بالیوزێ كه‌نه‌دا: پێشمه‌رگه ل جیهانێ دێ بته ناسناما كوردستانێ
ئه‌ڤرۆ نیوز:
بالیوزێ كه‌نه‌دا ل عێراقێ برونو ساكومانی د دیداره‌كێ دا ل گه‌ل سه‌رۆك بارزانی راگه‌هاند: پێشمه‌رگه ب وان پێدڤیێن لوجیستی یێن كێم، ئازایه‌تیه‌كا بێ وێنه نیشادایه، بێگومان ل جیهانێ دێ بیته ناسناما كوردستانێ و هێمایێ ئازایه‌تیێ.
برونو ساكومانی ئاماژه ب وێ یه‌كێ كر كو ئه‌ركی وی ل عیراقێ وه‌كو بالیوز دێ ب دووماهی هات و خوه‌شحالیا خوه نیشادا كو د ماوێ سێ سالێن بووری دا ئاستێ په‌یوه‌نیێن ناڤبه‌را هه‌رێم و كه‌نه‌دا ب ره‌نگه‌كێ به‌رچاڤ پێشكه‌فتی نه و ده‌رفه‌تا پێشخستنا زێده‌تر لێ دهێته كرن.
د به‌رامبه‌ر دا، سه‌رۆك بارزانی هیڤیا وێ یه‌كێ بۆ ساكومانی خواست كو د كارێ خوه یێ داهاتی دا یێ سه‌ركه‌فتی بیت و خوه‌شحالیا خوه‌ژی بۆ به‌ره‌ڤ پێشبرنا په‌یوه‌ندیێن ناڤبه‌را هه‌رێم و كه‌نه‌دا نیشادا و سوپاسیا وه‌لاتێ كه‌نه‌دا كر كو د چارچوڤێ هه‌ڤپه‌یمانیا نێڤده‌وله‌تی ل دژی داعش هه‌ڤكاریا كوردستانێ كری و رۆلێ كه‌نه‌دا د شه‌رێ دژی تیرورێ دا بلند نرخاند.
تُتاح هذه الصورة أيضا في: کوردی
