سێ كیلۆمەتر ماینە هێزێن عێراقی بگەهنە سەنتەرێ فەللوجە
رووداو- فرانس پرێس
هێزێن عێراقی سەركەفتنێن باش ب دەستئیناینە و تنێ سێ كیلۆمەتر ماینە بگەهنە سەنتەرێ باژێرێ فەللوجە.
ژەنەرال عەبدولوەهاب سەعدی،فەرماندەیێ ئۆپەراسیۆنا كۆنترۆلكرنا فەللوجە، رۆژا ئینیێ 10-6-2016 راگەهاند، هێزعێراقی ل شەرێ كۆنترۆڵكرنا باژێری دا سەركەفتنێن مەزن ب دەستئیناینە.
عەبدولوەهاب سەعدیی راگەهاند ژی هێزێن دژە تیرۆرا عێراقێ تنێ سێ كیلۆمەترا ل ناڤەندا باژێرێ فەللوجە دوورن و چەند جهێن سەرەكی ل باشوورێ باژێرێ كۆنترۆل كرینە.
فەرماندەیێ ئۆپەراسیۆنا كۆنترۆلكرنا فەللوجە گۆتژی رێكخراوا داعش دڤیا شەرێ مەزن ل دەرڤەی باژێری دا بكت،بەلێ هێزێن عێراقی كارین سەركەفتنێن مەزن ب دەست ڤەبینن و تەنانەت ل ماوەیێ هەشت رۆژان دا تاخێ شوهەدا یێ باژێری كۆنترۆلكرن.
ب ئاخفتنێن ژەنەرال عەبدولوەهاب،هێزێن عێراقی زۆربەیا جهێن سەرەكیێن باشوورێ فەللوجە كۆنترۆلكرینە و تنێ سێ كیلۆمەتر ل سەرەكترین بالەخانەیا فەرمی یا باژێری ل ناڤەندا فەللوجە دوورن.
فەرماندەیێ ئۆپەراسیۆنێن كۆنترۆلكرنا فەللوجە پێشبینی كر ل ماوەیێ چەند رۆژێن داهاتی دا هێز عێراقی بگەهنە سەنتەرێ فەللوجە.
ئۆپەراسیۆنا كۆنترۆلكرنا فەللوجە ل رۆژا 22ی هەیڤا بۆری دەستپێكر و هێزێَن ئاسمانی یێن هەڤپەیمانان ژی ل رێیا بوردۆمانكرنا بارەگاكانی داعشێ رۆلەكێ مەزن ل ئۆپەراسیۆنێ دا دگێرت.
تُتاح هذه الصورة أيضا في: کوردی
