د رۆژەکا وەکو ئەڤرۆ دا داعشێ مووسل کونترۆل کر
وار
رێکخستنا تیرۆری یا داعشێ بەری دو سالان د رۆژەکا وەکی ئەڤرۆ دا ھێرش کرە باژێڕێ مووسلێ و پاش رەڤینا ھێزێن ئیراقی، باژێڕ ب تەمامی کۆنترۆل کر و ژ وی دەمی تا نوکە سەرکردەیێن ئیراقی نەشیاینە سۆزێن خوە یێن ڤەگەڕاندنا وی باژێڕی بجھـ بینن.
د رۆژەکا وەکی ئەڤرۆ دا بەری دو سالان، رێکخستنا تیرۆری یا داعشێ کو د ناڤا سووریێ دا بوو، ب نێزیکی ھەشتسەد چەکداران ھێرش کرە باژێڕێ مووسل کو دووەم مەزنترین باژێڕێ ئیراقی یە و ژ ئەگەرێ رەڤینا ب سه‌دان سەربازێن ئیراقی ژ باژێڕێ ناڤبری، داعشێ ب تەمامی کۆنترۆل کر و یاسایێن خوە ل سەر خەلکێ وی باژێڕی سەپاندن.
حەیدەر عەبادی، سەرۆکوەزیرێن ئیراقێ، بەری ئۆپەراسیۆنا رزگارکرنا فەللووجە دەستپێ بکەت، راگەھاندبوو؛ پاش ھێزێن ئیراقی ب پشتەڤانییا ھەڤپەیمانییا نێڤدەولەتی، پاش رزگارکرنا فەللووجە، ئێکسەر دێ ھێرش کەنە مووسلێ، لێ تا نوکە چو ژ ھەردو باژێڕان نەھاتینە کۆنترۆلکرن.
تُتاح هذه الصورة أيضا في: کوردی
