تۆرا لالش
ل رۆژا دووشەمبووێ ل رێكه‌فتی 10/14/ 2024ێ، ب ئاماده‌بوونا خه‌لكێ كۆمه‌لگه‌ها شاریا و كه‌سایه‌تیێن میری و حزبی و كۆمه‌لایه‌تی و مامۆستا و نوونه‌رێن دام و ده‌زگه‌هێن حكومی، ل ژێر چاڤدێریا دەستەیا بلندا بنگەهێ لالش و ب ئامادەبوونا کاندیدا پارتی وشیان خودێدا اومو یا ب سەر لیستا 190 يا پارتی دیموکراتی کوردستان هژمارا 48، بنگەهێ لالش تایێ شاریا ب هەڤکاری دگەل لژنا ناوچا فەیدی د رێورەسمەکا تایبەت دا خه‌لاتێن رێزلێنانێ پێشكێشكی 26 مامۆستایێن خانه‌نشنكری كرن.
ژ ئالیێ خۆڤە بنگەهێ لالش تایێ شاریا سوپاسیا هەموو مامۆستایێن شاریا یێن خانەنشینکری و هەردوو قوتابخانەیێن ئامادەیی ل شاریا کرن و دیاركر ئەڤ خەلاتکرنە نه‌بتنێ رێزگرتنەکە ژ کەد و خەباتا مامۆستایان، بەلکو هەروەسا هەولدانەکە بۆ هاندان و پشتەڤانیکرنا وان پشتی خانەنشینبوونێ ژی.
هه‌روه‌سان ته‌ئكید كرییه، کو مامۆستایێن خانەنشینكری گەنجینەیێن زانین و شارەزاییێ نە، جهێ رێز و پێزانینێ نه و رۆله‌كێ مه‌زن گێراینه د پێشڤەبرنا پرۆسەیا پەروەردێ و فێرکرنێ ل دەڤەرێ.
تُتاح هذه الصورة أيضا في: کوردی
