ئۆباما پشتگیریا خۆ بۆ هیلاری كلینتن دەربری
رووداو 
باراك ئۆباما، سەرۆكێ ئەمریكا پشتگیریا خۆ بۆ هیلاری كلینتن، كاندیدا پارتا دیموكراتیان بۆ ببتە ب سەرۆكا داهاتی یا ئەمریكا دەربری.
تیما بانگەشەیا هەلبژارتنێن هیلاری كلینتن ڤیدیۆیەك بەلاڤكریە كو تێدا ئۆباما پشتگیرییا خۆ بۆ هیلاری كلینتن دەردبرت.
ئۆباما ل بەشەكی پەیاما خۆ دا دبێژت:” دەهان ملیۆن كەس ل پێنجی ویلایەتێن ئەمریكا دا دەنگ دایە بۆ دیاریكرنا كاندیدێ پارتا دیموكراتیا و ئیرۆ من ژی پشتگیرییا خۆ بۆ هیلاری دەردەبرم”.
ل بەشەكی دی یێ پەیامێ دا ئۆباما پیرۆزباهیێ ل هیلاری دكت ل بەرامبەر بوون ب كاندیدا پارتا وی بۆ هەلبژارتنا سەرۆكایەتیا داهاتی یا ئەمریكا”.
باراك ئۆباما دبێژت:”سەرۆكایەتیكرنا ئەمریكا كارەكێ زەحمەتە و دزانت هیلاری ل و بەرپرسیارەتیێ دا دێ سەركەفتنێ ب دەست ڤە ئینت”.
ئۆباما دبێژت:”باوەرم هەتا وەكو نۆكە هیچ كەسەك نەبوویە ل هیلاری كلینتن زێدەتر كاری بت كو ببتە سەرۆكێ ئەمریكا”.
پشتگیرییا ئۆباما بۆ كلینتن پشتی كۆمبوونەكێ هات لگەل بێرنی ساندەرس، كاندیدێ دیموكراتیان بۆ سەرۆكایەتیا ئەمریكا،كو ل دووڤ ئەنجامان نكارت ببتە كاندیدێ دیموكراتیان.
تُتاح هذه الصورة أيضا في: کوردی
