالا خۆ و بۆ خۆ برم و دەستدرێژی ل من كر و بۆ هەفتیەكێ ل جەم وی بووم،پاش دامە زەلامەكی ناڤێ وی موختار بوو كو بۆ ماوێ پێنج هەیڤا ل جەم وی ژی مام و د دەستێ وان دا(10)جاران دەستدرێژی كرنە سەر من،هەر ل مووسل هێلام وی موختاری ژی ب پێنج هەزار دۆلاران فرۆتمە ئێكێ دی ناڤێ وی مەحەمەد گەیارە خەلكێ بەعاج بوو،پشتی هینگێ ئەم لبا محەمەد گەیارە ڤێجا وی رۆژەكێ ل جەم وی بووم بەرپرسەكی بناڤێ ئەبو حسێن قازی قەبوول نەكر و گۆت گەلەك كچ تە برینە و گۆت ئەم دێ ڤێ دەینە ئێكی دی و ئەز برم،ئێكی ژ رەققا بوو ناڤێ وی شێخ بوو،دامە وی و گۆت ل جەم وی بە،كو بۆ ماوێ چەندەكێ دیسان ل جەم وی بووم و ئینامە مووسلێ.
لدۆر چاوانیا رزگاربوونا خۆ ڤێ كچێ دیاركر،تیرۆرستان ژ مووسل ڤەگوهاستمە وەلاتێ سووریا و ل باژێرێ ئدلب بووم ئەمیرەكێ داعش دڤیا من بفرۆشت ناڤێ وی مەحەمەد بوو ئەز ب وی را شاندم،ئەز بەرەف وەلاتێ توركیا برم،ئەم گەهشتنە سەر سنوورێ توركیا من بۆ مالباتا خۆ را تێلەفون كر و گۆتێ ئەوان دڤێن ب سێ دەفتەرێن دۆلاری من بفرۆشن و خێزانا من ئەز كریم.
هەروەسا ئەو چەندە ئاشكەراكر،تیرۆرستان ئەز نەبرمە توركیا و گۆتن هەتا رێ ڤەبن و ب شاشی ڤە رێ نیشا من دابوون،كو گەهشتمە باژێرێ عەفرینێ ل سووریا دەڤ وەزیرێ كانتۆنا عەفرینێ و پتر ژ هەیڤەكێ ل وێدەرێ بووم و یەپەكێ دگۆت دێ تە بەینە قەندیلی بۆ شەری،بەلێ خێزانا من رێ دیتن و ژ عەفرینێ قورتال كرم.
تُتاح هذه الصورة أيضا في: کوردی
