كچەكا رزگاربووی:ب زۆری ولێدانێ تیرۆرستێن داعش ماركرم و ژیانا من ب داوی ئینا
تۆرا لالش یا راگەهاندنێ
كچەكا رزگاربوویا ئێزدی ژ دەستێن داعشێ دیاركر،ل قەزا بەعاج تیرۆرستان برمە بازاری و جلكێت بوكانیێ كرنە بەر من،ب زۆری ولێدانێ و ب قیرین و هاوار و گریێ ل خۆ مار كرم و ژیانا من ب داوی ئینان.
(م.ل)كچەكا رزگاربووی ژ دەستێ داعش بۆ رۆژناما دەنگێ لالش ئاشكەراكر،ل رۆژا(3/8/2014)دەمێ تیرۆرستێن داعش هێرشی شنگال كرین،دگەل خێزانا خۆ ژ مالێ رەڤیان ژ تلەبەنات بەرەف شنگال ،رۆژا پێرا تیرۆرستان ئەم دەستەسەركرن جارك دن ئەم زڤراندن بەرەف شنگال و بەعاج ڤە،پشتی تیرۆرستان بۆ چەندین جیان ئەم ڤەگوهاستین داوی جار ژ سووریا زڤراندینە قەزا بەعاج مالەكا ژ دەرڤەی قەزایێ و ل وێ مالێ دە جانگۆری(جیلان) ژی بوو و بەرامبەر چاڤێن من خۆ كوشت،پشتی وی دەمی كەسەك هات ب ناڤێ بابێ موسا(ابو موسی) و گۆت خۆ نە كوژن و كێ ژ وە دڤێت بمرت ئەز دێ وێ كوژم پاش وی دەمی برمە بازاری و جلكێت بوكانیێ كرنە بەر من پاش ڤەگەریاینە مالێ خواست كو خۆ بشۆم و رازی نەبووم دیسا ب زۆری و ب لێدانێ خواست خۆ بشوم جارا دووێ ژ ترسان رازی بووم و برمە بەرەف خانیەكێ دوور ژ بەعاج و دوی دەمی دا ب قیرین و هاوار و گریێ ل خۆ مار كرم و ژیانا من ب داوی ئینا،پاش بۆرینا(10)رۆژان فرۆتم كەسەكی كو ب تەمەنێ باپیرێ من بوو،لێ هەر دسەر هەولێن رەڤینێ بەردەوام بووم هەتا كاری خۆ ژ دەستان رزگار بكەم.
ڤێ كچێ ئاماژە ب وێ چەندێ دا داعشێ رەفتارێن دوور ژ مرۆڤایەتیێ دژی مە ئەنجام دان و تووشی نەخۆشیان بووین،داخواز دكەم ئەو گرتیێن ماین ب زووترین وەخت بێنە رزگاركرن.
تُتاح هذه الصورة أيضا في: کوردی
