حكومه‌تێ بڕیاردا ل هه‌فتییا بهێت مووچه‌یێ مه‌ها گۆلانێ دابه‌ش بكت
وار
حكومه‌تا هه‌رێما كوردستانێ بریاردا، ل هه‌فتیا بهێت ده‌ست ب دابه‌شكرنا مووچه‌یێن مه‌ها گۆلانێ یێن فه‌رمانبه‌رێن هه‌رێمێ بكن.
په‌یامنێری وار ل هه‌ولێری راگه‌هاند؛ د كۆمبوونا خوه‌یا ئه‌ڤرۆ دا، لژنه‌یا بلندا به‌رهه‌نگاربوونا قه‌یرانا دارایی، كو ژ سه‌رۆكوه‌زیرێن هه‌رێمێ و جێگرێ وی و هه‌رسێ وه‌زاره‌تێن دارایی و پلاندانان و سامانێن سرۆشتی پێكدهێت، بریاردا هه‌ر ژ ده‌ستپێكا هه‌فتیا بهێت، ده‌ست ب دابه‌شكرنا مووچه‌یێن مه‌ها گۆلانێ یێن فه‌رمانبه‌رێن هه‌رێمێ بكن.
گۆت ژی، بریار هاتییه دان، كو جه‌ژنا ره‌مه‌زانێ، مووچه‌یێ هه‌موو فه‌رمانبه‌رێن هه‌رێمێ ب یێن خانه‌نشین و شه‌هیدان ڤه، بهێته به‌لاڤكرن.
دیسان هه‌ر ئه‌ڤرۆ پشتی كۆمبوونا لژنه‌یا بلندا به‌رهه‌نگاربوونا قه‌یرانا دارایی، جڤاتا وه‌زیرێن هه‌رێما كوردستانێ ژی ب سه‌رۆكایه‌تییا نێچیرڤان بارزانی سه‌رۆكێ جڤاتێ و جێگرێ وی قوباد تاله‌بانی، كۆمبوونا خوه‌یا ئاسایی كر و تێدا، كارێن جڤاتێ و بابه‌تێن گرێدایی ژیارا وه‌لاتیان گۆتوبێژكرن.
تُتاح هذه الصورة أيضا في: کوردی
